HOSEA 9
9
Isaraelmei ta Riap Nimei Hosea rui Sa-ndauhloumei
1He Isaraelmei nuncle, zaatc baihmei nunc kumcna nangniw khumngai tei sw bam dat ri tho. Nangniw tuang Racguangc khou rui tatpatna nangniw kakhang lwmnuh makmei sw the. Kandih kapwm khou nangniw hei mangcsangmeiluc nunc kumcna nangniw rana nangniw ta Baal rav khou zuanclou the kumcna kamei rui tiimei tuang e twna nangniw rui kakhanhmei nap-bi ta tei nangniw ning kungc the. 2Tiki asaanh mak khou nangniw khang nap-bi khatni Olive thauc biuh mak puni the, khatni drakhadui nai dat lak khe. 3Isaraelmei nunc hei Ringhpouc tuang kandic khou bam dat ni tuang hamh the, kaniw Izip thangc tat dat puni the khatni tunu tuneimei taektw Asiria khou tu puni the. 4Mi kandic nei khou tei kaniw Ringhpouc khang drakhadui kat dat ngam lak khe, khatni ravkhaeng dat ngam lak khe. Takaanh zanc tumei rui sw mphuammei kumcna kaniw taektw rui kaniw kaguayna ta swtanac puni the. Hei tei kaniw bung ndaapcmei ti-ngulou khang na puni the, hei tei meic gaanv khat na sini Ringhpouc tuang Ravkai khou katlou khang phungc guang dat ni tuang hamh the. 5Ringhpouc ta chakhwang swmei tuang khumngai guay tei guang pwkhou, kaniw tabui sw la ni tha? 6Swkamut kamaimei guangna meic nunc tei pak phak zinza tat pwkhou, Izipmei nunc rui kaniw ta Memphis khou phuplou khang khuam kaduai puni! Kaniw tuang syanlanv guay khatni kaniw tuang kai kaiphwn bamv guay khou tei pucbang sauhbang rui thau padik puni the.
7Riaplou nimei ganv guang pw the, meic nunc rui kaniw tuang taanvphy laa nimei ganv guang the. Mi kiu pat pwkhou kiu, Isaraelmei rui thay puni the! “Mi muhzwngpu hei mbamei e. Kamei hei kabuak padik makmei de,” twna nangniw sa e. Nangniw ata heidikamv karaeng the kalam thu nangniw paap heidikamv daic the.#Luk 21.22 8Ravguangc kamei Isaraelmei ta swriak thay khang dinclou khang ata muhzwng swna thouc guang the. Tiki ai tatloupui bamv kathuic nruayna ta kumc kaniw ata manh khang karamc the. Ravguangc tuang kandic kahak khou meic nunc tei muhzwng ta zauczihmei nunc sw the. 9Kaniw tuang taanv guay tei kaniw rui Gibea khou sw kanmei kumcna simei kanganv tangc the. Ravguangc rui kaniw paap ningtow bam puni, kumna kaniw ta mi khang tei rui dandi tii puni.#Lzp 19.1-30
Isaraelmei tuang Paap khatni Kathai guay
10 Ringhpouc rui sa e, “Ai rui Isaraelmei nunc ta ariw rey khou tei tazikramv khou thau bammei drakhathai ariwna tu kumc khwan e. Ai rui nangniw pupouc nunc ta how rey khou tei, tadutthai ganv khou minc reymei thai ariw kumc khwan e. Tiki kaniw Peor Chyng khou guang pwkhou, kaniw Baal ta kalum thau the, kumna kaniw rui nzianmei rav nunc ta karaengmei kumcna kaniw ta ni karaeng the.#Sin 25.1-5 11Isaraelmei tuang tik hym tei nruay kumcna samc tat kan puni the, kumna kaniw tunapuan nai dat ni tuang hamh the. Ntumei nunc kaniw pumc nrit dat ni tuang hamh the, 12khatni kaniw alauc nunc makuat thau sini, ai rui kaniw ta laa ganc puni kumna meic gaanv khat na ta sini tiringclou ni tuang hamh the. Ai rui kaniw ta mpatlou pwkhou, kaniw khou meic pingmei tuang pat puni the.”
13He Ringhpouc, kaniw nac nunc ta phuna tiswluai bammei ta ai how e. 14Mi nunc khou hei swlou khang ai tabui sw nina cho? Ntumei guay ta kaniw napuan tilaa tulou riu! Kaniw noudui bamv tiphuilou o!
Isaraelmei ruc khou Ringhpouc Latzan
15 Ringhpouc rui sa e, “Kaniw tuang simei taanv guay hei Gilgal khou rui kahouh the. Mi khou tei rui ai rui kaniw ta karaeng thau the. Kumna kaniw rui taanvsic taanhmei zaeng rui, ai rui kaniw ta akandih khou rui alay ganc puni. Ai rui kaniw ta nzian dat lak khe; kaniw tuang kapy guay rui ata liam the. 16Isaraelmei nunc hei kamaan theic ngamna kathai nthai makmei thingbang kumc the. Kaniw tunapuan nai ni tuang hamh the, nai khwan sini kaniw rui nzianmei nac nunc ta tei ai rui swluai puni.”
Muhzwng rui Isaraelmei Lam khou Samei
17Ai rui kasiamruai sw bammei Racguangc hei rui kamei nunc ta ganc pat puni the. Kalam thu kaniw rui kalat tei chulou mak khe. Kaniw hei kading maekna zaatc guay pang khou rui lungcruan tat bammei nunc sw puni the.
