JONA 2
2
Jona lâwmthu hril ṭawngṭaina
1Chun, Jona chu nga phîng sûnga inthawk chun LALPA a Pathien kuoma chun a ṭawngṭai a.
2 #
Sm 120.1; Ṭap 3.55; Sm 65.2 Hieng ang hin a tih a:
“Ka rinumna leiin LALPA chu ka ko a,
Ama chun a mi lo dawn a;
Seol phîng sûnga inthawk chun ka ko a,
Nangin ka râwl chu i hriet a.
3 #
Sm 88.6; 42.7 Inthûktakah tuisuoriet sûngrila chun nang chun i mi peilût a,
Tui tamtak chu ka vêlin a um a;
I tuifâwnhai le i tui insawkhai po po chun a mi vur pei a.
4 #
Sm 31.22; 1 Lal 8.38 Chun, ‘I mithmua inthawka pei suok ka na,
Nisienlakhawm, i biekin inthieng tieng ngha nâwk ka tih,’ ka ta.
5 #
Sm 69.1; Ṭap 3.54 Tuihai chun ka hringna chenin an mîn huol vêl a,
Tui inthûk chu ka vêlin a um a;
Hlohnahai chun ka lu a tuom vêl a nih.
6 #
Sm 16.10 Tlâng bul tâwp rêthaia chun ka zu feh a,
Hnuoi chun kumkhaw ta dingin a kalnahai chun a mi khâr khum a;
Amiruokchu, nangin aw LALPA ka Pathien, khursûnga inthawk chun ka hringna chu i lâk suok a nih.
7 #
Sm 18.6 Ka hringna chu ka sûnga a chau lai chun,
LALPA chu ka hriet zing a;
Ka ṭawngṭaina chu i biekin inthienga chun i kuomah a hung tlung a nih.
8 #
2 Lal 17.15; Jer 10.8 Thil teplo khêl thu mei mei ngaituotuhai chun,
An ta dinga ngilneina chu an nghatsan a nih.
9 #
Sm 50.14; Hos 14.2; Sm 50.14; Hos 14.2; Sm 3.8 Kei ruok chun lâwmthu hrilna râwl leh i kuomah inthâwina inhlân ka ta;
Thu ka tiem ta chu hlen ka ta,
Sandamna chu LALPA ta a nih,” tiin.
10Chun, LALPA chun nga chu a biek a, Jona chu khawmuolah a luok suok tah a.
Currently Selected:
JONA 2: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
