JEREMIA 8
8
1Chu huna chun, LALPA chun a tih: Juda lalhai ruhai, a rorêltu- hai ruhai, thiempuhai ruhai, zâwlnei- hai ruhai, Jerusalem hluotuhai ruhai chu an thlânhaia inthawkin hung la suok an ta,
2nisa dâm, thla dâm, vâna umhai po po, an hmangaia a rawng an lo bâwlhai, an zawnga an biekhai hmaa chun keidar an tih; lâk khâwm ni naw ni haia, phûm khawm ni bawk naw ni hai, hnuoia êkdûra ṭhang ding ni lem an tih.
3Chun, hi sûngkuo rilo la umsun- hai, ka hnawt hmangna hmuna la umhai chun, hring nêkin thi thlang lem an tih, sipaihai LALPA chun a tih.
Suol le rorêlna
4Chu naw khawm chu an kuomah hi hi hril i tih: LALPA chun hieng hin a tih: Mihai chu tlûng an ta, an tho nâwk ta naw ding maw? Mi chu fe hmang a ta, a hung kîr nâwk ta naw ding maw?
5Iengtiziea hieng Jerusalema mihai hi hnungtawl sawng zingnaa an hnungtawl am a na? Hlêmna chu an chel det tlat a, kîr nâwk an nuom nawh a.
6Ka ngai a, ka lo hriet a, anachu, thudik an hril nâwk a, mi tukhawm, “Ieng am ka lo thaw ta leh,” tiin a khawhlonaa inthawk chun ân sîr nawh a, mi tin chun mâni lampui seng an hrawh a, indonaa sakawr tlân bingbilet ang chun.
7Anih, chunga vakâwl chun ama hun ruot chu a hriet a; vaṭhuhai, pelêuhai, vangalsânghai an hunah an hung tlung a, ka mihai ruok chun LALPA thupêk an hriet nawh.
8Iengtiziein am, “Kan var a, LALPA dân chu kan kuomah a um annâwm” in ti a na? Nisienlakhawm, ngai ta u, lekhaziektuhai ziekhmawl indik naw chun indik lotakin a lo thaw tah a.
9Mi varhai chu an inzak a, sukbei- dawngin an um a, ṭhuoi hmangin an um a; en ta u, LALPA thu chu an dit naw chu: annia chun ieng ang varna hrim am a um a na?
10Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka in- thawka a lien tak chenin, inîtthîk- nain an sip sih a; zâwlneia inthawk thiempu chenin indik lotakin an thaw bawk a.
11Chun, thlamuongna ding a um naw sain, “Thlamuongna, thla- muongna,” tiin, ka chipui naunu in- suknatna chu an sukdam met chau a.
12Thil tirdakum an thaw lai chun inzapui an ti? An inzapui hlawl nawh; an hmai khawm a mâwk nawh a, chuleiin, a tluhai laia chun tlu vêng an ta, anni chu hrem an ni huna chun, LALPA chun a tih.
13Anni chu kâng hmang letdêr ka tih, LALPA chun a tih; grêphruiahai chun grêp um naw nih a, theichang kûngahai khawm chun theichang um naw nih a, a hna khawm chu vuoi a tih; chun, an kuoma thil ka pêkhai khawm chu annia inthawk chun fe hmang a tih.
14Iengdinga ei ṭhung zing am? Hung inkhâwm unla, khawpui kul neiahai chun lût ei ta, chutaka chun bohmang el ei tiu; LALPA chunga chun thil ei lo suksuol ta leiin, LALPA ei Pathien chun bohmangnaa um dingin a mi sie tah a, tûr pawl tui chu dâwn dingin a mi pêk tah a.
15Thlamuongna ding ei enkai hlak a, nisienlakhawm, thil ṭha hrim a hung tlung nawh a; sukdamna ding huna dâm chun, ngai ta, beidawngna lem!
16Dana inthawk chun a sakawr- hai hnâr hnâwt ri chu ân hriet a; a mi hrât hung inhrosatna ria chun ram pumpui chu ân hnîng a. Anni chu an hung a, ram po po le a sûnga umhai chu an fâk zo sih a; khawpui le a sûnga chênghai le khawm chun.
17Ngai ta u, nangni lai chun rûlhai, rûltûrneihai sukngam thei ngailo dinghai chu ka hung tir ding a nih; chuongchun, chuk an ti cheu, LALPA chun a tih.
Juda le Jerusalem chunga ṭap hla
18Aw lungngainaa inthawk hin keima le keima bêk inthlamuong thei lang chu; ka sûnga chun ka lung hlak chu a thidang sih a.
19Ka chipuihai naunu ram hla- taka inthawka a khêkri chu lo ngai ta u, “LALPA chu Zionah a um a ni naw am a nih? a Laltak chu a sûnga chun a um nâwm a nih? An milim ker fâwmhai le teplo thil maktakhai chun iengdinga lunginsen dinga an mi chawktho am a na?” tiin.
20Busîk hun chu a liem tah a, nipui hun chu a tâwp tah, sandamin ei um nawh.
21Ka chipuihai naunu suknatnaa chun suknat vein ka um a, ka thla ân vai a, beidawngnain a mi chel tlat a.
22Gileada hin thinghnai damdawi a um naw maw? Chutaka chun dam- dawi thiem mi an um naw maw? Chuong a ni chun ieng dinga ka chi- puihai naunu chu sukdam a ni nâwm a na?
Currently Selected:
JEREMIA 8: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
