PHUNGTHLÛKBIA 3
3
1Ka fapa, ka nawlbia hi philh hlah, na lungthin in ka nawlpekmi kha i cinken. 2Zeitintiah cu nih cun nun khua saunâk le daihnâk an in chap chih lai. 3Vêl le biatak nih in kaltâk hlah seh; nahngawng ah i bah law, na lungthin tlap cungah ṭial hna. 4Pathian le minung hmaiah mithmai ṭha le cawisannâk na hmuh lai. 5Na lungthin dihlakin BAWIPA i bochan law, nangmah theihthiamnâk i rinh hlah. 6Na lam kip ah Amah hngal law, nalam kip ah an hruai lai. 7Nangmah mithmuh ah i fimter hlah, BAWIPA ṭih law sual kaltâk. 8Na taksa caah ngandamnâk a si lai i na ruh caah ṭhawnnâk a si lai. 9Na ngeihmi hna he BAWIPA upat law, na hmuh hmasa bik le theitlai hmasa bik hna he. 10Cuticun na buh in cu an khat lai i na misur nennâk khor misur thar in a khat lai. 11Ka fapa, BAWIPA chimhrinnâk kha zeirel loin um hlah, asiloah a nunchimhnâk cu duh loin um hlah. 12Zeitintiah pa nih a lawmhmi fapa nun a chimh bantukin, BAWIPA nih a dawtmi kha nun a chimh tawn hna. 13Fimnâk a hmutu cu lunglawmmi a si i theihthiamnâk a ngeimi zong lunglawmmi a si. 14Zeitintiah ngun karhter luaimaimi nâkin a ṭha deuh i a ṭhami sui nâkin a ṭha deuh. 15Lungvar nâkin a sunglawi deuh i duhbia na phaimi vialte zong nih an tluk lo. 16A orhlei kut ah nunsaunâk a um i a kehlei kutah chawva le upatnâk a um. 17Alam hna cu lamnuam an si i a lamthluan vialte cu daihnâk an si. 18Â tlaihtu hna caah nunnâk thingkung a si i â nunpimi vialte cu lunglawmmi an si. 19BAWIPA nih fimnâk in vulei hi a dirh i theihthiamnâk in van khi a fehter hna. 20A hngalhnâk in rili a ṭhen hna i khuadawm nih dai a tlakter. 21Ka fapa, fimnâk dik le ruahthiamnâk kha i tlaih law, namit nih chuahtâk hna hlah seh. 22Cuticun na thlarau caah nunnâk a si lai i nahngawng caah zângfahnâk a si lai. 23Cuticun nalam ah him tein na kal lai i na ke zong nâ chuih lai lo. 24Na ih tikah na ṭih lai lo, asi, mitkuh thaw tein nâ hngilh lai. 25ṭih a nungmi launâk zong ṭihhlah, asiloah misuaksual hna tonmi buainâk zong ṭih hlah. 26Zeitintiah BAWIPA cu na himnâk a si lai i nake cu rap chungin a himter lai. 27Tuah ding i ṭhawnnâk na kut i a um ko lio ah, hmuh awkah â tlakmi hna cungah thilṭha siang loin um hlah. 28Pêk awk naput ko lio ah, “Kal law, ra ṭhân te, thaizing ah kan pêk te lai,” tiah na innpa sinah ti hlah. 29Na innpa sinah thil ṭhalo tuah i tim hlah, zeitintiah nangmah kilvennâk in a ummi a si. 30A chan um lo in ahohmanh ralchanh hna hlah, fahnâk zeihmanh an pêk lo ahcun. 31Mi nunchia hna hngar hna hlah, anlam zong i thim hlah. 32Zeitintiah mi nunchia hna cu BAWIPA caah fihnung an si, asinain a nunchimhnâk biathli cu midik caah a si. 33Misuaksual inah BAWIPA chiatserhnâk a um, asinain midik hna inn tu cu thluachuah a pêk hna. 34Zomhtaih a hmangmi cu a zomhtaih hna i toidormi cu zângfahnâk a pêk tawn hna. 35Mifim nih sunparnâk ro an co lai i mihrut hna coding cu ningzahnâk a si.
