LEVI DÂN 12
12
Nau nei zoa nuhmeihai sukthiengna
1 #
Lk 2.22-24 LALPA chun Mosie a biek a, “Israel thlahai kuomah,
2‘Nuhmeiin nau a vawn a, nau- pasal a nei chun ni sari chu inthieng naw nîng a ta; nuhmei dân pângngaia ân thieng naw ang chun inthieng naw nîng a tih.
3A ni riet ni chun a naupa ser hmawr vun chu tan ding a nih.
4Thisen lei chun inthienin ni sâwmthum pathum um a ta; a inthien ni a kim hmakhat chun thil inthieng hrim hrim a them ding a ni nawh a, hmun inthienga khawm a hung lût ding a ni nawh.
5Naunuhmei a nei ruok chun nuhmei dân pângngai huna ân thieng naw angin châwlkâr hni chu inthieng naw nîng a tih; chun, thisen leia inthienin ni sâwmruk paruk a la um ta rawp ding a nih.
6“Chun, naupasal amanih, naunu- hmei amani leia a inthienna ni a kim pha chun pumrawhmang thilinhlân dingin berâmte kum khat mi le suol inthâwina dingin pârvate amanih, vaṭhu amanih intuokna puon in kawtkhâr bulah thiempu kuomah a hung chawi ding a nih;
7ama chun LALPA hmaa chun inhlân a ta, intlanna siempêk a tih; chuongchun, a thisen suoknaa inthawk chun sukthieng ni tâng a tih. Hi hi naupasal amanih, naunuhmei amanih neitu ta dinga dân a nih.
8Chun, a neiin berâmte a tlin naw chun, vaṭhu tuok khat amanih, pâr- vate tuok khat amanih a chawi ding a nih: pakhat chu pumrawhmang thilinhlân dingin, pakhat chu suol inthâwina dingin; chun, thiempu chun intlanna siempêk a ta, chuong- chun, inthieng ni tâng a tih,’ tiin hril rawh,” tiin.
Currently Selected:
LEVI DÂN 12: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
