Amǝ Roma 11
11
Ɓwamuru mala Ɓakuli amur Isǝrayila
1Ən ɗiban ama, nggearǝì ka, Ɓakuli ginǝna aɓwana male lè? Awo, ginǝia ɗang! Nggearǝ mim nǝ ɓamuram ngga, mǝ nda ɓwa Isǝrayila, Mǝkà Ibǝrayim, a tau mala Benjami. 2Awo, ko bǝti, Ɓakuli ginǝ aɓwana male mǝnana tària a tita ɓanza ka ɗang. Ɓalǝ wun kasǝ mbo arǝ ɓua mala Iliya aban Ɓakuli amur amǝ Isǝrayila? Na ama, 3“Mǝtalabangŋo, à walna lú ka amǝ'ɓangna mo, sǝ à arkina abanperi mo; kǝ mǝ nda nǝmurǝam ǝn ueo ka, sǝ à ndo à kǝ alta yilǝmem gbal ka.”#11:3 Ɓalli gbal aɓa: 1Amur 19:10,14. 4Sǝ a man sǝ Ɓakuli pǝlǝ wi ɗe? Ne wi ama, “Mǝ ndanǝ aɓwana á-tongno-nong-ɓari (7,000) mǝnana à ɓumbi Ba'al#11:4 Ba'al: Mǝnia ka nda “ɓakuli mǝ'nyirì.” raka.”#11:4 Ɓalli gbal aɓa: 1Amur 19:18. 5Kǝ nda anggo yalung, aɓwana na kam kpakyok mǝnana ɓwamuru mala Ɓakuli tària ka. 6Sǝ ɓǝ̀ nda ace ɓwamuru mala Ɓakuli ka, lǝmndǝ ama pà ace aturo-ɓoarna mǝnana aɓwana pak ka ɗang. Ɓǝ̀ ana raka, ɓǝ́ ɓwamuru mala Ɓakuli ka pà nǝ̀ duk ɓwamuru ɓafo ɗang.
7Sǝ ado ka mana sǝm bang le? Ani sǝ ce pa, bangula amǝ Isǝrayila ka, à kum ɓwamuru mala Ɓakuli mǝnana à alkiyite ka ɗang. Aɓwana aɓalǝia mǝnana Ɓakuli tàrria ka, à nda à kum ngga. Acilia ka ɓabumia tǝra, à mgbikiru arǝ tunǝban mala Ɓakuli. 8Kǝla mǝnana Malǝmce na ka,
“Ɓakuli cia a ntulo
mǝdǝmbǝre,
pea wia amǝsǝu mǝnana
à pà nǝ̀ sǝnban ɗang,
andǝ akiru mǝnana
à pà nǝ̀ okban raka,
ba yalung.”#11:8 Ɓalli gbal aɓa: Nggur 29:4; Isha 29:10.
9Nyar ɗǝm ngga Dauda na ama,
“Likiali malea ɓǝ̀
dupia wia gir'swarban
aban ká kpa aɓa gbǝli,
ɓǝ̀ dupia wia tali annda,
sǝ ɓǝà kum mǝɓane
mana kārǝa rǝia ka!
10Pǝndǝa ɓǝ̀ gir amǝsǝia,
ace mǝnana ɓǝa kǝa
sǝnban ɗang,
sǝ ɓǝa ueo aɓata
dǝmbǝrya mala
atanni malea,
málá male pà kàm ɗang.”#11:10 Ɓalli gbal aɓa: Ang 69:22,23.
