2 THESSALONIANYU 1
1
Kelu Keshü
1Paul, Silvana lo Timothi tse nyugun le thu pe n Pvü lo Npu Jisu Khrista kipon bin kela Thessalonia nyu kehun gü ketsü. 2Sunggigü n Pvügü lo Npugü Jisu Khrista ka nyu chwikeryü shwikenjün lo nyun kebwen gü no hagun zen bin kelo gü thyülo.
Khrista Le Tsükeryü Ka Temi Ketso Nrün
3Apvünyu ju, ale hagun genyu Sunggigü shwen zin mvulo shvu laso; lo tsühontse thyü zü. Kechamvule hagun ketenyen le mi kenye sa chwi jü, lo hagun lihigüe khinyunyu keso chon kenye kebin genyu. 4Tsügenyu ale hagun le mele hagun shwe kethyü nyue lo hagun le kenjün kethyü le hagun ge keryü ka-e nyhenhi kehü lo hagun le nnu mvu bin kehü lo ketenyen genyu Sunggigü kehun dan nyu hagun genyu a sherhün sa bin hünyo.
5Hile Sunggigü le ketsin nyu temi jünkera kehü shalo kegwa nme, kechamvule ntsoka kenjün thyü kebin hi aphu genyu hagun le a-keda nyu yülo kekü thyülo ti. 6Sunggigü le nyu le nzhü yo tsü thyü ti. A-le kenjün kethyü khipe hagun no kenjün thyü kebin nyu dan tsüti. 7Npugü Jisu Khrista le tsangge jolo kekvu ju zen-o me yhühyu thyü tsüryü ti, a-le kerüyü khipe hagun kenjün thyü kebin dan tsüti, lo ako atsü ti. 8Ai mah nnyü kebin nyu shaja khipe Sunggigü shakemvu ju lo ngun Npugü Jisu jolokegwa gü zenlo kemvunyu ju tsüti. 9Anyugun le Npugü lo a-zankechwi kethyü kekvu gü ze kekho lati, tson-o kethonthen kenjün kethyü kenke nyu shaja hyu loti. 10A-le tsünyü ryülo a-temi aphu ka zankechwi loti, lo a-tenyen kehü nyu aphu ka kerühvu pvüti. Hagun-e ale hagun ka jünzo keshü gü tenyenlo kela genyu, hagun ko tsüdan dan nyu bin ti.
11Tsügenyu ale Sunggigü no a-kekvu nyu hagun thyü pe a-le hagun no yhunlo tseo hagun ko kelo keyhun nyu yhun kekü thyülo, lo hagun le thatho kegwa thyü nyü kebin lihi-e thyülo, lo ketenyen tho gü thyü penlo lo tse hagun genyu hizin bin hü nyo. 12Tson-o ngun Sunggigü lo Npugü Jisu Khrista shwikenjün nyu hagun genyu n gun Npugü Jisu zankechwi thyülo ti, lo hagun-e agenyu zankechwi thyülo ti.
Currently Selected:
2 THESSALONIANYU 1: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
2 THESSALONIANYU 1
1
Kelu Keshü
1Paul, Silvana lo Timothi tse nyugun le thu pe n Pvü lo Npu Jisu Khrista kipon bin kela Thessalonia nyu kehun gü ketsü. 2Sunggigü n Pvügü lo Npugü Jisu Khrista ka nyu chwikeryü shwikenjün lo nyun kebwen gü no hagun zen bin kelo gü thyülo.
Khrista Le Tsükeryü Ka Temi Ketso Nrün
3Apvünyu ju, ale hagun genyu Sunggigü shwen zin mvulo shvu laso; lo tsühontse thyü zü. Kechamvule hagun ketenyen le mi kenye sa chwi jü, lo hagun lihigüe khinyunyu keso chon kenye kebin genyu. 4Tsügenyu ale hagun le mele hagun shwe kethyü nyue lo hagun le kenjün kethyü le hagun ge keryü ka-e nyhenhi kehü lo hagun le nnu mvu bin kehü lo ketenyen genyu Sunggigü kehun dan nyu hagun genyu a sherhün sa bin hünyo.
5Hile Sunggigü le ketsin nyu temi jünkera kehü shalo kegwa nme, kechamvule ntsoka kenjün thyü kebin hi aphu genyu hagun le a-keda nyu yülo kekü thyülo ti. 6Sunggigü le nyu le nzhü yo tsü thyü ti. A-le kenjün kethyü khipe hagun no kenjün thyü kebin nyu dan tsüti. 7Npugü Jisu Khrista le tsangge jolo kekvu ju zen-o me yhühyu thyü tsüryü ti, a-le kerüyü khipe hagun kenjün thyü kebin dan tsüti, lo ako atsü ti. 8Ai mah nnyü kebin nyu shaja khipe Sunggigü shakemvu ju lo ngun Npugü Jisu jolokegwa gü zenlo kemvunyu ju tsüti. 9Anyugun le Npugü lo a-zankechwi kethyü kekvu gü ze kekho lati, tson-o kethonthen kenjün kethyü kenke nyu shaja hyu loti. 10A-le tsünyü ryülo a-temi aphu ka zankechwi loti, lo a-tenyen kehü nyu aphu ka kerühvu pvüti. Hagun-e ale hagun ka jünzo keshü gü tenyenlo kela genyu, hagun ko tsüdan dan nyu bin ti.
11Tsügenyu ale Sunggigü no a-kekvu nyu hagun thyü pe a-le hagun no yhunlo tseo hagun ko kelo keyhun nyu yhun kekü thyülo, lo hagun le thatho kegwa thyü nyü kebin lihi-e thyülo, lo ketenyen tho gü thyü penlo lo tse hagun genyu hizin bin hü nyo. 12Tson-o ngun Sunggigü lo Npugü Jisu Khrista shwikenjün nyu hagun genyu n gun Npugü Jisu zankechwi thyülo ti, lo hagun-e agenyu zankechwi thyülo ti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.