Amǝ Roma 8
8
Do ɓa Bangŋo
1Adyan ngga ɓashi pà kàm ɗǝm amur aɓwana mǝnana à nda aɓa Kǝrǝsti Yesu ka ɗang.#8:1 Ɓalli gbal aɓa: Rom 5:16. 2Acemǝnana, nggurcau mala Bangŋo mǝnana yinǝa sǝm yilǝmu aɓa Kǝrǝsti Yesu ka, panzǝkina sǝm a bu nggurcau mala cauɓikea andǝ lú.#8:2 Ɓalli gbal aɓa: 1Kor 15:45; Rom 6:14,18. 3Gir mǝnana Nggurcau mala Musa gandǝ pe raka, ata cau mala gatti mala nggurǝ ɓwapǝndǝa mǝ'cauɓike ka, Ɓakuli yi pe. Yi tasǝ Muni ɓǝ̀ yiu aɓa nggūrǝu mǝnana nda kǝla nggurǝ sǝm aɓwapǝndǝa mǝ'cauɓike ka, ɓǝ̀ yi pa ɓamuri kǝla gir'nkila ace twal cauɓikea. Aɓa pe mǝnia anggo ka Ɓakuli yinǝ kasǝ-ɓashi amur cauɓikea, kiɗiki rǝcandǝa male aɓa mǝno yì nggūrǝu mala ɓwapǝndǝa ka.#8:3 Ɓalli gbal aɓa: Aturo 13:39; Ib 2:14; 7:18; 10:1-2; Filp 2:7. 4Ɓakuli pe anggo ace mǝnana nzongcau mala Nggurcau male, arǝ anjari kat ka, ɓǝ̀ kum lumsǝo cikcik kǝla mana earkiyice ka, aɓalǝ sǝm, sǝm mǝnana do ma'sǝm ngga nggūrǝu na sǝm ginggiyi ate raka, Bangŋo na ka.#8:4 Ɓalli gbal aɓa: Rom 3:31; Gal 5:16,25.
5Aɓwana mǝnana do malea ka, à kǝ kpata gir mana nggūrǝu kǝ banggia wia ka, ɓabumia nǝ̀ pa arǝ gir mǝnana nggurǝ earkiyi ce ka. Sǝ aɓwana mǝnana do malea ka Bangŋo na kǝ gingnǝia ka, ɓabumia nǝ̀ pa arǝ gir mǝnana Bangŋo earkiyi ce ka.#8:5 Ɓalli gbal aɓa: Gal 5:19-25. 6Ɓǝ̀ nggūrǝu na kǝ gingnǝ ɗenyicau ma'wun, masǝlǝate ka lú na. Sǝ ɓǝ̀ Bangŋo na kǝ gingnǝ ɗenyicau ma'wun, masǝlǝate ka yilǝmu na andǝ dorǝpwala.#8:6 Ɓalli gbal aɓa: Rom 6:21; 8:13,27; Gal 6:8. 7Lǝmndǝ ama aɓwana mǝnana à dum nǝ ɓabum mala kpata nggūrǝu ka, à dumǝna aɓibura mala Ɓakuli; yia ka à kǝ kpata nzongcau mala Ɓakuli ɗang, sǝ aɓa mǝsǝcau ka, à pà nǝ̀ gandǝ kpate ɗang. 8Aɓwana mǝnana nggūrǝu na kǝ gingnǝia ka, à pà nǝ̀ gandǝ pwasǝbum Ɓakuli ɗang.#8:8 Ɓalli gbal aɓa: Rom 7:5.
