Exodo 14
14
PENE XIV - 14
Ko Pharao i te aruaru anga ia Iseraela, to ratou aere ua anga na rotopu i te tai, kua aruia ratou e to Aiphiti, e mate iora to Aiphiti.
1KUA tuatua mairā Iehova kia Mose, na ko maira, 2Ka tuatua ana ki te tamariki a Iseraela, #Exo 13:18e ariu ratou e patia i te puakapa kia mua mai i #Nume 33:7Pi-hahirota, i rotopu i #Iere 44:1Migadola e te tai, i mua ia Baala-zephona: ei reira kotou puakapaʼi i taatai. 3E riro oki a Pharao i te tuatua i te tamariki a Iseraela nei, #Sala 71:11Kua ii ratou i roto i te enua; kua kako ratou i te medebara. 4#Exo 4:21; 7:3E akaketaketa ua atura au i to Pharao ngakau, kia aruaru mai aia ia ratou; e #Exo 9:16; 14:17,18; Roma 9:17,22,23ka akangateiteiia au ki runga ia Pharao, e te nuku katoa nana ra; #Exo 7:5kia kite oki to Aiphiti e, ko au ko Iehova. Kua pera atura oki ratou.
5E i akakite ia akera te ariki o Aiphiti e, kua riro roa te au tangata ra; #Sala 105:25tu ke atura to Pharao ngakau, e to tona katoa ra au tavini i taua au tangata nei, e kua tuatua akera ratou, Eaa teia ravenga a tatou nei, i tuku ei tatou ia Iseraela nei i to ratou tavini anga ia tatou nei? 6Kua akateateamamao iora aia i tona kariota e kua rave iora i tona au tangata: 7Kua rave iora aia i #Exo 15:4te au kariota i ikiia ra e ono anere, e te au kariota katoa a to Aiphiti ra, e te aronga rangatira i rungao ia ratou ravarai. 8E kua #Exo 14:4akaketaketa ua aturā Iehova i to taua ariki o Aiphiti ra ngakau to Pharao, e kua aruaru mai aia i te tamariki a Iseraela; #Exo 6:1; 13:9; Nume 33:3riro mai nei ra te tamariki a Iseraela ki vao ma te maroiroi maata. 9#Exo 15:9; Iosu 24:6Kua aruaru maira to Aiphiti ia ratou, te au oroenua katoa, e te au kariota o Pharao, e te aronga akaoro oroenua nona, e te nuku nana ra; e rokoia mai, te puakapa ua ra i taatai i #14:9 Tikaanga - Pi-hahirotaPihahi-rota, i mua ia Baala-zephona.
10E vaitata mairā Pharao; kua nānā akera te tamariki a Iseraela i to ratou mata ki runga, e i na, te aruia maira ratou e to Aiphiti; mataku roa akera ratou: #Iosu 24:7; Nehe 9:9; Sala 34:17; 107:6e kua kapiki nui atura te tamariki a Iseraela kia Iehova. 11#Sala 106:7,8E kua tuatua maira ratou kia Mose, No te mea aina kare o Aiphiti e tanumanga, i arataki mai ei koe ia matou kia mate matou i te medebara nei? Eaa koe i pera mai ei ia matou, i arataki mai ei koe ia matou mei Aiphiti mai? 12#Exo 5:21; 6:9Kare aina teia ta matou i karanga atu kia koe i Aiphiti, ka na ko atu ei e, E vaoo ua koe ia matou kia tavini ua ana matou i to Aiphiti? E ngari ake oki ia matou kia tavini atu i to Aiphiti, i te mate i te medebara nei.
13Kua karanga aturā Mose ki taua aronga tangata ra, #2 Para 20:15,17; Isa 41:10,13,14Auraka kotou e mataku; e noo ua, e akara i te ora a Iehova, i tana e rave no kotou i teianei rā; ko tenana Aiphiti ta kotou i akara na i teianei rā, kare rava kotou e kite akaou atu ia ratou e tuatau ua atu: 14#Exo 14:25; Deu 1:30; 3:22; 20:4; Iosu 10:14,42; 23:3; 2 Para 20:29; Nehe 4:20; Isa 31:4Na Iehova oki e tamaki i ta kotou tamaki, e #Isa 30:15noo muteki ua kotou.
