2 PETER 2
2
Sinsakmi Takloute
1Himahleh mite lak ah zawlnei takloute leng ahong pawt ua, huchi mah bang in na lak uah heutu takloute ahong om ding uhi, amaute leipa Toupa hilhial tawpsan in mi hihse thei ginna tuam, aguk in ahon lutpih ding ua, amau tung ah thakhat in manthatna atungsak ding uhi. 2Mi tampi in azautatna lam thil uh ahon ching ding ua, amaute ziak in lampi dik gensiat ahi ding hi. 3Sum deihna ziak in zuauthu in sumsinna ding in nou ahon zang ding uh, himahleh nidanglai a omsa amohtanna ding uh akhawl kei a, amanthatna uh leng a-ihmu kei hi.
4Angelte'n thil ahihkhelh un Pathian in ahawi kei a, gawtmun ah apai a, vaihawm ding in phaizang khuk thuk mial ah akhum hi. 5Amah limsakloute omna khovel ah tuichim tungsak in, nidanglai khovel ahawi kei a, himahleh Noah, diktatna thugenpa midang sagih toh ahondamta hi. 6Sodom leh Gomorrah khuate amah limsak lou hong om dingte etsakna ding in azang a, vut suaksak in hihmangthang in siam louh atangsakta hi; 7huan midiktat Lot, migiloute omdan huktak ziak a lungkham mahmah pa ahondamta hi. 8Huai midiktatpa alak ua a-om in, amit in amu a, abil in aza a, dan lou bang a athilhihte un alungsim diktat niteng in ahih na mahmah hi. 9Toupa'n amah limsak mite khemna a pan hotkhiakdan leh diktatloute vaihawm ni a ding a gawt kawm a hawidan athei hi. 10Utna thanghuai lam a sa bang a om leh vai hawmsakna musit mite ngial houh vaihawm ni a ding a gawt kawm a hawidan atheisem hi. Haihan leh chihhak ahi ua, amithupite agensiat un leng aling kei uhi. 11Angel hatna leh thilhihtheihna neite'n amaute dem in Toupa ma ah agense ngei kei uhi. 12Himahleh hiaite'n bel ganhing ngaihtuahna nei lou, mat a hihman dingte bang in, thil atheihlouhte uh agensia uhi. 13Amau diktatlouhna gah lou in asegawp ding ua, suntang lai a zu leh sa kham a buai nuamsami ahi uh. Na kiang ua ankuang alui un, amau kikhemna ankuanglui ahih ziak un, thanghuaina gensiatna ahi uhi. 14Mit angkawmna a dim, khelhna tawpsan theiloute anei ua; mikiploute akhempuk ua; en hat lungsim apu ua; hamsethuak tate ahi uhi. 15Beor tapa Balaam, thilhihkhelhna, loh deihpa lampi atot ziak un lam dik paisan in avakmang uhi. 16Himahleh amah atatlekna ziak in taihilh in a-omta a; sabiltung pau thei lou mihing pau in ahong pau a, zawlnei haina akham hi.
17Hiaite tuikhuk tui om lou leh tuimei huihpi mutleng ahi ua; amaute a ding in nuailam mial sah meuhmouh sit ahita hi. 18Thugina lou chiak zen a gen in gitlouhna lak a kipan a taikhete, taksa utna ah hukna in akhempuk nak uhi. 19Amau siatna sikha hi kawmpi in mite sikha suahtakna thu achiam nak uhi; mite'n zohsa achihte mah in amau sikha in abawl nak hi. 20Toupa leh Hondampa Jesu Khrist atheih ziak ua khovel thanghuainate ataikhiaksan nung ua, huai mah a apuk nawn ua, zoh a a-om nawn ualeh zaw, amasa sang in a-omdan nanung uh ahong hoih keizaw hi. 21Diktatna lampi pen theih nung a, thupiak siangthou akiang ua kepsak nungngatsan sang in, diktatna lampi thei lou hi le uh amau a ding in ahoihzaw ding hi.
22“Ui ama luak ah akik nawn a,
vokpi kisilsiangsa leng buannawi ah kisil ding in akik nawn chih paunak diktak amaute tung ah atungta hi.”
