SHICÜSI 1
1
Israel Nyithu Nyanzhüghu Atuwa
1 #
Scs 26.1-51. Israel nyithu na Ejipt teshi nu amapi keni asha keniwa ghanan atuwa wi Apvüwa na Sinai yyikeshü wi ma ketenpen Nithsüjjen wi Mosa ccüneng nu khi, 2“No nu Aaron nshinyi Israel nyithu agei nu atheghi kenie wina nyanzhüghu yalo. Npvüzathu tsüdi nyan zhü, 3kahang mapi nkwe nu tsümiwi keqhaiki aghi waya kemehai nyanzhüghu yalo. 4Amizza tsüdi wi agei kesü wi meshu kesü ya nshinyi kiqa thsülo.” 5-16Anyi hathu ha mathu mizza wi accülikesathu kekuli ha ghena anyithu ja wi kessishiya:
| Amizza | atheghi liwa |
|---|---|
| Reuben | Shedeur tsa Elizur |
| Simeon | Zurishaddai tsa Shelumiel |
| Judah | Amminadab tsa Nahshon |
| Issakhar | Zuar tsa Nethanel |
| Zebulun | Helon tsa Eliab |
| Efraim | Ammihud tsa Elishama |
| Manasseh | Pedahzur tsa Gamaliel |
| Benjamin | Gideoni tsa Abidan |
| Dan | Ammishaddai tsa Ahiezer |
| Asher | Okhran tsa Pagiel |
| Gad | Deuel tsa Eliasaf |
| Naftali | Enan tsa Ahira |
17Mosa nu Aaron manyi na meshu taghakeni hathu ha kekiqa sen nu 18asha keniwa ghanan atuwa wi anyithu maben cighu chi nu agei nu atheghi kenie wina anyi tsüdi nyan zhüya. Npvüzathu kahang mapi nkwe nu tsümiwi keqhaiki tsüdi si nu nyan zhüya, 19tsüna Apvüwa na kekhi ti sa. Sinai yyikeshü wi Mosa na anyithu nyanzhüghu. 20-46Npvüzathu kahang mapi nkwe nu tsümiwi keqhaiki aghi waya kemehai mathu gei nu atheghi kenie wina nyan zhüya, Jakob tsa keqhaiwa Reuben mizza pi atuwa sanu zhüya. Tsüdi saghu hati:
| Amizza | Anyi |
|---|---|
| Reuben | 46,500 |
| Simeon | 59,300 |
| Gad | 45,650 |
| Judah | 74,600 |
| Issakhar | 54,400 |
| Zebulun | 57,400 |
| Efraim | 40,500 |
| Manasseh | 32,200 |
| Benjamin | 35,400 |
| Dan | 62,700 |
| Asher | 41,500 |
| Naftali | 53,400 |
| Maben: | 603,550 |
47Levi nyithu pi amizza kepapa kesa wi nyanzhüghu nsa, 48kepaghenanye Apvüwa na Mosa wi kiza, 49“No khathansha wi anyi aghi waya kemehaithu nyanzhüghu khe Levi mizza pi ciwi nchila. 50Tsüti kesawa nye Levi nyi pi hi ketenpen Nithsüjjen nu ciwi keben tsanqai tsüdi kenonccathu sa thsülo. Mathu na tsü nu tsü tsanqaithu pvü nu tsüghena kekuli sa, nu mathu kemnanpen sapi tsü vüyaben. 51Khathansha wi nthu na kemnanpen ketsen wa khe Levi nyi na Nithsüjjen tsü pheghe nu tsü sen wa kemnanpen ketheü wi saneng ben. Anyi kesüle kesü lela Nithsüjjen tsü tetsaki keghowa ma pi shü thsüaben. 52Israel nyi kepathu tsüdila akhang khang sala mathu kemnanpen saya, meshu kesüsü ma zi nu ma gei thsükizanki kenie wina saya. 53Isala Levi nyithu na Nithsüjjen vüla kemnanpen sa nu tsü hie, isanu anyi kesüla tsü kete wi gho ileben keminu cüssi pi Israel nyithu miwi nchi thsüle kesalina.” 54Tsalina Israel nyithu na Apvüwa na Mosa kekiza tsüdila sa.
Currently Selected:
SHICÜSI 1: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