Currently Selected:
HOSEA 9: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
HOSEA 9
9
Isaraelmei ta Riap Nimei Hosea rui Sa-ndauhloumei
1He Isaraelmei nuncle, zaatc baihmei nunc kumcna nangniw khumngai tei sw bam dat ri tho. Nangniw tuang Racguangc khou rui tatpatna nangniw kakhang lwmnuh makmei sw the. Kandih kapwm khou nangniw hei mangcsangmeiluc nunc kumcna nangniw rana nangniw ta Baal rav khou zuanclou the kumcna kamei rui tiimei tuang e twna nangniw rui kakhanhmei nap-bi ta tei nangniw ning kungc the. 2Tiki asaanh mak khou nangniw khang nap-bi khatni Olive thauc biuh mak puni the, khatni drakhadui nai dat lak khe. 3Isaraelmei nunc hei Ringhpouc tuang kandic khou bam dat ni tuang hamh the, kaniw Izip thangc tat dat puni the khatni tunu tuneimei taektw Asiria khou tu puni the. 4Mi kandic nei khou tei kaniw Ringhpouc khang drakhadui kat dat ngam lak khe, khatni ravkhaeng dat ngam lak khe. Takaanh zanc tumei rui sw mphuammei kumcna kaniw taektw rui kaniw kaguayna ta swtanac puni the. Hei tei kaniw bung ndaapcmei ti-ngulou khang na puni the, hei tei meic gaanv khat na sini Ringhpouc tuang Ravkai khou katlou khang phungc guang dat ni tuang hamh the. 5Ringhpouc ta chakhwang swmei tuang khumngai guay tei guang pwkhou, kaniw tabui sw la ni tha? 6Swkamut kamaimei guangna meic nunc tei pak phak zinza tat pwkhou, Izipmei nunc rui kaniw ta Memphis khou phuplou khang khuam kaduai puni! Kaniw tuang syanlanv guay khatni kaniw tuang kai kaiphwn bamv guay khou tei pucbang sauhbang rui thau padik puni the.
7Riaplou nimei ganv guang pw the, meic nunc rui kaniw tuang taanvphy laa nimei ganv guang the. Mi kiu pat pwkhou kiu, Isaraelmei rui thay puni the! “Mi muhzwngpu hei mbamei e. Kamei hei kabuak padik makmei de,” twna nangniw sa e. Nangniw ata heidikamv karaeng the kalam thu nangniw paap heidikamv daic the.#Luk 21.22 8Ravguangc kamei Isaraelmei ta swriak thay khang dinclou khang ata muhzwng swna thouc guang the. Tiki ai tatloupui bamv kathuic nruayna ta kumc kaniw ata manh khang karamc the. Ravguangc tuang kandic kahak khou meic nunc tei muhzwng ta zauczihmei nunc sw the. 9Kaniw tuang taanv guay tei kaniw rui Gibea khou sw kanmei kumcna simei kanganv tangc the. Ravguangc rui kaniw paap ningtow bam puni, kumna kaniw ta mi khang tei rui dandi tii puni.#Lzp 19.1-30
Isaraelmei tuang Paap khatni Kathai guay
10 Ringhpouc rui sa e, “Ai rui Isaraelmei nunc ta ariw rey khou tei tazikramv khou thau bammei drakhathai ariwna tu kumc khwan e. Ai rui nangniw pupouc nunc ta how rey khou tei, tadutthai ganv khou minc reymei thai ariw kumc khwan e. Tiki kaniw Peor Chyng khou guang pwkhou, kaniw Baal ta kalum thau the, kumna kaniw rui nzianmei rav nunc ta karaengmei kumcna kaniw ta ni karaeng the.#Sin 25.1-5 11Isaraelmei tuang tik hym tei nruay kumcna samc tat kan puni the, kumna kaniw tunapuan nai dat ni tuang hamh the. Ntumei nunc kaniw pumc nrit dat ni tuang hamh the, 12khatni kaniw alauc nunc makuat thau sini, ai rui kaniw ta laa ganc puni kumna meic gaanv khat na ta sini tiringclou ni tuang hamh the. Ai rui kaniw ta mpatlou pwkhou, kaniw khou meic pingmei tuang pat puni the.”
13He Ringhpouc, kaniw nac nunc ta phuna tiswluai bammei ta ai how e. 14Mi nunc khou hei swlou khang ai tabui sw nina cho? Ntumei guay ta kaniw napuan tilaa tulou riu! Kaniw noudui bamv tiphuilou o!
Isaraelmei ruc khou Ringhpouc Latzan
15 Ringhpouc rui sa e, “Kaniw tuang simei taanv guay hei Gilgal khou rui kahouh the. Mi khou tei rui ai rui kaniw ta karaeng thau the. Kumna kaniw rui taanvsic taanhmei zaeng rui, ai rui kaniw ta akandih khou rui alay ganc puni. Ai rui kaniw ta nzian dat lak khe; kaniw tuang kapy guay rui ata liam the. 16Isaraelmei nunc hei kamaan theic ngamna kathai nthai makmei thingbang kumc the. Kaniw tunapuan nai ni tuang hamh the, nai khwan sini kaniw rui nzianmei nac nunc ta tei ai rui swluai puni.”
Muhzwng rui Isaraelmei Lam khou Samei
17Ai rui kasiamruai sw bammei Racguangc hei rui kamei nunc ta ganc pat puni the. Kalam thu kaniw rui kalat tei chulou mak khe. Kaniw hei kading maekna zaatc guay pang khou rui lungcruan tat bammei nunc sw puni the.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.