2 KORINTHIAMI 6
6
Kushokutsu Laghi
1Pa gholo mlakuqhakemi kehu ninguno nongu qhuyiniju kithe akeuno: Alhou kupukini ikhilu keu hu adou shivetsu kevilo. 2Kughengu Alhou no ishi pike:
“Ino qhuivukepu ghulokilo niye nongu sutsa initsuke,
Xakulupu tsalalo ino nongu kuphuke.” Julo! Alhou wu qhuivulakeu ikhilu nikeu ghulokiye hike, xakulupu tsalaye itehino ke! #Isa 49.8 3Timi khuu laghi lomu ninguye lakukha qhitsu puamoe, ikehu khuu pelomu ni kumla kughuthalo akipimi phulu pemo nanike. 4Tishinike zuqhulo, ninguye Alhou qemiqo kehu alaghi thwokhalo ningu likhi ningu jukutokughoyi acheni; tiye akupuna puqhepekeulo eno akijikusalo kheakulushi cheni. 5Ni ghaqhikeulo, akughu shikelo, muto mughu ipeghive kelo, ghichhe ghimelo, ngopemo mithe keulo eno chumo shomokelo kheakulushi acheni. #Aposto 16.23 6Tiye ni mikucho, akighithi, kutuukulu eno kimiyekini akeu pesu; Aghungu Kimthe, kuchou kikimiye, 7kuchou tsape shikeu, eno Alhou kuka ishi akeu lono ninguye Alhou qemi kepi xupiye acheni. Ghiha eno susho kepushi ninguye amikucho zutakihi ani. 8Ningu sunheqhe cheni eno haqhi cheni; ningu thaigha cheni eno sheqhe cheni; kimkimi toi ningu peitha cheni, ikeghi ninguye kuchou picheni; 9timino mthakemi toi, ikeghi kumtsuno ni ithi acheni; kithimi toi ikeghi ninguye xu acheni; akijipusa ketoi anamu ningu pithivemoe; 10amlo ghimepu shitsu anamu ninguye pulhapuju alovi acheni; kumlhomi toi anamu timi kutomo pelo kinimi shilupe acheni; kuha ketoi anamu ninguye thwokha aghi cheni.
11O Korinthiamiqo! ninguye nongu lau ni kichi xukho pesu pi ani, ni mloye khaqhipesu anike. 12Ninguye nongu hakha amoe ikemu nongu dolo letha kile keu anie. 13Niye apuno atianuliqo vilo piake toi pianike, itehiye ningu toi nongu ghi nilau kumsu kilelukeu alo. Kumsukulu aghi nongu mlo ghi xukholo.
Xuakeu Lhou Achine ki
14Pulumokemi sasu aphiphishi kimepesu mla kuqha kevilo kughengu kishi puzu achipiu ngo akumou kuma kulojiluni kya? Kishi puzu akuvu ngo akuzu kuma kuposhuluni kya? 15Khristo ngo Tughami #Grik lo “Beliar” pama kuqhakulupu kesha? Kupulumi lakhiye pulumokemi lakhi sasu kiu aqu shiakepu ani kya? 16Alhou chineki ngo asu-atu ajulho pama kiu lono pulokile kepu ani kya? Kughengu ninguye xuakeu Lhou chineki ke, Alhou no ishi piveke toi:
“Ino panoqo lolo xuni eno panoqo gholo acheuveni;
Ino panoqo Lhou shini eno panonguye iwu timi shiveni.” #Achine 26.12; Ezek 37.27; 1 Kori 3.16; 6.19 17Ikehu Ampeu no pi: “Nonguye panoqo gholono ipeghivelo eno panongu launo kututa shivelo.
