HOSEA 6
6
Kaling Hamhmei Ramlunglai
1Meic nunc tei rui sa e, “Aniu Ringhpouc khou hanc guang dat di kho! Kamei rui aniu ta siat puatlou the, tiki kamei rui suai makna tigaylou dat puni de; kamei rui aniu ta swzamhlou the, tiki kamei rui aniu zamzei guay duamlou dat puni de, kamei kum pw lakna cho? 2Zaeng neih nei neih thumh khou kamei rui aniu ta tikaluanlou dat puni e, kumna aniu kahu khou lungc bam dat puni e. 3Aniu Ringhpouc ta thay khang karamc kho. Tinggaanc nimei suai mak kumc, kandih riu timclou khang lauphwnswan ting suai mak kumc, kamei aniu khou suai makna guang puni e.”
4Tiki Ringhpouc rui sa e, “He Isaraelmei, he Juda, ai rui nangney ruc khou tabui sw kho cho? Nangney ramzian hei achin kumc amaan nuangc kan the; lauthwan zikdui kumc phui nuangc kan the. 5Hei zaeng rui latzan khatni swkamut kamaimei tuang lat hei atuang muhzwng nunc khou tii guang tuang the. Ai rui nangniw khou rui kahawmei thu mi hei e: 6Nangniw tuang taek makmei ramzian ta kahaw e, khouringh khaengmei ta hamh e. Akhang rawna khaengmei suangc amei nunc rui ata thaymei ta kahaw e.#Met 9.13; 12.7
7“Tiki kaniw rui gut tangc rappui lev mi kandic khou hei Adam khou atuang latdyng tei sw bak kan the mi khou tei kaniw akhou lwmnuh makmei tuang sw the. 8Gilead hei meicgay makmei khatni meicbiw-meicdowmei rui padikmei kaidai di the. 9Amuh nunc hei meickai ta nchwanna rik bammei kwamtumei pang kumc the. Nthanmei bamv Sekem tatmei chaeng khou nganvna kaniw meicdow the. Kaniw rui mi simei taanv guay hei taanc rap ni twna taanc the! 10Si kanmei lwnlung Isaraelmei khou ai how e: mei nunc tei ravmaengc kalumna kaniw rana kaniw ta sw tanac the.
11“Kumna he Judamei nunc, nangniw khang ni, nangniw taanv zaeng khang rui nangniw ta dandi tii nimei ganv nrianhlou tang the.
Currently Selected:
HOSEA 6: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
