LEVI DÂN 15
15
Taksaa inthawka thil inthiengnaw suokhai
1LALPA chun Mosie le Aron a biek a,
2“Israel thlahai chu hril unla, an kuomah, ‘Pasal tukhawm a tisaah thilpût a nei chun, a thilpût lei chun ân thieng naw a nih.
3Chu thil a pût sûng po chu ân thieng naw a na, a tisaa chun a pût zing amanih, a pût chu suktâwp a ni ta khawmin inthieng naw a ni ta tho tho a nih.
4Chu thilpût neitu zâlna khum taphawt chu inthieng naw nîng a ta, a ṭhungna taphawt khawm chu in- thieng naw ni bawk a tih.
5Tukhawm a khum chu va tâwk taphawt chun an puonhai sâwp an ta, an insil ding a nih; chuongchun, zân- tieng chen chun inthieng naw nîng an tih.
6Chu thilpût neitu inṭhungnaa ṭhung taphawt khawm chun a puon- hai sâwp a ta, insil bawk a ta, zântieng chen chun inthieng naw nîng a tih.
7Chun, tukhawm chu thilpût nei- tu tisa tâwk taphawt chun a puonhai sâwp a ta, insil a ta, zântieng chenin inthieng naw nîng a tih.
8Chu thilpût neitu chun, mi inthieng chil a sâkkhum chun, ama chun a puonhai sâwp a ta, insil bawk a ta, zântieng chen chun inthieng naw nîng a tih.
9Chun, chuongna ienga khawm thilpût neitu chu a chuong chun, chu thil chu inthieng naw nîng a tih.
10Tukhawm ân nghatna hmun tâwk taphawt chu zântieng chenin inthieng naw nîng a tih; chun, chuong thilhai dawm sawntu chun a puonhai sâwp a ta, insil a ta; zântieng chenin inthieng naw nîng a tih.
11Chun, tukhawm thilpût neituin a kut intleu loa a them taphawt chun, a puonhai sâwp a ta, insil a ta; zântieng chenin inthien naw nîng a tih.
12Chu thilpût neitu chun pil bêl amanih a tâwk chu sukkawi el ding a nih; thing bûrlebêlhai po po ruok chu intleu fai ding a nih.
13“Chun, thilpût neitu chu a thilpût chu sukthieng a ni chun, a inthienna dingin ni sari inbituk a ta, a puonhai sâwp a tih; chun, vadung tuiah insil a ta, hung inthieng a tih.
14A ni riet ni chun vaṭhu tuok khat amanih, parvate tuok khat amanih chawiin LALPA hmaa in- tuokna puon in kawtkhâr bula chun hung a ta, thiempu chu a pêk ding a nih.
15Chun, thiempu chun suol inthâwina dingin pakhat, pumraw- hmang thilinhlâna dingin pakhat chu ân hlân ding a nih; chuongchun, thiempu chun a thilpût thua chun LALPA hmaah intlanna siempêk a tih.
16“Tukhawm inpâwlna chi amaa inthawka a suok chun, a pumin ân sil vawng ding a nih a; zântieng chenin inthieng naw nîng a tih.
17Silfên dâm, savuna siem thil iengkhawm inpâwlna chi umna taphawt chu, sâwp faia intleu fai vawng ding a na, zântieng chenin inthieng naw nîng a tih.
18Chun, nuhmei a zâlpui a, chi ân suo chun, an pahni chun an insil ve ve ding a nih: zântieng chenin inthieng naw nîng an tih.
19“Nuhmei khawma a nei pâng- ngaia thipût a nei chun ni sari sûng chu inthieng naw nîng a tih; chun, tukhawm ama tâwk taphawt chu zântieng chenin inthieng naw nîng a tih.
20Ân thieng naw sûnga a zâlna taphawt khawm chu inthieng naw nîng a ta, a ṭhungna taphawt khawm inthieng naw ni bawk a tih.
21Tukhawm a khum lo tâwk ta- phawt chun a puonhai sâwp a ta, insil a ta; zântieng chenin inthieng naw nîng a tih.
22Tukhawm a ṭhungna tâwk taphawt chun a puonhai sâwp a ta, insil a ta; zântieng chenin inthieng naw nîng a tih.
23Khuma thil um amanih, a ṭhungnaa thil um amani tâwk ta- phawt chu zântieng chenin inthieng naw nîng a tih.
24 #
Lev 18.19; 20.18 Tukhawmin a zâlpuia a pawr- chena chu a kai chun, ni sari sûng inthieng naw nîng a tih; an zâlna khum taphawt khawm chu inthieng naw nîng a tih.
25“Nuhmei ân thieng naw hun pângngai ni loa ni tamtak a thi a pûtin amanih, ân thieng naw pâng- ngai nêka sâwt thi a nei chun, ân thieng naw pângngai hun sûng ang bawk khan, a thipût sûng po chu, inthieng naw a ni ding a nih.
26A thipût sûng poa a zâlna khum taphawt chu ân thieng naw hun dân pângngai ang kha nîng a ta, a ṭhungna taphawt khawm ân thieng naw ang khan inthieng naw nîng a tih.
27Tukhawm chuong thil tâwk taphawt chu inthieng naw nîng a ta, a puonhai sâwp a ta, ân sil ding a nih; zântieng chenin inthieng naw nîng a tih.
28Amiruokchu, a thipût chu ân thieng ta chun, ni sari sûng inbituk a ta, chu hnunga chun hung inthieng tâng a tih.
29A ni riet ni chun vaṭhu tuok khat amanih, pârvate tuok khat amani chawi a ta; intuokna puon in kawtkhâr bulah thiempu a hung pêk ding a nih.
30Thiempu chun suol inthâwina dingin pakhat, pumrawhmang thilin- hlâna dingin pakhat ân hlân ding a nih; chuongchun, LALPA hmaah, a thipût inthieng nawna thua chun, intlanna siempêk a tih,’ ti rawh,” tiin.
31“Hieng ang hin Israel thlahai chu an inthieng nawnaa inthawk chu i sukthieng ding a nih, anni laia ka biekbûk um chu an sukpawrche châng khawma, an pawrchena leia an thi nawna dingin,” tiin.
32“Hi hi thilpûthai le pawrchena khawpa inpâwlna chi suokhai ta dinga dân chu a nih;
33chun, nuhmei a hul naw leia damnaw le, mi tukhawm pasal khawm, nuhmei khawm thilpût neitu ta ding le, nuhmei inthieng naw laia lo zâlpuitu ta dinga dân chu a nih,” tiin.
Currently Selected:
LEVI DÂN 15: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