Currently Selected:
PHUNGTHLÛKBIA 3: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
PHUNGTHLÛKBIA 3
3
1Ka fapa, ka nawlbia hi philh hlah, na lungthin in ka nawlpekmi kha i cinken. 2Zeitintiah cu nih cun nun khua saunâk le daihnâk an in chap chih lai. 3Vêl le biatak nih in kaltâk hlah seh; nahngawng ah i bah law, na lungthin tlap cungah ṭial hna. 4Pathian le minung hmaiah mithmai ṭha le cawisannâk na hmuh lai. 5Na lungthin dihlakin BAWIPA i bochan law, nangmah theihthiamnâk i rinh hlah. 6Na lam kip ah Amah hngal law, nalam kip ah an hruai lai. 7Nangmah mithmuh ah i fimter hlah, BAWIPA ṭih law sual kaltâk. 8Na taksa caah ngandamnâk a si lai i na ruh caah ṭhawnnâk a si lai. 9Na ngeihmi hna he BAWIPA upat law, na hmuh hmasa bik le theitlai hmasa bik hna he. 10Cuticun na buh in cu an khat lai i na misur nennâk khor misur thar in a khat lai. 11Ka fapa, BAWIPA chimhrinnâk kha zeirel loin um hlah, asiloah a nunchimhnâk cu duh loin um hlah. 12Zeitintiah pa nih a lawmhmi fapa nun a chimh bantukin, BAWIPA nih a dawtmi kha nun a chimh tawn hna. 13Fimnâk a hmutu cu lunglawmmi a si i theihthiamnâk a ngeimi zong lunglawmmi a si. 14Zeitintiah ngun karhter luaimaimi nâkin a ṭha deuh i a ṭhami sui nâkin a ṭha deuh. 15Lungvar nâkin a sunglawi deuh i duhbia na phaimi vialte zong nih an tluk lo. 16A orhlei kut ah nunsaunâk a um i a kehlei kutah chawva le upatnâk a um. 17Alam hna cu lamnuam an si i a lamthluan vialte cu daihnâk an si. 18Â tlaihtu hna caah nunnâk thingkung a si i â nunpimi vialte cu lunglawmmi an si. 19BAWIPA nih fimnâk in vulei hi a dirh i theihthiamnâk in van khi a fehter hna. 20A hngalhnâk in rili a ṭhen hna i khuadawm nih dai a tlakter. 21Ka fapa, fimnâk dik le ruahthiamnâk kha i tlaih law, namit nih chuahtâk hna hlah seh. 22Cuticun na thlarau caah nunnâk a si lai i nahngawng caah zângfahnâk a si lai. 23Cuticun nalam ah him tein na kal lai i na ke zong nâ chuih lai lo. 24Na ih tikah na ṭih lai lo, asi, mitkuh thaw tein nâ hngilh lai. 25ṭih a nungmi launâk zong ṭihhlah, asiloah misuaksual hna tonmi buainâk zong ṭih hlah. 26Zeitintiah BAWIPA cu na himnâk a si lai i nake cu rap chungin a himter lai. 27Tuah ding i ṭhawnnâk na kut i a um ko lio ah, hmuh awkah â tlakmi hna cungah thilṭha siang loin um hlah. 28Pêk awk naput ko lio ah, “Kal law, ra ṭhân te, thaizing ah kan pêk te lai,” tiah na innpa sinah ti hlah. 29Na innpa sinah thil ṭhalo tuah i tim hlah, zeitintiah nangmah kilvennâk in a ummi a si. 30A chan um lo in ahohmanh ralchanh hna hlah, fahnâk zeihmanh an pêk lo ahcun. 31Mi nunchia hna hngar hna hlah, anlam zong i thim hlah. 32Zeitintiah mi nunchia hna cu BAWIPA caah fihnung an si, asinain a nunchimhnâk biathli cu midik caah a si. 33Misuaksual inah BAWIPA chiatserhnâk a um, asinain midik hna inn tu cu thluachuah a pêk hna. 34Zomhtaih a hmangmi cu a zomhtaih hna i toidormi cu zângfahnâk a pêk tawn hna. 35Mifim nih sunparnâk ro an co lai i mihrut hna coding cu ningzahnâk a si.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.