9Sǝ wun ngga, nggūrǝu mala cauɓikea na ginggi nǝ wun ngga ɗang, Bangŋo na, ɓǝ̀ Bangŋo mala Ɓakuli na dukiyi a ɓabum wun ngga. Ɓwa mǝnana pànǝ Bangŋo mala Kǝrǝsti a ɓabumi raka, ɓwe ka màlà Kǝrǝsti na ɗang.#8:9 Ɓalli gbal aɓa: 1Kor 3:16; 6:19; 2Kor 6:16; 2Tim 1:14. 10Sǝ ɓǝ̀ Kǝrǝsti na a ɓabum wun, kat andǝ amani ama nggurǝ wun ngga lú na ata cau mala cauɓikea ka, Bangŋo kǝ tsǝa ɓǝ̀ wu dum nǝ yilǝmu, acemǝnana à gilǝkina nre wun wunǝa Ɓakuli.#8:10 Ɓalli gbal aɓa: Gal 2:20; Afi 3:17. 11Ɓǝ̀ Bangŋo mala Ɓakuli mǝnana loasǝ Yesu a ɓembe ka, nda aban do a ɓabum wun ngga, anggo gbal ɓwa mǝnana loasǝ Kǝrǝsti a ɓembe ka, nǝ̀ pe nggurǝ wun mǝnana dupi lú ka yilǝmu, nǝ bu Bangŋo male mǝnana dukiyi a ɓabum wun ngga.#8:11 Ɓalli gbal aɓa: Kol 3:16; Yoh 5:21.
12Ace mani ka, wun amǝ'eambǝam, tangna na amur sǝm, sǝ tangne ka nda mǝnana ama ɓǝ̀ sǝm ngga dukdo kpata gir mǝnana nggūrǝu earkiyi ce ka ɗang. 13Ɓǝ̀ wu kǝ dukdo kpata nê mala nggūrǝu ka, wu nǝ̀ wú. Sǝa ma ɓǝ̀ aɓa rǝcandǝa mala Bangŋo, wu tamsǝ pakkia aturo cauɓikea mala nggūrǝu, ɓǝa wu mak ka, wu nǝ̀ dum nǝ yilǝmu.#8:13 Ɓalli gbal aɓa: Rom 8:6; Kol 3:5. 14Aɓwana mǝnana Bangŋo mala Ɓakuli na kǝ gingnǝia ka, à nda ka muna mala Ɓakuli.#8:14 Ɓalli gbal aɓa: Gal 5:18. 15Bangŋo mǝnana à pa wun ngga, nda mǝnana nǝ̀ tsǝk wun a guro aban ká do ɓangciu ɗǝm ngga ɗang. Bangŋo mala pǝlǝ wun ɓǝ̀ wu duk amuna mala Ɓakuli na. Sǝ nǝ́ rǝcandǝa mala Bangŋo ka, ko yan ata sǝm ngga nǝ̀ ɓua aban Ɓakuli, nǝ̀ tunǝi ama, “Dâ!#8:15 Dâ: Mǝnia nǝ kún Aramayik ka nda “Abba.””#8:15 Ɓalli gbal aɓa: Mar 14:36; Rom 9:4; Gal 4:5-7. 16Bangŋo mala Ɓakuli nǝ ɓamuri ka, kǝ bangga sǝm a ɓabum sǝm ama kàngkàng mǝsǝcau na sǝm nda ka amuna mala Ɓakuli. 17Sǝ acemǝnana sǝm nda ka amuna male ka, sǝm nǝ̀ kum banì ma'sǝm mala liɓala male, mǝnana ci ace aɓwana male ka. Ɗǝm ngga, sǝm nǝ̀ kum sǝnǝa Yesu, gir mǝnana kat Ɓakuli ci ace ka. Ɓǝ̀ kàngkàng sǝm nu tanni ata Kǝrǝsti ulang mǝnana nu ka, sǝm nǝ̀ kum gbal aɓa male yì gulo.#8:17 Ɓalli gbal aɓa: Gal 3:29; 4:7; 2Kor 1:5,7; 2Tim 2:12; 1Bit 4:13.
Gulo mǝnana nǝ̀ yiu ka
18Ən nggǝ sǝni, atanni mǝno sǝm nggǝ nu ado ka, à kārǝa à nǝ̀ kārǝia arǝ gulo mǝnana à nǝ̀ ngga lǝmndǝa sǝmi nǝ nzǝmo ka ɗang.#8:18 Ɓalli gbal aɓa: 2Kor 4:17; Kol 3:4; 1Bit 5:1. 19Agirbunda mǝnana Ɓakuli pusǝia ka, à nda rǝ kúndǝo, nǝ rǝɓǝla, arǝ pwari mǝno Ɓakuli nǝ̀ lǝmndǝ rǝ amuna male amǝɓafoe nǝi ka.#8:19 Ɓalli gbal aɓa: 1Bit 1:7,13; 1Yoh 3:2. 20Girbunda kat mana Ɓakuli pusǝì ka kum ɓamuri aɓata do ɗwanyi kum-lumsǝo mala kane male, kǝ pǝlǝki nǝ ɓālǝi ɓà. Sǝ mǝnia ka pà acemǝnana eare male na ka ɗang, pě mala Ɓakuli mana ci a ɓalǝi ka nda. Kat andǝ amani ka, tsǝkɓalǝu na kam#8:20 Ɓalli gbal aɓa: Tite 3:17-19; Ham 1:2. 21ama ɓanza nǝ ɓamuri ka, nǝ̀ ngga kum amsǝban a bu kùrban mala kìɗìkì male, sǝ à nǝ̀ yinǝi aɓa kum-ɓamuru mǝɓoarɓwe mala amuna mala Ɓakuli.
