1 THESSALONIANYU 5
5
1Ai apvünyu ju, tsühontse kethyü le nyu gwünkho ka tiyo thu pe hagun tsü mvue gwa. 2Kechamvule Npugü le keryü le kerühu nyu le khejenyu ryü kehü tsü hontse ti. 3Temi le, “Kenshvu ndi so, lo nyun le keho ndi so,” tse zo keso ka, tsükatsü tenunyu le nnyu titse a-gin thyü whütse ryü kehü hontse kenke le anyugun ge gwen tse ryü ti, lo anyugun le thame thyüo tsü nrhilo ho. 4Ai apvünyu ju, hagun le kezün nyu bin-o tsang keben jon tsügü no kerühu nyu hontse hagun ka ryü titse bin mvu. 5Kechamvule hagun aphu keben gü nyenyu lo tsangkeben nyenyu kethyü genyu. Ngun we kheje ki nmvue kezün gü nyenyu mvu so. 6Tsügenyu ngun we kechanyu hontse zhü bin mvule chon binlo, lo n nyun-e a-kho thyü binlo. 7Kechamvule zhü bin kehü nyu le kheje ki zhü bin hünyo, lo zu tsü nzeü bin kehü nyu le kheje ki nzeü bin hünyo. 8Ai ngun we keben gü nyenyu genyu ketenyen lo keso shüntyü gü khilu lo lo nkenilo nrün sidyü nrin kebin gü pe n perün thyülo, lo nnyun a-kho thyü binlo. 9Kechamvule Sunggigü le nno nyunkekhü kipon gun titse mvule n Npugü Jisu Khrista kipon kenikelo hyulo titse ndo kebin genyu. 10Nle chon bin metse lo zhü tinla metse nno a-zen-o rhünlo nrün genyu a-le ngenyu sila. 11Tsügenyu hagun le thyü kebin hontse khinyu khinyu nyun thyü kepeche lo khinyunyu thyü ngwa binlo.
Thukeyhun Jo Kekhin dan Lo Kelukeshü Jo dan
12Lo a pvünyu ju, ale hagun no hagun dan nyu jolokegwa lotho thyü kehünyu lo Npugü kipon hagun so ge bin-o hagun tsenro kehünyu rühvulo lotse hagun ka zo tenge shü bin nyo. 13Anyugun lotho genyu anyugun rüchün tetso sa lonye. Lo hagun-e hagun dan nyu kengü gwa binlo.
14Lo a pvünyu ju, ale hagun no serikemvunyu tsenro lo, lo a-thin gwakemvunyu thyü kepeche binlo tse lo kvu kemvunyu keche binlo tse lo anyugun aphu ge hagun nyun thonlo lotse hagun thukeyhun shü bin nyo. 15Temi nme-e gwakemvu thyü pe gwakemvu pu kethun ni nya, tsonkethyü gü mvule khinyunyu ge lo temi aphu ge-e tha kegwa thyü shü titse fü zinlo.
16Sherhün zinlo. 17Kehi thyü tüla mvu binlo. 18Tha lihi ka-e Sunggigü cheno zin binlo; kechamvule Khrista Jisu genyu hagun no tsühontse kethyü le Sunggigü kendo kethyü genyu.
19Kapugü bokemhüla nya. 20Sidyü jo kezo nkhin nya. 21Tha lihi-e gwa le shvu yo shwi petsü shü, tson-o kegwa gü tsü tezen tsekho bin lo. 22Gwakemvu lihi-e nrhilo. 23Lo bwenye tse kethyü Sunggigü no hagun thyü kenshün pen shü; tson-o hagun kapu lo hagun kerhünronzin lo hagun min-e ntsen kegwa thyü bin-o Npugü Jisu Khrista le keryü nyü nmulo keho nyu thyülo nda no! 24Lo hagun ko kehü gü le tenyelo kü; lo a-le tsühontse thyü loti.
25Apvünyu ju, agun genyu hi binlo.
26Kenshün nyu kenbo kethyü jvü ka npvünyu ju aphu kelu shü le nye.
27Ale hagun no lesü higü swü pe npvünyu ju aphu hikü shü lotseo Npugü zan sen-o hagun ka zo tenge shü le nye.
28Npugü Jisu Khrista shwikenjün gü no hagun zen bin kelo gü thyülo.