Currently Selected:
2 PETER 2: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
2 PETER 2
2
Sinsakmi Takloute
1Himahleh mite lak ah zawlnei takloute leng ahong pawt ua, huchi mah bang in na lak uah heutu takloute ahong om ding uhi, amaute leipa Toupa hilhial tawpsan in mi hihse thei ginna tuam, aguk in ahon lutpih ding ua, amau tung ah thakhat in manthatna atungsak ding uhi. 2Mi tampi in azautatna lam thil uh ahon ching ding ua, amaute ziak in lampi dik gensiat ahi ding hi. 3Sum deihna ziak in zuauthu in sumsinna ding in nou ahon zang ding uh, himahleh nidanglai a omsa amohtanna ding uh akhawl kei a, amanthatna uh leng a-ihmu kei hi.
4Angelte'n thil ahihkhelh un Pathian in ahawi kei a, gawtmun ah apai a, vaihawm ding in phaizang khuk thuk mial ah akhum hi. 5Amah limsakloute omna khovel ah tuichim tungsak in, nidanglai khovel ahawi kei a, himahleh Noah, diktatna thugenpa midang sagih toh ahondamta hi. 6Sodom leh Gomorrah khuate amah limsak lou hong om dingte etsakna ding in azang a, vut suaksak in hihmangthang in siam louh atangsakta hi; 7huan midiktat Lot, migiloute omdan huktak ziak a lungkham mahmah pa ahondamta hi. 8Huai midiktatpa alak ua a-om in, amit in amu a, abil in aza a, dan lou bang a athilhihte un alungsim diktat niteng in ahih na mahmah hi. 9Toupa'n amah limsak mite khemna a pan hotkhiakdan leh diktatloute vaihawm ni a ding a gawt kawm a hawidan athei hi. 10Utna thanghuai lam a sa bang a om leh vai hawmsakna musit mite ngial houh vaihawm ni a ding a gawt kawm a hawidan atheisem hi. Haihan leh chihhak ahi ua, amithupite agensiat un leng aling kei uhi. 11Angel hatna leh thilhihtheihna neite'n amaute dem in Toupa ma ah agense ngei kei uhi. 12Himahleh hiaite'n bel ganhing ngaihtuahna nei lou, mat a hihman dingte bang in, thil atheihlouhte uh agensia uhi. 13Amau diktatlouhna gah lou in asegawp ding ua, suntang lai a zu leh sa kham a buai nuamsami ahi uh. Na kiang ua ankuang alui un, amau kikhemna ankuanglui ahih ziak un, thanghuaina gensiatna ahi uhi. 14Mit angkawmna a dim, khelhna tawpsan theiloute anei ua; mikiploute akhempuk ua; en hat lungsim apu ua; hamsethuak tate ahi uhi. 15Beor tapa Balaam, thilhihkhelhna, loh deihpa lampi atot ziak un lam dik paisan in avakmang uhi. 16Himahleh amah atatlekna ziak in taihilh in a-omta a; sabiltung pau thei lou mihing pau in ahong pau a, zawlnei haina akham hi.
17Hiaite tuikhuk tui om lou leh tuimei huihpi mutleng ahi ua; amaute a ding in nuailam mial sah meuhmouh sit ahita hi. 18Thugina lou chiak zen a gen in gitlouhna lak a kipan a taikhete, taksa utna ah hukna in akhempuk nak uhi. 19Amau siatna sikha hi kawmpi in mite sikha suahtakna thu achiam nak uhi; mite'n zohsa achihte mah in amau sikha in abawl nak hi. 20Toupa leh Hondampa Jesu Khrist atheih ziak ua khovel thanghuainate ataikhiaksan nung ua, huai mah a apuk nawn ua, zoh a a-om nawn ualeh zaw, amasa sang in a-omdan nanung uh ahong hoih keizaw hi. 21Diktatna lampi pen theih nung a, thupiak siangthou akiang ua kepsak nungngatsan sang in, diktatna lampi thei lou hi le uh amau a ding in ahoihzaw ding hi.
22“Ui ama luak ah akik nawn a,
vokpi kisilsiangsa leng buannawi ah kisil ding in akik nawn chih paunak diktak amaute tung ah atungta hi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.