SINGCHAKH 1
1
Isaraelmei Meicsing Chak Reymei
1Isaraelmei rui Izip mpatloumei tangv kaneimei kwm kaneimei bw tuang reymei tingmik nungc, Sinai tazikramv khou bam khou Ringhpouc rui katuang pheykai khou Mousi ta kachuc the. Ringhpouc rui sa the,#Sin 26.1-51 2“Aron nangney rui Isaraelmei meising tei puinac puinac khatni mpouhlang mpouhlang swna chak nina the. Nggaanvmei kathuicna zanc hyna 3tingkwm 20 tangc kanmei khatni mi ruc ku kanmei, rih khou tat ngammei guay ta nang khatni Aron rui kakang kakang swna zanh hythaulou nina e. 4Puinac kathuicna khou rui kapy swmei akhat akhat rui nangney ta nkhav khang sa o.” 5Mi kabangc khou hyloumei mei guay rui nangney ta nkhavlou puni the. Reuben kaikhwang khou rui Shedeur nac mpouh Elizur, 6Simeon kaikhwang khou rui Zurishadai nac mpouh Shelumiel, 7Juda kaikhwang khou rui Amminadab nac mpouh Nashon, 8Isakar kaikhwang khou rui Zuar nac mpouh Nethanel, 9Zebulun kaikhwang khou rui Helon nac mpouh Eliab, 10Josep nac nunc khou rui: Epharaim kaikhwang khou rui Ammihud nac mpouh Elishama, Manase kaikhwang khou rui Pedazur nac mpouh Gamaliel, 11Benjamin kaikhwang khou rui Gideoni nac mpouh Abidan, 12Dan kaikhwang khou rui Ammishadai nac mpouh Ahiezer, 13Aser kaikhwang khou rui Okaran nac mpouh Pagiel, 14Gad kaikhwang khou rui Deuel nac mpouh Eliasap, 15Naphtali kaikhwang khou rui Enan nac mpouh Ahira, 16mi guay hei meic pang khou rui, kaikhwang kapy nunc Isarael khou rui kapah patloumei nunc the.
17Mousi lev Aron rui kaniw zanc hylou kanmei nunc ta kiuc nduanghna 18Isaraelmei kapwm ta kaneimei bw tuang reymei tingmik nungc kaw kaduai the. Kaniw meicsing theilayna tingkwm 20 khatni mi ruc kukanmei kaniw zanc tei kaniw pupouc khou rui guangmei kaikhwang kaikhwang theilayna zanh hylou the. 19Mousi khou Ringhpouc latdanv tiimei kumcna kamei rui Sinai chyng khou kaniw zanc tei hylou the. 20Jakob nac mpouh nareimei Reuben kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the. 21Reuben tuang kaikhwang khou rui meicsing 46,500 e. 22Simeon kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the, 23Simeon kaikhwang khou rui meicsing hei 59,300 e. 24Gad kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the, 25Gad kaikhwang khou rui meicsing 45,650 e. 26Juda kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the, 27Juda kaikhwang khou rui meicsing 74,600 e. 28Isakar tuang kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the, 29Isakar tuang kaikhwang khou rui meicsing 54,400 e. 30Zebulun kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the, 31Zebulun tuang kaikhwang khou rui meicsing 57,400 e. 32Josep nac nunc: Ephraim kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the, 33Ephraim kaikhwang khou meicsing 40,500 e. 34Manase kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the, 35Manase kaikhwang khou rui meicsing 32,200 e. 36Benjamin kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the, 37Benjamin kaikhwang khou rui meicsing 35,400 e. 38Dan kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the, 39Dan kaikhwang khou rui meicsing 62,700 e. 40Aser kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the, 41Aser kaikhwang khou rui meicsing 41,400 e. 42Naphtali kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the, 43Naphtali kaikhwang khou rui meicsing 53,400 e. 44Mi guay hei Mousi lev Aron rui Isaraelmei kaikhwang 12 tuang meic khyn kapy nunc rui nkhavlouna hyloumei meicsing the. 45Tingkwm 20 khatni mi ruc kukanmei rih bamv khou tat ngammei Isaraelmei guay ta kaikhwang kaikhwang theilayna kasing phuclou the. 46Meic guayna kariumei sing tei 6,03,550 the.
47Levimei tei thu zanh hyloumei khou kazauh mak ge, 48kalam thu Ringhpouc rui Mousi khou sa the, 49“Rihmei sw nuhmei meicsing phu pwkhou, Levimei ta thu kazauhlou nuh mak ge. 50Levimei nunc ta thu atuang kalummei pheykai khatni mi tuang na guay tei kaniw thouc sw khang tiilou nina e. Pheykai khatni mi tuang na guay tei kaniw rui puanc tat nina e, mi khou tei kaniw taanvtaanc nina e, khatni kaniw tuang zypuikai mi daeng khou tei katingh nkuaylou nina e. 51Zypui kalaihmei kathuic kaniw rui kalummei pheykai tei lai nina e khatni zypui kathanc khou pheykai tei kaniw rui katingh thaulou dat nina e. Meic baihmei mi pheykai daeng khou guang tuanhpui mei ta tei thu swluai nina e. 52Baihmei Isaraelmei guay tei thu kakai langv langv kailiangh kailiangh swna kaniw tuang chuangcphey bangc khou zypuikai sw nina e. 53Meic baihmei rui atuang kalummei pheykai daeng khou guangna alungpuam tithauna Isaraelmei zaat ta sw kasic mak khang Levimei nunc rui mi pheykai daeng khou tei kaniw tuang zypuikai kasiamh nkuaylouna gaek nina e.” 54Kumna Ringhpouc rui Mousi khou tiimei latdanv guay tei Isaraelmei rui taanc the.
Currently Selected:
SINGCHAKH 1: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