Currently Selected:
1 THESSALONIANYU 5: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
1 THESSALONIANYU 5
5
1Ai apvünyu ju, tsühontse kethyü le nyu gwünkho ka tiyo thu pe hagun tsü mvue gwa. 2Kechamvule Npugü le keryü le kerühu nyu le khejenyu ryü kehü tsü hontse ti. 3Temi le, “Kenshvu ndi so, lo nyun le keho ndi so,” tse zo keso ka, tsükatsü tenunyu le nnyu titse a-gin thyü whütse ryü kehü hontse kenke le anyugun ge gwen tse ryü ti, lo anyugun le thame thyüo tsü nrhilo ho. 4Ai apvünyu ju, hagun le kezün nyu bin-o tsang keben jon tsügü no kerühu nyu hontse hagun ka ryü titse bin mvu. 5Kechamvule hagun aphu keben gü nyenyu lo tsangkeben nyenyu kethyü genyu. Ngun we kheje ki nmvue kezün gü nyenyu mvu so. 6Tsügenyu ngun we kechanyu hontse zhü bin mvule chon binlo, lo n nyun-e a-kho thyü binlo. 7Kechamvule zhü bin kehü nyu le kheje ki zhü bin hünyo, lo zu tsü nzeü bin kehü nyu le kheje ki nzeü bin hünyo. 8Ai ngun we keben gü nyenyu genyu ketenyen lo keso shüntyü gü khilu lo lo nkenilo nrün sidyü nrin kebin gü pe n perün thyülo, lo nnyun a-kho thyü binlo. 9Kechamvule Sunggigü le nno nyunkekhü kipon gun titse mvule n Npugü Jisu Khrista kipon kenikelo hyulo titse ndo kebin genyu. 10Nle chon bin metse lo zhü tinla metse nno a-zen-o rhünlo nrün genyu a-le ngenyu sila. 11Tsügenyu hagun le thyü kebin hontse khinyu khinyu nyun thyü kepeche lo khinyunyu thyü ngwa binlo.
Thukeyhun Jo Kekhin dan Lo Kelukeshü Jo dan
12Lo a pvünyu ju, ale hagun no hagun dan nyu jolokegwa lotho thyü kehünyu lo Npugü kipon hagun so ge bin-o hagun tsenro kehünyu rühvulo lotse hagun ka zo tenge shü bin nyo. 13Anyugun lotho genyu anyugun rüchün tetso sa lonye. Lo hagun-e hagun dan nyu kengü gwa binlo.
14Lo a pvünyu ju, ale hagun no serikemvunyu tsenro lo, lo a-thin gwakemvunyu thyü kepeche binlo tse lo kvu kemvunyu keche binlo tse lo anyugun aphu ge hagun nyun thonlo lotse hagun thukeyhun shü bin nyo. 15Temi nme-e gwakemvu thyü pe gwakemvu pu kethun ni nya, tsonkethyü gü mvule khinyunyu ge lo temi aphu ge-e tha kegwa thyü shü titse fü zinlo.
16Sherhün zinlo. 17Kehi thyü tüla mvu binlo. 18Tha lihi ka-e Sunggigü cheno zin binlo; kechamvule Khrista Jisu genyu hagun no tsühontse kethyü le Sunggigü kendo kethyü genyu.
19Kapugü bokemhüla nya. 20Sidyü jo kezo nkhin nya. 21Tha lihi-e gwa le shvu yo shwi petsü shü, tson-o kegwa gü tsü tezen tsekho bin lo. 22Gwakemvu lihi-e nrhilo. 23Lo bwenye tse kethyü Sunggigü no hagun thyü kenshün pen shü; tson-o hagun kapu lo hagun kerhünronzin lo hagun min-e ntsen kegwa thyü bin-o Npugü Jisu Khrista le keryü nyü nmulo keho nyu thyülo nda no! 24Lo hagun ko kehü gü le tenyelo kü; lo a-le tsühontse thyü loti.
25Apvünyu ju, agun genyu hi binlo.
26Kenshün nyu kenbo kethyü jvü ka npvünyu ju aphu kelu shü le nye.
27Ale hagun no lesü higü swü pe npvünyu ju aphu hikü shü lotseo Npugü zan sen-o hagun ka zo tenge shü le nye.
28Npugü Jisu Khrista shwikenjün gü no hagun zen bin kelo gü thyülo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.