22Sǝm sǝlǝna ama agir mǝnana à pusǝia a ɓanza kat ka, à nda ban ingge aɓa kwanban, kǝla mɓwama mǝnana nda aɓa kwanban mala gbashi ka, ba yalung. 23Sǝ yìa agir ka, à nda mǝnana nǝmurǝia à kǝ inggi ka ɗang; nggearǝ sǝm mǝnana sǝm kumǝna Bangŋo Mǝfele mana ndà mǝdǝmbe mala aɓoro mǝnana Ɓakuli nǝ̀ pa sǝm ngga, sǝm nggǝ ingge aɓa ɓalǝ sǝm. Sǝ aɓa ingge anggo ka, sǝm nggǝ kundǝ arǝ Ɓakuli nǝ̀ rǝɓǝla, ɓǝ̀ yinǝ sǝm aɓa kum lumsǝo ma'sǝm abani mala duk amuna male, mǝnana anggurǝ sǝm nǝ̀ kum panzǝban a bu cauɓikea, andǝ tanni, andǝ lú ka.#8:23 Ɓalli gbal aɓa: 2Kor 1:22; 5:2,4; Gal 5:5.
24Àkǝ̀ ɓa mǝnia yì tsǝkɓalǝu sǝ sǝm kum auwa.#8:24 Àkǝ̀ ɓa mǝnia yì tsǝkɓalǝu sǝ sǝm kum auwa. Ko “À pa sǝm mǝnia yì tsǝkɓalǝu lang à amsǝ sǝm ngga.” Sǝa ma tsǝkɓalǝu mǝnana ado à nǝ̀ gandǝ sǝni nǝ mǝsǝu ka, à pà nǝ̀ na ama tsǝkɓalǝu na ɗang. Lang sǝ ɓwa nǝ̀ tsǝkɓalǝi ado arǝ gir mǝnana ndanǝi a bui kǝ sǝni ka? 25Sǝ ɓǝ̀ sǝm ndanǝ tsǝkɓalǝu arǝ gir mǝnana ado sǝm pa nǝi peatu, sǝm sǝni raka, sǝm nǝ̀ kundǝ gir nî nǝ domunyi.
26Anggo gbal, Bangŋo ka kǝ bwala sǝm nggam aɓa gatti ma'sǝm. Acemǝnana sǝm ngga, sǝm surǝ lang sǝ sǝm nǝ̀ pak hiwi, kǝla mǝnana ɓoaro ɓǝ̀ sǝm pak ka ɗang, sǝa ma Bangŋo mala Ɓakuli nǝ nggearǝì ka, kǝ pak hiwi ace sǝm, nǝ ingge mǝnana à pà nǝ̀ gandǝ cie aɓa cau raka. 27Sǝ Ɓakuli mǝnana sǝnggiyi ɓabum ngga, surǝna rǝ ɗenyicau mala Bangŋo. Acemǝnana Bangŋo kǝ zǝmbǝa ace aɓwana mala Ɓakuli, amur gir mǝnana nê mala Ɓakuli na ka.#8:27 Ɓalli gbal aɓa: Ang 139:1-2; Luk 16:15; Sǝn 2:23; Rom 8:6,34.