Mithekumo kiukeno bukevilo,
eno ino nongu ikhilu nani, #Isa 52.11
18eno ino nongu paPuh shive nani,
nonguno inuliqo eno ingaqo shive nani, ipi Akughushu Mipeu no pike.” #2 Samu 7.14; 1 Yeki 17.13; Isa 43.6; Jere 31.9
Currently Selected:
2 KORINTHIAMI 6: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
2 KORINTHIAMI 6
6
Kushokutsu Laghi
1Pa gholo mlakuqhakemi kehu ninguno nongu qhuyiniju kithe akeuno: Alhou kupukini ikhilu keu hu adou shivetsu kevilo. 2Kughengu Alhou no ishi pike:
“Ino qhuivukepu ghulokilo niye nongu sutsa initsuke,
Xakulupu tsalalo ino nongu kuphuke.” Julo! Alhou wu qhuivulakeu ikhilu nikeu ghulokiye hike, xakulupu tsalaye itehino ke! #Isa 49.8 3Timi khuu laghi lomu ninguye lakukha qhitsu puamoe, ikehu khuu pelomu ni kumla kughuthalo akipimi phulu pemo nanike. 4Tishinike zuqhulo, ninguye Alhou qemiqo kehu alaghi thwokhalo ningu likhi ningu jukutokughoyi acheni; tiye akupuna puqhepekeulo eno akijikusalo kheakulushi cheni. 5Ni ghaqhikeulo, akughu shikelo, muto mughu ipeghive kelo, ghichhe ghimelo, ngopemo mithe keulo eno chumo shomokelo kheakulushi acheni. #Aposto 16.23 6Tiye ni mikucho, akighithi, kutuukulu eno kimiyekini akeu pesu; Aghungu Kimthe, kuchou kikimiye, 7kuchou tsape shikeu, eno Alhou kuka ishi akeu lono ninguye Alhou qemi kepi xupiye acheni. Ghiha eno susho kepushi ninguye amikucho zutakihi ani. 8Ningu sunheqhe cheni eno haqhi cheni; ningu thaigha cheni eno sheqhe cheni; kimkimi toi ningu peitha cheni, ikeghi ninguye kuchou picheni; 9timino mthakemi toi, ikeghi kumtsuno ni ithi acheni; kithimi toi ikeghi ninguye xu acheni; akijipusa ketoi anamu ningu pithivemoe; 10amlo ghimepu shitsu anamu ninguye pulhapuju alovi acheni; kumlhomi toi anamu timi kutomo pelo kinimi shilupe acheni; kuha ketoi anamu ninguye thwokha aghi cheni.
11O Korinthiamiqo! ninguye nongu lau ni kichi xukho pesu pi ani, ni mloye khaqhipesu anike. 12Ninguye nongu hakha amoe ikemu nongu dolo letha kile keu anie. 13Niye apuno atianuliqo vilo piake toi pianike, itehiye ningu toi nongu ghi nilau kumsu kilelukeu alo. Kumsukulu aghi nongu mlo ghi xukholo.
Xuakeu Lhou Achine ki
14Pulumokemi sasu aphiphishi kimepesu mla kuqha kevilo kughengu kishi puzu achipiu ngo akumou kuma kulojiluni kya? Kishi puzu akuvu ngo akuzu kuma kuposhuluni kya? 15Khristo ngo Tughami #Grik lo “Beliar” pama kuqhakulupu kesha? Kupulumi lakhiye pulumokemi lakhi sasu kiu aqu shiakepu ani kya? 16Alhou chineki ngo asu-atu ajulho pama kiu lono pulokile kepu ani kya? Kughengu ninguye xuakeu Lhou chineki ke, Alhou no ishi piveke toi:
“Ino panoqo lolo xuni eno panoqo gholo acheuveni;
Ino panoqo Lhou shini eno panonguye iwu timi shiveni.” #Achine 26.12; Ezek 37.27; 1 Kori 3.16; 6.19 17Ikehu Ampeu no pi: “Nonguye panoqo gholono ipeghivelo eno panongu launo kututa shivelo.
Mithekumo kiukeno bukevilo,
eno ino nongu ikhilu nani, #Isa 52.11
18eno ino nongu paPuh shive nani,
nonguno inuliqo eno ingaqo shive nani, ipi Akughushu Mipeu no pike.” #2 Samu 7.14; 1 Yeki 17.13; Isa 43.6; Jere 31.9
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.