Aɓwana mǝnana amǝ Isǝrayila na raka à kum amsǝban
11Ən ɗiban ɗǝm nǝma, nggearǝ annda mǝnana amǝ Isǝrayila annda sǝ à kpa ka, à kpana anggo à pà nǝ̀ lo re? Awo, pa anggo ɗang! Ata cau mala cauɓikea malea ka, amsǝban yina aban aɓwana mala acili anzali mana amǝ Isǝrayila na raka, ace mǝnana yia amǝ Isǝrayila ka ɓǝa dum nǝ mɓali arǝ amǝno yia ɓwana ka. 12Pě mǝɓane mala amǝ Isǝrayila, mana à ginǝki amsǝban mana Ɓakuli yinǝia wia nǝi ka, yinǝi ɓanza kume. Sǝ aɓwana arǝ acili anzali gbal ka à kumǝna auwa, ata cau mala kpa malea, yia amǝ Isǝrayila ka. Ɓǝ̀ nda anggo ka, ɗenyi nǝ ulang gulo mala atsǝkbu mǝnana à nǝ̀ yiu amur ɓanza, ace nyare malea, yia amǝ Isǝrayila kat aban Ɓakuli ka!
13Mǝ nda rǝ na wun cau ado, wun aɓwana mǝnana amǝ Yahudi na raka. Acemǝnana mǝ nda mǝ'mishan mana à tasǝam aban wun ngga, ǝn nggǝ gusǝlǝ ce turo mem. 14Aɓa mǝno anggo ka, ǝn nggǝ earce nǝma, ɓǝ̀ nǝ̀ gandǝ pa ka, mǝ nǝ tsǝk amǝ Isǝrayila, aɓwana mem aɓa nggūrǝu, ɓǝa dum nǝ mɓali mala kum gir mana wu ndanǝi ka, acemǝnana ɓǝ̀ ǝn amsǝ aɓwana aɓalǝia. 15Ɓǝ̀ ginǝban mǝnana Ɓakuli ginǝia ka yiu nǝ amsǝban aban acilia aɓwana a ɓanza ka, lang sǝ ea nǝ̀ pa? Nǝ̀ duk pa yilǝmu aban aɓwana mǝnana à wuna ka!
16Ibǝrayim andǝ acilia akáu mana a pwaryan ngga Ɓakuli tària à duk amale. Anggo gbal sǝ amǝkea nǝ̀ pa, à nǝ̀ duk a mala Ɓakuli. Kǝla mǝnana ɓǝ̀ dyar bǝredi andǝa kǝringyi ka mǝfele na ka, ɓwanne gbal ka nǝ̀ do mǝfele na. Sǝ ɓǝ̀ anlerǝ nggun ngga amǝfele na ka, nggearǝ abuí gbal ka amǝfele na.
17Ɓakuli ginǝkina pas ata amǝ Yahudi kǝla mǝnana à kǝ kpalǝki abu nggun ngga. Sǝ wun aɓwana mǝnana amǝ Yahudi na raka, wun mǝnana Ɓakuli angŋǝna wun ngga, wu nda kǝla abu-nggun muru-bondo mǝnana à zwaɓia arǝ nggun-ɓala ka. Wu angŋa ban came mala aɓea bu-nggun mǝnana à kpalǝkia arǝ nggun-muru-ɓala ka. Ace mani ka, wu ongŋǝna banɓoarna tsǝkbu mala Ɓakuli mǝnana pa ace Ibǝrayim andǝ amǝkè ka. 18Ace mani ka, wu kǝa nggori ace zwaɓi mǝnana à zwaɓi wun, wu akban came mala abu-nggun mǝnana à kpalǝkia ka ɗang. Wu nda mǝnana wu bwalkiyi nlerǝ nggun ngga ɗang, nlerǝ nggun nǝ̀ bwalkiyi wun.