Sǝm kuti amǝ limurǝm
28Sǝ sǝm sǝlǝna ama Ɓakuli kǝ tsǝk agir kat ɓǝa pang nǝ ɓoaro, ace lidǝmbǝa mala aɓwana mǝnana à kǝ earce ka, aɓwana male mǝnana tunǝia ace kpata kane male ka. 29Aɓwana mǝnana Ɓakuli angŋa dǝmbǝa twalǝnia ka#8:29 angŋa dǝmbǝa twalǝnia ka: Ko “angŋa dǝmbǝa surǝnia à nda ka male ka”, nda gbal tària ɓǝa do kǝla Muni, ace mǝnana ɓǝ̀ Muni duk muna-dǝmbǝa aɓalǝ amǝ'eambǝi mǝnana pas ka.#8:29 Ɓalli gbal aɓa: Rom 9:23; 11:2; 1Bit 1:2,20; Afi 1:5,11. 30Sǝ aɓwana mǝnana Ɓakuli tària ka, à nda ka amǝnana gbal tunǝia ka, sǝ aɓwana mǝnana tunǝia ka, angŋǝnia, à dumǝna aɓwana amǝ'cauɓoarna abani, sǝ aɓwana mǝnana angŋǝnia ka, à nda gbal yinǝia aɓa kum gulo male ka.
Earcearǝu mala Ɓakuli
31Sǝ mana ado sǝm nǝ̀ na, amur amǝnia yì agir ka? Ɓǝ̀ Ɓakuli ka nda ata sǝm ngga, yana ɓwe nǝ̀ lo arǝ sǝm?#8:31 Ɓalli gbal aɓa: Ang 118:6. 32Ɓakuli ka girban nǝ Muni ɗang, pa Muni ace sǝm kat! Sǝ ɓǝ̀ pa Muni ace sǝm ngga, pà nǝ̀ gandǝ pa sǝm ɓoro nǝ agir gbal kat re?#8:32 Ɓalli gbal aɓa: Yoh 3:16; Rom 4:25. 33Yana ɓwe na nǝ̀ wuli aɓwana mǝnana Ɓakuli tària ka? Kǝ ɓwa pà kàm ɗang! Acemǝnana Ɓakuli nǝ́ ɓamuri nǝ̀ cia sǝ à duk amǝ'cauɓoarna!#8:33 Ɓalli gbal aɓa: Luk 18:7; Isha 50:8-9. 34Yana ɓwe na ado kasǝkiyi ɓashi amur sǝm? Yesu Kǝrǝsti na le, yì ɓwa mǝnana yi wú, sǝ lo nǝ yilǝmu, nda a bu-mǝli mala Ɓakuli, kǝ zǝmbǝa ace sǝm ngga le? 35Sǝ, yana nǝ̀ gau sǝm sǝnǝa earcearǝu mala Kǝrǝsti? Tanni na nǝ̀ tsǝk ka le, ko do mǝkwane, ko pàtanni, ko nzala na, ko tǝ̀r na, ko kum ɓamuru aɓa ká-mǝɓane na, ko a na raka, lú na le? 36Kǝla mǝnana Malǝmce na ka,
“Nda aceo, we
Mǝtalabangŋo
sǝ sǝm nggǝ sǝn tanni,
a koya pwari ka,
mana nǝ̀ kánǝban a lú ka.
Sǝm ado ka sǝm nda
kǝla anzur mǝnana
à nǝ̀ ngga pwanggi
mealia ka.”#8:36 Ɓalli gbal aɓa: Ang 44:22.
37Awo! Aɓalǝ amǝnia yì agir kat ka sǝm kuti amǝ limurǝm, nǝ bu Kǝrǝsti mǝnana earce sǝm ngga! 38Ən earǝna nǝi a ɓabumam ama kǝgir pà nǝ̀ gau sǝm sǝnǝa earcearǝu mala Ɓakuli ɗang. Ko ɓǝ̀ lú na, ko auwa, ko amǝturonjar, ko arǝcandǝa mala akukwar, ko ɓǝ̀ ya rǝcandǝa nani ka, à karǝa à nǝ̀ gau sǝm ɗang. Ko ɓǝ̀ agir mǝnana à kǝ kumban a nza man, ko a nza mǝno nǝ̀ yiu ka, 39ko agir mǝnana a kuli, andǝa mǝnana ata nzali ka, à karǝ ɗang. Kǝgir pà kàm aɓa ɓanza man, mǝnana nǝ̀ gandǝ gau sǝm sǝnǝa earcearǝu mala Ɓakuli, mana aɓa Kǝrǝsti Yesu Mǝtala sǝm ngga ɗang.
