SÂM 148
148
1 BAWIPA cu thangṭhat u! Van khin BAWIPA cu thangṭhat u law, a sânnâk hna ah BAWIPA cu thangṭhat u. 2A vanmi vialte hna amah cu thangṭhat u law, a ralkapbu vialte hna amah cu thangṭhat u. 3Ni le thlapa amah cu thangṭhat ulaw, a ceumi arfi vialte amah cu thangṭhat u. 4Van hna le van hna amah cu thangṭhat u, van cung i a ummi ti hna amah cu thangṭhat u. 5Annih hna nih BAWIPA min cu thangṭhat hna seh, zeitintiah nawl a pêk i ser in an um. 6Amah lila nih zungzal caah a fehter hna, an lohtlau nâkhnga lo nawl a pêk hna. 7Vawlei in BAWIPA cu thangṭhat u, nannih ngapi hna le tithuk vialte hna; 8Mei le rial, khuadawm le hawhra hna, a bia tlintertu thlipi hna; 9Tlâng ngan le tlâng hme vialte hna, a tlai tawnmi thingthei le sidar thing vialte hna; 10Saram le saṭial vialte hna, thilnung vialte le vanva vialte hna; 11Vulei siangpahrang hna le mi vialte hna, mi lianngan le lei cung i biaceihtu vialte hna; 12Nungak le tlangval hna, putar le ngakchia hna. 13BAWIPA min cu thangṭhat hna seh; zeitintiah amah min lawnglawng hi cawisanmi cu a si. A sunparnâk nih lei le van a lonh dih. 14Ami le hna ki kha a cawisan i a mithiang vialte thangṭhatnâk le, Israel mi hna le a pawngkam mi vialte he, BAWIPA cu thangṭhat u.
Currently Selected:
SÂM 148: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