19Sǝ wun ngga, wu nǝ̀ na ama, “E, abu-nggun ngga à kpalǝkia ace mǝnana ɓǝa zwaɓiam a rǝì ka.” 20E, mǝnia ka mǝsǝcau na, à kpalǝki abu nggun mǝno ace ɗwanyi paɓamuru malea nǝ mǝsǝcau aban Kǝrǝsti. Sǝ pǝlǝa à zwaɓi wun acemǝnana wu pa ɓamur wun ngga. Sǝ paɓamuru ma'wun ɓǝ̀ kǝa tsǝk wun, wu dum nǝ twalɓamuru ɗang, wu dum nǝ ɓanggi Ɓakuli. 21Sǝ ɓǝ̀ Ɓakuli ka kpalǝki abu nggun mǝnana a lo andǝ nggun ngga, sǝ nǝ wun mǝnana à zwaɓi wun nǝ zwaɓio ka le?
22Wu sǝn pemǝɓoarne andǝ ɓinǝce mǝɓane mala Ɓakuli. Ɓashi male na hakǝrak arǝ aɓwana mǝnana à pak mǝɓane ka, sǝ wun ngga kǝ pakka wun mǝɓoarne, ɓǝ̀ wu lidǝmbǝa aɓa pemǝɓoarne male ka. Ɓǝ̀ ana raka, wun gbal ka nǝ̀ kpali wun. 23Sǝ ɓǝa amǝ Isǝrayila nǝ̀ ɗeki mgbikiru malea, à nǝ̀ paɓamuria ka, à nǝ̀ nyare à nǝ̀ zwaɓia ɗǝm, acemǝnana Ɓakuli na nǝ rǝcandǝa nǝ̀ nyesǝia, nǝ̀ lanzǝia arǝ nggun mǝnana à kasǝia a rǝì ka. 24A masǝlǝate ka, wun aɓwana mǝnana amǝ Isǝrayila na raka, wu nda kǝla abu-nggun muru-bondo mǝnana à kasǝia, à yì zwaɓia arǝ nggun muru-ɓala, mǝnana ɓoaro ɓǝa pe anggo raka. Sǝ amǝ Isǝrayila ka, à nda kǝla nggun-muru-ɓala; sǝ pà nǝ̀ kwanbi Ɓakuli ɗang, mana nǝ̀ nyesǝia, kǝla abu-nggun mǝnana à kasǝia ka, nǝ̀ cia ɗǝm aban came malea ka.
Ɓwamuru mala Ɓakuli amur aɓwana kat
25Wun amǝ'eamrǝarǝu, Ən nggǝ earce ɓǝ̀ wu surǝ mǝnia yì cau mana nda ɓa sǝmbǝrǝa ɗiɗyal sǝ adyan ngga, Ɓakuli pusǝni a banfana ka, ace mǝnana wu kǝa dum nǝ twalɓamuru raka. Murcanda mǝnia yipi amǝ Isǝrayila ka, nǝ̀ ngga malâ, ɓǝ̀ lakki mala aɓwana mǝnana amǝ Isǝrayila na raka, mǝnana à nǝ̀ kum amsǝban mala Ɓakuli, yi lumsǝna ka. 26Sǝ ɓǝ̀ mǝno yi pangŋǝna anggo ka, amǝ Isǝrayila kat ka à nǝ̀ kum auwa. Kǝla mǝnana Malǝmce na ka:
“Mǝ'amsǝban ngga,
nǝ̀ pur a Urǝshalima;
nǝ̀ pǝlǝ mur amǝ Isǝrayila
ɓǝa puri ɓa ɗwanyi
surǝ Ɓakuli.
27Sǝ mǝnia ka nǝ̀ duk
kurcau mem sǝnǝia ama,
mǝ nǝ twalia wia ban
acauɓikea malea.”#11:27 Ɓalli gbal aɓa: Isha 59:20,21; 27:9; Ir 31:33,34.