Currently Selected:
Amǝ Roma 8: mbu
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016
Amǝ Roma 8
8
Do ɓa Bangŋo
1Adyan ngga ɓashi pà kàm ɗǝm amur aɓwana mǝnana à nda aɓa Kǝrǝsti Yesu ka ɗang.#8:1 Ɓalli gbal aɓa: Rom 5:16. 2Acemǝnana, nggurcau mala Bangŋo mǝnana yinǝa sǝm yilǝmu aɓa Kǝrǝsti Yesu ka, panzǝkina sǝm a bu nggurcau mala cauɓikea andǝ lú.#8:2 Ɓalli gbal aɓa: 1Kor 15:45; Rom 6:14,18. 3Gir mǝnana Nggurcau mala Musa gandǝ pe raka, ata cau mala gatti mala nggurǝ ɓwapǝndǝa mǝ'cauɓike ka, Ɓakuli yi pe. Yi tasǝ Muni ɓǝ̀ yiu aɓa nggūrǝu mǝnana nda kǝla nggurǝ sǝm aɓwapǝndǝa mǝ'cauɓike ka, ɓǝ̀ yi pa ɓamuri kǝla gir'nkila ace twal cauɓikea. Aɓa pe mǝnia anggo ka Ɓakuli yinǝ kasǝ-ɓashi amur cauɓikea, kiɗiki rǝcandǝa male aɓa mǝno yì nggūrǝu mala ɓwapǝndǝa ka.#8:3 Ɓalli gbal aɓa: Aturo 13:39; Ib 2:14; 7:18; 10:1-2; Filp 2:7. 4Ɓakuli pe anggo ace mǝnana nzongcau mala Nggurcau male, arǝ anjari kat ka, ɓǝ̀ kum lumsǝo cikcik kǝla mana earkiyice ka, aɓalǝ sǝm, sǝm mǝnana do ma'sǝm ngga nggūrǝu na sǝm ginggiyi ate raka, Bangŋo na ka.#8:4 Ɓalli gbal aɓa: Rom 3:31; Gal 5:16,25.
5Aɓwana mǝnana do malea ka, à kǝ kpata gir mana nggūrǝu kǝ banggia wia ka, ɓabumia nǝ̀ pa arǝ gir mǝnana nggurǝ earkiyi ce ka. Sǝ aɓwana mǝnana do malea ka Bangŋo na kǝ gingnǝia ka, ɓabumia nǝ̀ pa arǝ gir mǝnana Bangŋo earkiyi ce ka.#8:5 Ɓalli gbal aɓa: Gal 5:19-25. 6Ɓǝ̀ nggūrǝu na kǝ gingnǝ ɗenyicau ma'wun, masǝlǝate ka lú na. Sǝ ɓǝ̀ Bangŋo na kǝ gingnǝ ɗenyicau ma'wun, masǝlǝate ka yilǝmu na andǝ dorǝpwala.#8:6 Ɓalli gbal aɓa: Rom 6:21; 8:13,27; Gal 6:8. 7Lǝmndǝ ama aɓwana mǝnana à dum nǝ ɓabum mala kpata nggūrǝu ka, à dumǝna aɓibura mala Ɓakuli; yia ka à kǝ kpata nzongcau mala Ɓakuli ɗang, sǝ aɓa mǝsǝcau ka, à pà nǝ̀ gandǝ kpate ɗang. 8Aɓwana mǝnana nggūrǝu na kǝ gingnǝia ka, à pà nǝ̀ gandǝ pwasǝbum Ɓakuli ɗang.#8:8 Ɓalli gbal aɓa: Rom 7:5.
