ROMNYI 7
7
Keshanyi Cüki Pi Kaghape
1Icünyuthu, nthu na hi mangwa khile saben khe tsü chüshi yaben, kepaghenanye nthu tsüdila ayenwa cüki tsü chüben. Anyithu na hang keben chu ayenwa tsüna mathu miwi ben. 2Tsütsonca kesü, kinyibvü kesü na ma wuba hang keben chu ayenwa na ma bhenben; isala keujüla ma wuba na shü lethu, ayenwa ma bhen kebenwa wina ma lisha chi cüdha. 3Tsalina keujüla ma wuba hang keben wi ma npvüza kepa wi ssi nu hang wa lethu, ma pi keqheza nyi kesü le ciaben; isala keujüla ma wuba na shü lethu, ayenwa wina ma lishadha nu ma npvüza kepa wi ssi nu hang wa lela ma keqheza nyi nye. 4Icünyuthu, nthu la tsü makesü le! Ayenwa ghena tsü, nthu na ayenwa wiwa keshü sadha, kepaghenanye nthu na Khrista gwo wi pahan sadha; ithu ya Anyiza kekuli wi nsenthu keyishü saya thsüle kesalina nthu khilitsü keshü wi sa pi hang kecüwa ji sadha. 5Kepaghenanye ithu na ithu sajjü kenmvu wi hang, ayenwa na kechü-kenong kechi kesami kesa mvuwa tsüna ithu gwo wi kuli thsü, nu ithu na keshü kekuli wi tsü nsenthu keyishü sagho thsü. 6Isala ithu na khilitsü kheni ithu pi atssüzü sa thsü keten wiwa shüdha ghena Ayenwa wina lisha chicüdha. Tsalina ithu na kheni zhüketheng yen kaghawenwa kekuli nsala Aghamu wi ketheüwa tsü sa wadha.
Ayenwa nu Kesami
7 #
Bvü 20.17; Aye 5.21 Isathu, ithu khatile khi nu? Ayenwa tsüna kesami kwe? Tsüti nyele! Isala Ayenwa tsüna hi sa pi kesami tsüna mangwa khe chüya thsü. Keujüla Ayenwa tsüna “No nyu ji ntepaghala” nkhi lethu, hi nyu ji ketepagha tsüna mangwa khe chü nkesa. 8Ayenkhukechi tsüwa wina kesami na matsü kemehai muya nu hi wi nyu ji ketepagha tsüdi kuli thsüle kesa kechü chiden. Kepaghenanye ayenwa wi nkenye tsü kesami na kekhang nmi. 9Hi la matsü kesü wi ayenwa nchüla hang gho, isala ayenkhukechi tsü kegho seng wi kesami la hang shagha, 10nu hi shü. Ayenkhukechi ya kahang sengho thsüle kesawa tsüna ighena keshü senghoa. 11#Ade 3.13 Ayenkhukechi tsüwa wina kesami na matsü kemehai muya nu hi mechu nu hi pathia.
12Tsalina Ayenwa tsüna metha, nu ayenkhukechi tsü la metha, meshon, nu mehai. 13Isala tsü ma jjügi kemehaiwa tsüna hi sa pi keshü sa kwe? Tsüti nsale! Kesami na tsü sa; kesami na ntsakhiwa kesami yencüki tsü pi ccücale kesa ghena kemehaiwa sen nu keshü sengho hi cüa. Tsalina ayenkhukechiwa tsü ghena kesami tsüna tsü miwi la sami kayi kesa pi ccücadha.
Anyi Non wi Kekivvü
14Ayenwa tsüna aghamulen wi ghena kesa ithu na chüben; isala hi keshü nyi kesü ha pi kesami nssümagha sala jeü chidha. 15#Gal 5.17 Hi ketanla hi sa keten ha chüshi meya; kepaghenanye hi sa mvu kebenwa tsü nyela hi sa mvu nkebenwa tsü sa yaden. 16Hi sa mvu kebenwa nyela sa mvu nkebenwa tsü sakeya wi hi Ayenwa tsüna meshon le kesa chüyaden. 17Tsalina ha sa ketenwa hana ntsakhiwa hi nye, isala hi wi hang kebenwa kesami na tsü saben. 18Kemehai saya kemehai tsüna hi — tsüna isajjü wi ha nmile kesa hi chüben. Kepaghenanye kemehaiwa sa mvu keten tsüna hi wi ben lela hi tsü saya nten. 19Hi sa mvu keben kemehaiwa tsü saya nten; isala hi sa mvu nkeben nkemehai wa tsü sa yaden. 20Keujüla hi sa mvu nkebenwa tsü saya lethu, tsüna hi nye; isala hi wi kebenwa kesami tsüna tsü kuliben.
21Tsalina ayenwa ha kekuli saben kesa hi muyaben; hi kemehaiwa tsü sa mvu lela nkemehaiwa tsüna hi teshi nten. 22Ileben non wi tsü Anyiza yenwa wi inonghethi benden. 23Isala igwo wi ayen kepa kesü kuliben — ayen tsüna ileben wi ayenwa tsü ssi nu aghi saben kesa hi muben. Ha hi sa pi igwo non wi kuli keben kesami yenwa tssüzü sa thsüden. 24Hi ha anyi anonkeghe nkemi ntsa sadha man! Thowa na keshü gwo hawa wina hi khushi yaten nu? 25Apvüwa Jisu Khrista wina ha kuli kechiwa Anyiza sengle! Tsalina isalethu, hi hati saden: hi isajjü wi kesami yenwa tsü nssümagha saben lela hi hi kemeshen pi Anyiza yenwa tsü kekuli saden.
