LEVI DÂN 18
18
Um dân ṭha naw khapna
1LALPA chun Mosie a biek a, 2“Israel thlahai be la, an kuomah, ‘Kei hi LALPA in Pathien chu ka nih a.
3In umna tah Aigupta ram mihai thaw ang kha thaw naw unla, ka ṭhuoi lûtna ding cheu Kanaan ram mihai thaw ang khawma thaw naw unla, an dân khawm zâwm bawk naw ro.
4Ka rorêlhai chu pawmin, ka dân- hai chu hrawin in zâwm ding a nih; kei hi LALPA in Pathien chu ka nih.
5 #
Lk 10.28; Rom 10.5; Gal 3.12 Chuleiin, ka dân le ka rorêl chu in zâwm ding a nih; chu chu miin a thaw chun hring phâng a tih; kei hi LALPA chu ka nih.
6“Tukhawma in sûng bulhai hrim hrim chu an saruokna hlîm dingin in pan ding a ni nawh; kei hi LALPA chu ka nih.
7 #
Lev 20.21 I pa saruokna chu i hlîm ding a ni nawh, chu chu i nu saruokna chu a nih; i nu a na, a saruokna i hlîm ding a ni nawh.
8I pa nuhmei saruokna i hlîm ding a ni nawh, i pa saruokna a nih.
9 #
Lev 20.17; Dt 27.22 I farnu, i pa naunu amanih, i nu naunu amanih, i piengpui amanih, i piengpui naw amanih saruokna chu i hlîm ding a ni nawh.
10I naupasal naunu amanih, i naunuhmei naunu amani saruokna chu i hlîm ding a ni nawh. An sa- ruokna chu nanga saruokna a ni sih a.
11I pa nuhmei naunu, i pa nei ngei saruokna chu i hlîm ding a ni nawh, i farnu a ni leiin.
12 #
Lev 20.19 I pa farnu saruokna chu i hlîm ding a ni nawh, i pa sûng bul a nih.
13I nu zuorpuinu saruokna chu i hlîm ding a ni nawh, i nu sûng bul a nih.
14 #
Lev 20.20 I pa unaupa saruokna chu i hlîm ding a ni nawh, chu umzie chu, a nuhmei chu i pan ding a ni nawh, i nu a nih.
15 #
Lev 20.12 I monu saruokna chu i hlîm ding a ni nawh, i naupa nuhmei a na, a saruokna i hlîm ding a ni nawh.
16 #
Lev 20.21
I unaupa nuhmei saruokna chu i hlîm ding a ni nawh, ama chu i unaupa saruokna a nih.
17 #
Lev 20.14 Nuhmei le a naunu saruokna chu i hlîm ding a ni nawh; a naupa naunu amanih, a naunu naunu amanih, a saruokna hlîm dingin i pan ding a ni nawh, i sûng bulhai an na, rîtlona nasatak a nih.
18I nuhmei zuorpuinu saruokna i hlîm ding a ni nawh, a saruokna chu hlîm dingin i nuhmei dam sûng chun i nei kawp ding a ni nawh.
19 #
Lev 15.24; 20.18 “Nuhmei a dân pângngaia a hul naw sûng chun a saruokna hlîm dingin i pan ding a ni nawh.
20Ama le insukpawrche dingin i tuolbâwm nuhmei chu i zâlpui ding a ni nawh.
21 #
Lev 20.2-5 Molek puola meia pei lût dingin i rîla ra hrim hrim chu i pêk ding a ni nawh a, i Pathien hming chu i suksiet ding a ni bawk nawh: Kei hi LALPA chu ka nih.
22 #
Lev 20.13; Dt 23.18 Nuhmei angin pasal hrim hrim i pâwl ding a ni nawh, thil tirdakum a nih.
23 #
Ex 22.19; Lev 20.15-16; Dt 27.21 Insukpawrche dingin ran hrim hrim i pâwl ding a ni nawh, nuhmei tukhawm inpâwl dingin ran kuomah ân pêk ding a ni nawh, rîtlona chungchuong a nih.
24“Hieng thil a ienga khawm hin insukpawrche naw ro; hieng thil po poa in hmaa ka hnawt suok tah hnamhai chu an lo pawrche tah a,
25ram khawm chu a lo pawrche tah a nih; chuleiin, a rîtlona chu ka hrem a, ram chun a sûnga umhai chu a luok dawk ta vawng a.
26Nangni chun chu ka dânhai, ka rorêl dânhai in zâwm ding a nih; hieng thil tirdakumhai a ieng el khawm hi in thaw ding a ni nawh, a ram mi khawmin, ram dang mi in rama khawsa khawmin;
27(hieng thil tirdakum po po hi in hmaa hi rama lo umhai khan an lo thaw tah a, ram khawm chu a lo pawrche tah a nih);
28in hmaa hnam a luok dawk ang bawka in sukpawrche leia ram chun a luok dawk ve nawna ding cheuin.
29Tukhawm hieng thil tirdakum- hai a ieng ieng khawm thawtu taphawt chu an chipuihai laia in- thawka tuithlârin um an tih.
30Chuleiin, hieng an thil chîng tirdakumhai hi in chîng ve nawna dingin, thupêk hi in zâwm ding a nih; chuong thilhai chun insukpawrche ngai dêr naw ro: Kei hi LALPA in Pathien chu ka nih,’ ti rawh,” tiin.
Currently Selected:
LEVI DÂN 18: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