9Sǝ wun ngga, nggūrǝu mala cauɓikea na ginggi nǝ wun ngga ɗang, Bangŋo na, ɓǝ̀ Bangŋo mala Ɓakuli na dukiyi a ɓabum wun ngga. Ɓwa mǝnana pànǝ Bangŋo mala Kǝrǝsti a ɓabumi raka, ɓwe ka màlà Kǝrǝsti na ɗang.#8:9 Ɓalli gbal aɓa: 1Kor 3:16; 6:19; 2Kor 6:16; 2Tim 1:14. 10Sǝ ɓǝ̀ Kǝrǝsti na a ɓabum wun, kat andǝ amani ama nggurǝ wun ngga lú na ata cau mala cauɓikea ka, Bangŋo kǝ tsǝa ɓǝ̀ wu dum nǝ yilǝmu, acemǝnana à gilǝkina nre wun wunǝa Ɓakuli.#8:10 Ɓalli gbal aɓa: Gal 2:20; Afi 3:17. 11Ɓǝ̀ Bangŋo mala Ɓakuli mǝnana loasǝ Yesu a ɓembe ka, nda aban do a ɓabum wun ngga, anggo gbal ɓwa mǝnana loasǝ Kǝrǝsti a ɓembe ka, nǝ̀ pe nggurǝ wun mǝnana dupi lú ka yilǝmu, nǝ bu Bangŋo male mǝnana dukiyi a ɓabum wun ngga.#8:11 Ɓalli gbal aɓa: Kol 3:16; Yoh 5:21.
12Ace mani ka, wun amǝ'eambǝam, tangna na amur sǝm, sǝ tangne ka nda mǝnana ama ɓǝ̀ sǝm ngga dukdo kpata gir mǝnana nggūrǝu earkiyi ce ka ɗang. 13Ɓǝ̀ wu kǝ dukdo kpata nê mala nggūrǝu ka, wu nǝ̀ wú. Sǝa ma ɓǝ̀ aɓa rǝcandǝa mala Bangŋo, wu tamsǝ pakkia aturo cauɓikea mala nggūrǝu, ɓǝa wu mak ka, wu nǝ̀ dum nǝ yilǝmu.#8:13 Ɓalli gbal aɓa: Rom 8:6; Kol 3:5. 14Aɓwana mǝnana Bangŋo mala Ɓakuli na kǝ gingnǝia ka, à nda ka muna mala Ɓakuli.#8:14 Ɓalli gbal aɓa: Gal 5:18. 15Bangŋo mǝnana à pa wun ngga, nda mǝnana nǝ̀ tsǝk wun a guro aban ká do ɓangciu ɗǝm ngga ɗang. Bangŋo mala pǝlǝ wun ɓǝ̀ wu duk amuna mala Ɓakuli na. Sǝ nǝ́ rǝcandǝa mala Bangŋo ka, ko yan ata sǝm ngga nǝ̀ ɓua aban Ɓakuli, nǝ̀ tunǝi ama, “Dâ!#8:15 Dâ: Mǝnia nǝ kún Aramayik ka nda “Abba.””#8:15 Ɓalli gbal aɓa: Mar 14:36; Rom 9:4; Gal 4:5-7. 16Bangŋo mala Ɓakuli nǝ ɓamuri ka, kǝ bangga sǝm a ɓabum sǝm ama kàngkàng mǝsǝcau na sǝm nda ka amuna mala Ɓakuli. 17Sǝ acemǝnana sǝm nda ka amuna male ka, sǝm nǝ̀ kum banì ma'sǝm mala liɓala male, mǝnana ci ace aɓwana male ka. Ɗǝm ngga, sǝm nǝ̀ kum sǝnǝa Yesu, gir mǝnana kat Ɓakuli ci ace ka. Ɓǝ̀ kàngkàng sǝm nu tanni ata Kǝrǝsti ulang mǝnana nu ka, sǝm nǝ̀ kum gbal aɓa male yì gulo.#8:17 Ɓalli gbal aɓa: Gal 3:29; 4:7; 2Kor 1:5,7; 2Tim 2:12; 1Bit 4:13.
Gulo mǝnana nǝ̀ yiu ka
18Ən nggǝ sǝni, atanni mǝno sǝm nggǝ nu ado ka, à kārǝa à nǝ̀ kārǝia arǝ gulo mǝnana à nǝ̀ ngga lǝmndǝa sǝmi nǝ nzǝmo ka ɗang.#8:18 Ɓalli gbal aɓa: 2Kor 4:17; Kol 3:4; 1Bit 5:1. 19Agirbunda mǝnana Ɓakuli pusǝia ka, à nda rǝ kúndǝo, nǝ rǝɓǝla, arǝ pwari mǝno Ɓakuli nǝ̀ lǝmndǝ rǝ amuna male amǝɓafoe nǝi ka.#8:19 Ɓalli gbal aɓa: 1Bit 1:7,13; 1Yoh 3:2. 20Girbunda kat mana Ɓakuli pusǝì ka kum ɓamuri aɓata do ɗwanyi kum-lumsǝo mala kane male, kǝ pǝlǝki nǝ ɓālǝi ɓà. Sǝ mǝnia ka pà acemǝnana eare male na ka ɗang, pě mala Ɓakuli mana ci a ɓalǝi ka nda. Kat andǝ amani ka, tsǝkɓalǝu na kam#8:20 Ɓalli gbal aɓa: Tite 3:17-19; Ham 1:2. 21ama ɓanza nǝ ɓamuri ka, nǝ̀ ngga kum amsǝban a bu kùrban mala kìɗìkì male, sǝ à nǝ̀ yinǝi aɓa kum-ɓamuru mǝɓoarɓwe mala amuna mala Ɓakuli.
