SÂM 146
146
1 BAWIPA cu thangṭhat u! Maw ka nunnâk, BAWIPA cu thangṭhat! 2Ka nunchung vialte BAWIPA cu ka thangṭhat lai, ka nun chung vialte ka Pathian thangṭhat in hla ka sa lai. 3Mi lianngan hna i bochan hna hlah, mi a bawm kho lotu mi fapa hna i bochan hna hlah. 4A thlarau nih a chuahtak i amah cu lei ah a kir ṭhân; cu ni lila ah â tinhmi thil kha an tlau lai. 5Bawmtu ah Jakob Pathian â tlaihtu cu mithluachuak a si, â ruahchannâk cu BAWIPA a Pathian ah a um. 6Amah cu lei le van, rili le a chung i a ummi vialte sertu, zungzal in biatak â tlaihtu a si. 7Lamhchihmi diknâk in bia a ceihpiaktu, rawl ṭammi sinah rawl a petu a si. BAWIPA nih thongtla mi kha zalonâk a pek tawn hna. 8BAWIPA nih mitcaw hna mit a deiter i BAWIPA nih a kun zungzal mi kha a thawhter tawn hna. BAWIPA nih miding a dawt. 9BAWIPA nih khual a zohkhenh hna, pa ngei lo le nu hmei kha a zohkhenh hna; asinain misuaksual hna lam cu a bittaling in a chiah tawn. 10BAWIPA nih zungzal in a uk lai. Maw Zion, na Pathian nih chan vialte in a uk lai. BAWIPA cu thangṭhat u!
Currently Selected:
SÂM 146: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