15Kua tuatua mairā Iehova kia Mose, Eaa koe i kapiki mai ei kiaku? E karanga atu ki te tamariki a Iseraela, e aere rai ratou ki mua: 16#Exo 14:21,26; 7:19Ka tāki ana i to rakau ki runga, e ka akatika ana i to rima ki runga i te tai, e vaʼi: ka aere ua oki te tamariki a Iseraela na rotopu i te tai na runga i te tai marō. 17E i na, ka #Exo 14:8; 7:3akaketaketa ua atu au i te ngakau o to Aiphiti, kia aruaru mai ratou na muri: e ka #Exo 14:4akangateiteiia au ki runga ia Pharao, e te nuku katoa nana ra, i te au kariota nona, e te aronga akaoro enua nona ra. 18#Exo 14:4E ka kite to Aiphiti e, ko au ko Iehova, kia ngateitei au ia Pharao, i tona au kariota, e te aronga akaoro oroenua nona ra.
19E te angela a te Atua, #Exo 13:21; 23:20; 32:34; Nume 20:16; Isa 63:9i na mua i te nuku o Iseraela ra, kua taoki maira, e kua aru aere ia ratou; e taua pou tumurangi i mua ia ratou ra kua taoki maira, kua tu iora i muri mai ia ratou: 20Tei rotopu maira taua tumurangi ra i te nuku o Aiphiti, e te nuku o Iseraela; e #Isa 8:14; 2 Kori 4:3tumurangi e te poiri ki tetai pae, e e turama ïa i te po ki tetai pae; e kare rava tetai papaki i vaitata mai ki tetai e ao ua akera taua po ra.
21Kua #Exo 14:16akatika iorā Mose i tona rima ki rungao i te tai; taka ke atura te tai ia Iehova i te maoake viviki ra e ao ua ake taua po ra, #Sala 66:6e kua akariro atura aia i te tai ei one marō, #Exo 15:8; Iosu 3:16; 4:23; Nehe 9:11; Sala 74:13; 106:9; 114:3; Isa 63:12e veveteia iora taua tai ra. 22Aere ua atura te tamariki a Iseraela na #Exo 14:29; 15:19; Nume 33:8; Sala 66:6; 78:13; Isa 63:13; 1 Kori 10:1; Ebe 11:29rotopu i te tai na runga i te one marō; #Haba 3:10mei te patu ra te tai ia ratou i te pae katau e te pae kaui.
23Kua aruaru maira to Aiphiti na muri mai ia ratou, e kua aere atura ki rotopu i taua tai ra, te au oroenua katoa a Pharao, tana au kariota, e te au akaoro oroenua nona ra. 24E tae akera ki te araanga popongi ra, #Sala 77:17&cko to Iehova ïa akara anga atu i te nuku a to Aiphiti ra, na roto i te pou ai ra e te tumurangi, e kua tamanamanata atura i taua nuku o Aiphiti ra, 25E kua kiriti atura i to ratou au tipi kariota, teimaa atura kia akaoro; kua tuatua iora to Aiphiti, Tatou e oro e akaruke i te ngati Iseraela; #Exo 14:14te akatika mai nei a Iehova ia ratou, kia pou to Aiphiti nei.
26Kua tuatua mairā Iehova kia Mose, #Exo 14:16Ka akatika ana i to rima ki runga i te tai, kia oki mai te tai ki runga i to Aiphiti, ei rungao i to ratou au kariota, e to ratou aronga akaoro oroenua ra. 27Kua akatika iorā Mose i tona rima ki rungao i te tai, e tei te akirata anga, #Iosu 4:18kua oki akaou iora taua tai ra i tona ririnui anga, aravei maira i to Aiphiti i to ratou oro anga atura: #Exo 15:1,7rurungaoroia iora e Iehova to Aiphiti i rotopu i te tai ra. 28Kua #Haba 3:8,13oki maira oki taua tai ra, #Sala 106:11e ngaromia iora te au kariota i raro, e te aronga akaoro oroenua, te tangata tini ravarai o Pharao ra, ko tei aru mai ia ratou na raro i te tai ra; kare rava i toe e okotai iti ake. 29#Exo 14:22; Sala 77:20; 78:52,53Kareka te tamariki a Iseraela kua aere ua ratou na rotopu i taua tai ra na runga i te one marō; mei te patu ra te tai ia ratou i te pae katau e te pae kaui. 30#Sala 106:8,10Kua ora iora to Iseraela ia Iehova i taua rā ra, i te rima o Aiphiti ra; #Sala 58:10; 59:10e kua kite oki Iseraela i to Aiphiti i te urupae aere ua anga na taatai, kua mate takiri roa. 31Kite akera to Iseraela i te mana maata o Iehova i te rave anga i to Aiphiti ra: mataku iora te au tangata ia Iehova, #Exo 4:31; 19:9; Sala 106:12; Ioa 2:11; 11:45e kua akarongo ia Iehova e tona tavini ia Mose.
Currently Selected:
Exodo 14: CIMB
Highlight
Share
Copy
Want to have your highlights saved across all your devices? Sign up or sign in
The Holy Bible in Cook Islands Maori, Reprinted from the edition of 1888 © United Bible Societies, 1972.