22Sǝm sǝlǝna ama agir mǝnana à pusǝia a ɓanza kat ka, à nda ban ingge aɓa kwanban, kǝla mɓwama mǝnana nda aɓa kwanban mala gbashi ka, ba yalung. 23Sǝ yìa agir ka, à nda mǝnana nǝmurǝia à kǝ inggi ka ɗang; nggearǝ sǝm mǝnana sǝm kumǝna Bangŋo Mǝfele mana ndà mǝdǝmbe mala aɓoro mǝnana Ɓakuli nǝ̀ pa sǝm ngga, sǝm nggǝ ingge aɓa ɓalǝ sǝm. Sǝ aɓa ingge anggo ka, sǝm nggǝ kundǝ arǝ Ɓakuli nǝ̀ rǝɓǝla, ɓǝ̀ yinǝ sǝm aɓa kum lumsǝo ma'sǝm abani mala duk amuna male, mǝnana anggurǝ sǝm nǝ̀ kum panzǝban a bu cauɓikea, andǝ tanni, andǝ lú ka.#8:23 Ɓalli gbal aɓa: 2Kor 1:22; 5:2,4; Gal 5:5.
24Àkǝ̀ ɓa mǝnia yì tsǝkɓalǝu sǝ sǝm kum auwa.#8:24 Àkǝ̀ ɓa mǝnia yì tsǝkɓalǝu sǝ sǝm kum auwa. Ko “À pa sǝm mǝnia yì tsǝkɓalǝu lang à amsǝ sǝm ngga.” Sǝa ma tsǝkɓalǝu mǝnana ado à nǝ̀ gandǝ sǝni nǝ mǝsǝu ka, à pà nǝ̀ na ama tsǝkɓalǝu na ɗang. Lang sǝ ɓwa nǝ̀ tsǝkɓalǝi ado arǝ gir mǝnana ndanǝi a bui kǝ sǝni ka? 25Sǝ ɓǝ̀ sǝm ndanǝ tsǝkɓalǝu arǝ gir mǝnana ado sǝm pa nǝi peatu, sǝm sǝni raka, sǝm nǝ̀ kundǝ gir nî nǝ domunyi.
26Anggo gbal, Bangŋo ka kǝ bwala sǝm nggam aɓa gatti ma'sǝm. Acemǝnana sǝm ngga, sǝm surǝ lang sǝ sǝm nǝ̀ pak hiwi, kǝla mǝnana ɓoaro ɓǝ̀ sǝm pak ka ɗang, sǝa ma Bangŋo mala Ɓakuli nǝ nggearǝì ka, kǝ pak hiwi ace sǝm, nǝ ingge mǝnana à pà nǝ̀ gandǝ cie aɓa cau raka. 27Sǝ Ɓakuli mǝnana sǝnggiyi ɓabum ngga, surǝna rǝ ɗenyicau mala Bangŋo. Acemǝnana Bangŋo kǝ zǝmbǝa ace aɓwana mala Ɓakuli, amur gir mǝnana nê mala Ɓakuli na ka.#8:27 Ɓalli gbal aɓa: Ang 139:1-2; Luk 16:15; Sǝn 2:23; Rom 8:6,34.
