1 THESSALONIANYU 3
3
1Kekhin ki, a gun le tsü n yhen sin bin loho la. Tsügenyu agun le Athen nyu agun npvü bin ti tse rhi lola. 2Lo nsikezen gü, Khrista jolokegwa nyu Sunggigü go gü Timothi nipe no hagun ketenyen nyu hagun thyü nkvu shü lotse lo hagun thukeyhun shü lotse shüle. 3Tsüle kenjün kethyü hidan hi genyu temi nme-e no ketenyen nyu nnula mvu nrün genyu. Hidan hi teno kethyü le ngun khvü tse kethyü hagun le hagun npvü shabin nyo. 4Kechamvule ale hagun zen kebin ka-e ngun le kenjün thyü titse kethyü nchwenyu hagun ka zoshü so; lo tsühontse thyü kethyü hagun-e shabin ti. 5Lo higenyu, ale nyhen sin loho kela ka ale hagun ketenyen shalo nyüo me nipe hagun ki shü hünyo, kechamvule kesemen gü no tha peha ka hagun semen la-o a tha kethyü tsü lope kenrun thyü kela kenshvu genyu.
6Ai ntsoka we Timothi le hagun ki rani-o aki ryü laso, lo a-le hagun ketenyen lo keso, lo hagun le aphin rüchün zin-o ale hagun hyushü nyü kebin hontse hagun-e a hyu shü nyü bin tse kethyü jo kegwa tsüdan senryüo a tesha shü so. 7Tsügenyu apvünyu ju, hagun ketenyen genyu ale kenjün kethyü nyu lo a shekese nyu anyun bwenlo laso. 8Lo hagun le Npugü nyu so nko kelo we ale rhünlo laso. 9Tson-o hagun genyu ale Sunggigü mhundyü nyu akenyü kelo aphu genyu ale hagun genyu dihontse Sunggigü shwen ti sela! 10Ale hagun zen-o kemhun hyu shü lo hagun ketenyen timvu kebin no tilo kenyü genyu tsangben tsangzün ayhen thyüo hibin hünyo.
11Lo n gun Sunggigü n gun Pvügü lo n gun Npugü Jisu no ano hagun ki ryülo kegwa tson tsinshü nda no. 12Lo Npugü no hagun nyun thyü pe ale hagun so kehü hontse hagun no khinyunyu-e lo temi aphu so kenye kelo gü thyülo. 13Tson-o a-no hagun nyun thyü nkvu pe Sunggigü npvü mhundyü nyu hagun no nshün pe nmulo keho thyü bin-o Npu Jisu le a-temi kenshün nyu dan zen ni tsükeryü nyü tikelo gü thyülo nye.
Currently Selected:
1 THESSALONIANYU 3: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
1 THESSALONIANYU 3
3
1Kekhin ki, a gun le tsü n yhen sin bin loho la. Tsügenyu agun le Athen nyu agun npvü bin ti tse rhi lola. 2Lo nsikezen gü, Khrista jolokegwa nyu Sunggigü go gü Timothi nipe no hagun ketenyen nyu hagun thyü nkvu shü lotse lo hagun thukeyhun shü lotse shüle. 3Tsüle kenjün kethyü hidan hi genyu temi nme-e no ketenyen nyu nnula mvu nrün genyu. Hidan hi teno kethyü le ngun khvü tse kethyü hagun le hagun npvü shabin nyo. 4Kechamvule ale hagun zen kebin ka-e ngun le kenjün thyü titse kethyü nchwenyu hagun ka zoshü so; lo tsühontse thyü kethyü hagun-e shabin ti. 5Lo higenyu, ale nyhen sin loho kela ka ale hagun ketenyen shalo nyüo me nipe hagun ki shü hünyo, kechamvule kesemen gü no tha peha ka hagun semen la-o a tha kethyü tsü lope kenrun thyü kela kenshvu genyu.
6Ai ntsoka we Timothi le hagun ki rani-o aki ryü laso, lo a-le hagun ketenyen lo keso, lo hagun le aphin rüchün zin-o ale hagun hyushü nyü kebin hontse hagun-e a hyu shü nyü bin tse kethyü jo kegwa tsüdan senryüo a tesha shü so. 7Tsügenyu apvünyu ju, hagun ketenyen genyu ale kenjün kethyü nyu lo a shekese nyu anyun bwenlo laso. 8Lo hagun le Npugü nyu so nko kelo we ale rhünlo laso. 9Tson-o hagun genyu ale Sunggigü mhundyü nyu akenyü kelo aphu genyu ale hagun genyu dihontse Sunggigü shwen ti sela! 10Ale hagun zen-o kemhun hyu shü lo hagun ketenyen timvu kebin no tilo kenyü genyu tsangben tsangzün ayhen thyüo hibin hünyo.
11Lo n gun Sunggigü n gun Pvügü lo n gun Npugü Jisu no ano hagun ki ryülo kegwa tson tsinshü nda no. 12Lo Npugü no hagun nyun thyü pe ale hagun so kehü hontse hagun no khinyunyu-e lo temi aphu so kenye kelo gü thyülo. 13Tson-o a-no hagun nyun thyü nkvu pe Sunggigü npvü mhundyü nyu hagun no nshün pe nmulo keho thyü bin-o Npu Jisu le a-temi kenshün nyu dan zen ni tsükeryü nyü tikelo gü thyülo nye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.