MATTHAI 1

Jesu Khrist Suangtute

(Lk. 3.23-38)

1David tapa, Abraham tapa, Jesu Khrist khangthu bu: 2Abraham in Isak a suang; Isak in Jakob a suang; Jakob in Judas leh a unaute a suang hi; 3Judas in Tamar apan Perez leh Zerah a suang; Perez in Erom a suang; Erom in Aram a suang hi, 4Aram in Aminadab a suang, Aminadab in Nashon a suang hi; Nashon in Salmon a suang; 5Salmon in Rahab apan Boaz a suang; Boaz in Ruth apan Obed a suang; Obed in Jesse a suang hi;

6Jesse in kumpipa David a suang; kumpipa David in Uria zi apan Solomon a suang; 7Solomon in Rehoboam a suang, Rehoboam in Abijah a suang, Abijah in Asa a suang hi; 8Asa in Jehosaphat a suang, Jehosaphat in Jeram a suang, Jeram in Uzzia a suang; 9Uzzia in Jotham a suang; Jotham in Ahaz a suang; Ahaz in Hezekiah a suang hi; 10Hezekiah in Manasseh a suang; Manasseh in Ammon a suang; Ammon in Josiah a suang; 11Babulon sal a a pilai un Josiah in Jekoniah leh a unaute a suang hi.

12Huan, Babulon sal a a pinung un Jekoniah in Salathiel a suang; Salathiel in Zerubbabel a suang hi; 13Zerubbabel in Abiud a suang; Abiud in Eliakim a suang hi; 14Eliakim in Azer a suang; Azer in Zadok a suang, Zadok in Akim a suang, Akim in Eluid a suang hi; 15Eliud in Eleazar a suang, Eleazar in Mathan a suang, Mathan in Jakob a suang hi; 16Jakob in Joseph, Mari pasal a suang; huai Mari lak ah, Jesu Khrist a hong piangta hi.

17Huchi in suan tengteng Abraham apat David chiang suan sawmlehli ahi, David apat Babulon a sal a a pitan un, suan sawmlehli ahi, Babulon a sal a a pi ua pat Khrist tan suan sawmlehli ahi.

Jesu Khrist Pianna

(Lk. 2.1-7)

18Jesu Khrist hong piandan hichibang ahi; A nu Mari leh Joseph kikham lai, a omkhawm ma un, Kha Siangthou in a gaisak chih a theita uhi. 19Huchi in, a pasal Joseph, mi diktak ahi a, amah daisak a utkei a, a guk in tawpsan a tum hi. 20Himahleh, huai thute a ngaihtuahlai in, ngai in, a mang in Toupa angel a kiang ah a hong kilak a, “Joseph, nang David tapa, na zi Mari neih lau ken, a naupai Kha Siangthou a ahi, 21Tapa a nei dia, a min ding in Jesu na sa ding, aman a mite a khelhna ua kipan a hotdam ding ziak in” a chi hi.

22Toupa’n zawlnei kam a:

23“Ngai in, nungak siangthou a gai dia, tapa a nei dia,

a min Immanuel a sa ding uh” chi a a gen a hongtun theihna ding in

huai tengteng a hongom hi. Huai tuh, “I kiang uah, Pathian a om” chihna ahi. 24Huchi in, Joseph ihmu a thoukhia a, Toupa Angel in a kiang a thu a piak bang in a hih a, a zi a neita hi. 25Himahleh, tapa a neih masiah a kithuahpih kei; huan a min Jesu a sata hi.

Currently Selected:

MATTHAI 1: PAITBSI

Highlight

Copy