Sǝm kuti amǝ limurǝm
28Sǝ sǝm sǝlǝna ama Ɓakuli kǝ tsǝk agir kat ɓǝa pang nǝ ɓoaro, ace lidǝmbǝa mala aɓwana mǝnana à kǝ earce ka, aɓwana male mǝnana tunǝia ace kpata kane male ka. 29Aɓwana mǝnana Ɓakuli angŋa dǝmbǝa twalǝnia ka#8:29 angŋa dǝmbǝa twalǝnia ka: Ko “angŋa dǝmbǝa surǝnia à nda ka male ka”, nda gbal tària ɓǝa do kǝla Muni, ace mǝnana ɓǝ̀ Muni duk muna-dǝmbǝa aɓalǝ amǝ'eambǝi mǝnana pas ka.#8:29 Ɓalli gbal aɓa: Rom 9:23; 11:2; 1Bit 1:2,20; Afi 1:5,11. 30Sǝ aɓwana mǝnana Ɓakuli tària ka, à nda ka amǝnana gbal tunǝia ka, sǝ aɓwana mǝnana tunǝia ka, angŋǝnia, à dumǝna aɓwana amǝ'cauɓoarna abani, sǝ aɓwana mǝnana angŋǝnia ka, à nda gbal yinǝia aɓa kum gulo male ka.
Earcearǝu mala Ɓakuli
31Sǝ mana ado sǝm nǝ̀ na, amur amǝnia yì agir ka? Ɓǝ̀ Ɓakuli ka nda ata sǝm ngga, yana ɓwe nǝ̀ lo arǝ sǝm?#8:31 Ɓalli gbal aɓa: Ang 118:6. 32Ɓakuli ka girban nǝ Muni ɗang, pa Muni ace sǝm kat! Sǝ ɓǝ̀ pa Muni ace sǝm ngga, pà nǝ̀ gandǝ pa sǝm ɓoro nǝ agir gbal kat re?#8:32 Ɓalli gbal aɓa: Yoh 3:16; Rom 4:25. 33Yana ɓwe na nǝ̀ wuli aɓwana mǝnana Ɓakuli tària ka? Kǝ ɓwa pà kàm ɗang! Acemǝnana Ɓakuli nǝ́ ɓamuri nǝ̀ cia sǝ à duk amǝ'cauɓoarna!#8:33 Ɓalli gbal aɓa: Luk 18:7; Isha 50:8-9. 34Yana ɓwe na ado kasǝkiyi ɓashi amur sǝm? Yesu Kǝrǝsti na le, yì ɓwa mǝnana yi wú, sǝ lo nǝ yilǝmu, nda a bu-mǝli mala Ɓakuli, kǝ zǝmbǝa ace sǝm ngga le? 35Sǝ, yana nǝ̀ gau sǝm sǝnǝa earcearǝu mala Kǝrǝsti? Tanni na nǝ̀ tsǝk ka le, ko do mǝkwane, ko pàtanni, ko nzala na, ko tǝ̀r na, ko kum ɓamuru aɓa ká-mǝɓane na, ko a na raka, lú na le? 36Kǝla mǝnana Malǝmce na ka,
“Nda aceo, we
Mǝtalabangŋo
sǝ sǝm nggǝ sǝn tanni,
a koya pwari ka,
mana nǝ̀ kánǝban a lú ka.
Sǝm ado ka sǝm nda
kǝla anzur mǝnana
à nǝ̀ ngga pwanggi
mealia ka.”#8:36 Ɓalli gbal aɓa: Ang 44:22.
37Awo! Aɓalǝ amǝnia yì agir kat ka sǝm kuti amǝ limurǝm, nǝ bu Kǝrǝsti mǝnana earce sǝm ngga! 38Ən earǝna nǝi a ɓabumam ama kǝgir pà nǝ̀ gau sǝm sǝnǝa earcearǝu mala Ɓakuli ɗang. Ko ɓǝ̀ lú na, ko auwa, ko amǝturonjar, ko arǝcandǝa mala akukwar, ko ɓǝ̀ ya rǝcandǝa nani ka, à karǝa à nǝ̀ gau sǝm ɗang. Ko ɓǝ̀ agir mǝnana à kǝ kumban a nza man, ko a nza mǝno nǝ̀ yiu ka, 39ko agir mǝnana a kuli, andǝa mǝnana ata nzali ka, à karǝ ɗang. Kǝgir pà kàm aɓa ɓanza man, mǝnana nǝ̀ gandǝ gau sǝm sǝnǝa earcearǝu mala Ɓakuli, mana aɓa Kǝrǝsti Yesu Mǝtala sǝm ngga ɗang.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016