THUVARHAI 1
1
Thuvarhai hlutzie
1 #
1 Lal 4.32 Israel lal, David naupa Solomon thuvarhai chu:
2Varna le inchûktirna hre dingin;
Hrietthiemna thuhai hre dingin#“Hrietchiengna thuhai hrethiem dingin”
3Thilthaw vara inchûktirna dawng dingin,
Felnaa le rorêlnaa le thlierbîk nei lonaa leh;
4Mi mâwl kuoma varna pe ding le,
Tlangvâl kuoma hrietna le ngairuotthiemna pe dingin,
5Mi var chun a hriet a, thiemnaa chun a belsa theina ding le,
Hrietthiemna nei mi chun rorêlna ṭhahai chu a changna dingin;
6Thuvar le tekhithu hrethiem ding le,
Mi var thuhai le an thuril hrilhai chu hrethiem dingin.
7 #
Job 28.28; Sm 111.10; Tv 9.10 LALPA ṭina chu hrietna bul a nih:
Amiruokchu, invêt chun varna le inchûktirna chu an hmu- sit a.
8Ka naupa, i pa inchûktirna hi ngai la,
I nu inchûktirna chu nghatsan naw rawh;
9I lua chun pâr ṭhi mawitak nîng an ta,
I rîng vêla chun ṭhi ang an ni ding a ni sih a.
10Ka naupa, mi suolhaiin an thlêm che chun
Remtipui el naw rawh.
11Hienghin ti sien khawm, “Keini leh hung la,
Thisen inchân ei ta,
A san um loin mi pawitâwk- lo chu inrûkin inchân ei ta;
12Seol ang elin an hring pumin lem ei ta;
Mi felhai ngei chu, vânsama fethlahai ang elin;
13Thil hluhai po po chu hmûng ei ta,
Ei inhai chu râllâk thilin suksip ei ta;
14I chanpuol chu keini lai sielût ve la,
Ei rêngin sumbâwm khat ei nei ding annâwm” tiin.
15Ka naupa, anni chu lampuia chun intlawnpui naw la,
An lampuia inthawk chun i ke chu vêng ṭha rawh.
16An kehai chu rîtlona tieng a tlân a,
Thisen insuo dingin an inhmaw sih a.
17Vate hrim hrim mithmua lên keiphar chu;
A thlâwn el a ni sih a.
18Chun, chuong anni thisen ngei inchântuhai chun,
Anni hringna ngei chu inrûkin an inchân a nih.
19Hlêpnaa duâm mi taphawthai lampui chu chuong ang chu a nih;
A neituhai hringna chu a lâk hmang hlak.
20Varna chu kawtthlêra chun inringtakin a khêk a;
Khawlaiahai chun a râwl chu ân suoh a.
21 #
Tv 8.1-3 Kawtthlêr inrîk mur murna hmun#Kul bang siphai. Hi hi Hebraiah a chieng nawh takhaia chun a khêk a,
Dâi kawtkhâr lûtnaa dâm chun.
Khawpui sûnga chun a thuhai chu a hril a.
22Ieng chen am nangni mi mâwlhai, mâwlna hi in hmangai ding a na?
Hmusittuhai chu an hmusitnaa chun an lâwmin,
Invêthai chun ieng chen am hrietna chu in theida ding a na?
23Ka kâwknaa hin nghakîr unla,
Ngai ta u, in kuoma chun ka thlarau chu hung buok ka ta,
Ka thuhai chu in kuomah inhriettir ka ti cheu.
24Ka ko cheu a, in ngaisak nawh a,
Ka bân ka pharsuok a, tu- khawma in ngaisak nawh a,
25Ka thurâwn chu iengkhawm loah in siem a,
Ka kâwkna a ieng khawm chu in ngai naw leiin,
26Kei khawm in lunginzing nia chun innui ka ta,
In ṭitna hung pha khawm chun nuisan ka tih,
27In ṭitna chu thlipui angin,
In lunginzîngna chu thlivir angin a hung a,
Rimsikna le tuorna chu in chungah a tlung pha chun;
28Chun, kei chu mi hung ko an ta, nisienlakhawm, dawn naw ningah;
Nguntakin mi hung zawng an ta, nisienlakhawm, mi hmu naw hi hai.
29Hrietna chu an theidah a,
LALPA ṭîna chu an thlang nawh a,
30Ka thurâwn a ieng ieng khawm an zâwm nawh a,
Ka kâwkna po po chu an hmusit a,
31Chuleiin, anni lampui rasuok ngei chu fâng an ta,
An thiltumhai ngeia suksip ni tâng an tih.
32Mi mâwl hnungtawlna chun anni chu sukhlum a ta,
Invêthai nuomsakbâwlna chun anni chu a suksiet ding a ni sih a.
33Amiruokchu, tukhawm keia thu ngai chu himtakin chêng a ta,
Rîtlona ṭi dêr loin um ṭawk ṭawk a tih.
Currently Selected:
THUVARHAI 1: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