Currently Selected:
ROMNYI 7: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
ROMNYI 7
7
Keshanyi Cüki Pi Kaghape
1Icünyuthu, nthu na hi mangwa khile saben khe tsü chüshi yaben, kepaghenanye nthu tsüdila ayenwa cüki tsü chüben. Anyithu na hang keben chu ayenwa tsüna mathu miwi ben. 2Tsütsonca kesü, kinyibvü kesü na ma wuba hang keben chu ayenwa na ma bhenben; isala keujüla ma wuba na shü lethu, ayenwa ma bhen kebenwa wina ma lisha chi cüdha. 3Tsalina keujüla ma wuba hang keben wi ma npvüza kepa wi ssi nu hang wa lethu, ma pi keqheza nyi kesü le ciaben; isala keujüla ma wuba na shü lethu, ayenwa wina ma lishadha nu ma npvüza kepa wi ssi nu hang wa lela ma keqheza nyi nye. 4Icünyuthu, nthu la tsü makesü le! Ayenwa ghena tsü, nthu na ayenwa wiwa keshü sadha, kepaghenanye nthu na Khrista gwo wi pahan sadha; ithu ya Anyiza kekuli wi nsenthu keyishü saya thsüle kesalina nthu khilitsü keshü wi sa pi hang kecüwa ji sadha. 5Kepaghenanye ithu na ithu sajjü kenmvu wi hang, ayenwa na kechü-kenong kechi kesami kesa mvuwa tsüna ithu gwo wi kuli thsü, nu ithu na keshü kekuli wi tsü nsenthu keyishü sagho thsü. 6Isala ithu na khilitsü kheni ithu pi atssüzü sa thsü keten wiwa shüdha ghena Ayenwa wina lisha chicüdha. Tsalina ithu na kheni zhüketheng yen kaghawenwa kekuli nsala Aghamu wi ketheüwa tsü sa wadha.
Ayenwa nu Kesami
7 #
Bvü 20.17; Aye 5.21 Isathu, ithu khatile khi nu? Ayenwa tsüna kesami kwe? Tsüti nyele! Isala Ayenwa tsüna hi sa pi kesami tsüna mangwa khe chüya thsü. Keujüla Ayenwa tsüna “No nyu ji ntepaghala” nkhi lethu, hi nyu ji ketepagha tsüna mangwa khe chü nkesa. 8Ayenkhukechi tsüwa wina kesami na matsü kemehai muya nu hi wi nyu ji ketepagha tsüdi kuli thsüle kesa kechü chiden. Kepaghenanye ayenwa wi nkenye tsü kesami na kekhang nmi. 9Hi la matsü kesü wi ayenwa nchüla hang gho, isala ayenkhukechi tsü kegho seng wi kesami la hang shagha, 10nu hi shü. Ayenkhukechi ya kahang sengho thsüle kesawa tsüna ighena keshü senghoa. 11#Ade 3.13 Ayenkhukechi tsüwa wina kesami na matsü kemehai muya nu hi mechu nu hi pathia.
12Tsalina Ayenwa tsüna metha, nu ayenkhukechi tsü la metha, meshon, nu mehai. 13Isala tsü ma jjügi kemehaiwa tsüna hi sa pi keshü sa kwe? Tsüti nsale! Kesami na tsü sa; kesami na ntsakhiwa kesami yencüki tsü pi ccücale kesa ghena kemehaiwa sen nu keshü sengho hi cüa. Tsalina ayenkhukechiwa tsü ghena kesami tsüna tsü miwi la sami kayi kesa pi ccücadha.
Anyi Non wi Kekivvü
14Ayenwa tsüna aghamulen wi ghena kesa ithu na chüben; isala hi keshü nyi kesü ha pi kesami nssümagha sala jeü chidha. 15#Gal 5.17 Hi ketanla hi sa keten ha chüshi meya; kepaghenanye hi sa mvu kebenwa tsü nyela hi sa mvu nkebenwa tsü sa yaden. 16Hi sa mvu kebenwa nyela sa mvu nkebenwa tsü sakeya wi hi Ayenwa tsüna meshon le kesa chüyaden. 17Tsalina ha sa ketenwa hana ntsakhiwa hi nye, isala hi wi hang kebenwa kesami na tsü saben. 18Kemehai saya kemehai tsüna hi — tsüna isajjü wi ha nmile kesa hi chüben. Kepaghenanye kemehaiwa sa mvu keten tsüna hi wi ben lela hi tsü saya nten. 19Hi sa mvu keben kemehaiwa tsü saya nten; isala hi sa mvu nkeben nkemehai wa tsü sa yaden. 20Keujüla hi sa mvu nkebenwa tsü saya lethu, tsüna hi nye; isala hi wi kebenwa kesami tsüna tsü kuliben.
21Tsalina ayenwa ha kekuli saben kesa hi muyaben; hi kemehaiwa tsü sa mvu lela nkemehaiwa tsüna hi teshi nten. 22Ileben non wi tsü Anyiza yenwa wi inonghethi benden. 23Isala igwo wi ayen kepa kesü kuliben — ayen tsüna ileben wi ayenwa tsü ssi nu aghi saben kesa hi muben. Ha hi sa pi igwo non wi kuli keben kesami yenwa tssüzü sa thsüden. 24Hi ha anyi anonkeghe nkemi ntsa sadha man! Thowa na keshü gwo hawa wina hi khushi yaten nu? 25Apvüwa Jisu Khrista wina ha kuli kechiwa Anyiza sengle! Tsalina isalethu, hi hati saden: hi isajjü wi kesami yenwa tsü nssümagha saben lela hi hi kemeshen pi Anyiza yenwa tsü kekuli saden.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.