Ju PROSTAVNA
PROSTAVNA
“Monis zalo ani amchem modem jielo” To Devacho sasnnik Sobd, Jezu mhonn, Juanva Pormonnem hem Xubhvhortoman dakhoita. Hem xubhvhortoman vachpeamnim Jezu bhasail’lo Sodvonnar To, Devacho Put Hoch mhonn sotmandcheak, ani Tache sovem, aplea bhavarta udexim tankam sasnnik jivit mellcheak, hench pustok sangta tea pormonnem hem xubhvhortoman boroilam ( 20:31).
Devacho Sasnnik Sobd To, Hoch Jezu mhonn dakoito prostavana uprant, Jezu bhasail’lo Soddvonnar To, Devacho Put Hoch mhonn puravo ditat tim sobar vismitam hea xubhvhortomanacho poilo bhag dakhoun dita. Heam vizmitam udexim kitem ugddapem zalam tem, uprant provochonantlean spoxtt sangun dilam. Kaim zannamnim koso Jezucher visvas tthevlo ani Tache pattlavdar zale tem, tori her dusreamnim Tacher virudh’ kelo ani Tacher visvas tthevunk na tem, hea pustokachea poilea bhagant dilam.
Taka poradhin korche rati, ani Taka Khursar marche adle sanje, Apleam xisankodde Jezuchi lagxili soirigot, tankam toiar korpachim ani dhir diupachim Tachim utram 13-17 veam avesoramnim boroilelim asat. Xekim, Jezuk dhorop, Tachi sonkoxtt, Taka khursar marop, ani Tachem punorjivontponn ani uprant Apleam xisank dixtti poddop, hem, sogllem xevottche avesvor sangtat. Pordvarponnant sampddailele eke ostorechi ghoddni (8:1–11) sobar hostolekhancher ani thoddeam poileam bhaxantoranim mellona punn her dusre ti her kodden dakoitat dekun, ti konsananim ghatlea.
Krista udexim sasnnik jivitachem dennem tem, atam suru zata tench tem ek dennem ani Jezu, Vatt, Sot, ani Jivit mhonn mandun gheupeank tem mellta mhonn Juanv bharim sangta. Dispottim jivitachea sadeam vostum, mhonnge, udok, unddo, uzvadd, gonvlli ani tache menddre, dakvel ani tichem foll, hancho khunadik vapor korun niz atmik sotam dakoun diunk rokddo dixtti poddto Juanvachea xubhvhortamanacho gunn.
Hea Xubhvhortomanache Manddavollicho Attap
Prostavna 1:1-18
Juanv Batist ani Jezuche poile xis 1:19-51
Jezuchi bhouxik seva 2:1—12:50
Jeruzaleant nimanne dis 13:1—19:42
Somiachem punorjivontponn ani dixnnim 20:1-31
Somarop: Galileant anink ek dixnnem 21:1-25
Currently Selected:
Ju PROSTAVNA: KONKABSI
Highlight
Share
Copy
Want to have your highlights saved across all your devices? Sign up or sign in
Konkani Goan NT - Novo Korar NT
Copyright © Bible Society of India, 2010.
Used by permission. All rights reserved worldwide.