28Acemǝnana amǝ Isǝrayila ɓinǝ ce Cau Amsǝban ngga, à dumǝna aɓimǝbura mala Ɓakuli, sǝ mǝno ka, nda ace ɓoaro ma'wun, wun aɓwana mǝnana amǝ Isǝrayila na raka. Sǝ ata cau mala twalban mala Ɓakuli mǝnana tàr akea ɓǝà duk aɓwana male ka, kǝ earcea piu. 29Acemǝnana Ɓakuli ka nggaɗikiyi ma ɗenyicau male arǝ aɓoro male aban aɓwana, mana nǝ̀ ea a rǝia ɗǝm ngga ɗang, sǝ aɓwana mana tunǝia sǝ tària ka, pà nǝ̀ ginǝkia ɗang. 30Ɗiɗyal ka, wun aɓwana mǝnana amǝ Isǝrayila na raka, wu ndaka amǝ mgbikiru aban Ɓakuli; sǝ adyan ngga wu kumǝna ɓwamuru, acemǝnana amǝ Isǝrayila lǝmndǝì Ɓakuli mgbikiru ka. 31Aɓa njar mǝ'mwashati gbal ka, yia amǝ Isǝrayila a dyan ngga à nda ɓa mgbiki Ɓakuli kiru, ace mǝnana kǝla mǝnana à lǝmndǝa wun ɓwamuru ka, yia gbal ka, à nǝ̀ kum ɓwamuru. 32Ɓakuli ka, tsǝk aɓwana kat aɓata kùrban mala mgbikiru, acemǝnana nǝ̀ lǝmndǝ ɓwamuru male aban koyana le ka.
Ɓwangsǝban aban Ɓakuli
33E, gulo mala kume mala
Ɓakuli, andǝ sǝlǝe,
andǝ surǝe male ka,
kàné pà kàm ɗang!
Yana nǝ̀ gandǝ mǝnggi ɓalǝ
anê male!
Yana ɓwe nǝ̀ gandǝ surǝ
anjar male!
34“Yana surǝ ɓabum
Mǝtalabangŋo?
Yana ɓwe nǝ̀ gandǝ
pe wi kwarkiru?”#11:34 Ɓalli gbal aɓa: Isha 40:13.
35“Sǝ yana ɓwe pe
Ɓakuli kǝgir,
mǝnana kǝ earce ɓǝ̀ Ɓakuli
mbwe ka?”#11:35 Ɓalli gbal aɓa: Ayu 41:11.
36Agirbunda kat ka,
à pur nǝ bani,
sǝ nǝ rǝcandǝa male
sǝ agir kat pa,
sǝ à nda ace gulo male.
Gulo kat ka,
ɓǝ̀ duk male
masǝlǝate pà kàm ɗang!
Amin.
Currently Selected:
Amǝ Roma 11: mbu
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016
Amǝ Roma 11
11
Ɓwamuru mala Ɓakuli amur Isǝrayila
1Ən ɗiban ama, nggearǝì ka, Ɓakuli ginǝna aɓwana male lè? Awo, ginǝia ɗang! Nggearǝ mim nǝ ɓamuram ngga, mǝ nda ɓwa Isǝrayila, Mǝkà Ibǝrayim, a tau mala Benjami. 2Awo, ko bǝti, Ɓakuli ginǝ aɓwana male mǝnana tària a tita ɓanza ka ɗang. Ɓalǝ wun kasǝ mbo arǝ ɓua mala Iliya aban Ɓakuli amur amǝ Isǝrayila? Na ama, 3“Mǝtalabangŋo, à walna lú ka amǝ'ɓangna mo, sǝ à arkina abanperi mo; kǝ mǝ nda nǝmurǝam ǝn ueo ka, sǝ à ndo à kǝ alta yilǝmem gbal ka.”#11:3 Ɓalli gbal aɓa: 1Amur 19:10,14. 4Sǝ a man sǝ Ɓakuli pǝlǝ wi ɗe? Ne wi ama, “Mǝ ndanǝ aɓwana á-tongno-nong-ɓari (7,000) mǝnana à ɓumbi Ba'al#11:4 Ba'al: Mǝnia ka nda “ɓakuli mǝ'nyirì.” raka.”#11:4 Ɓalli gbal aɓa: 1Amur 19:18. 5Kǝ nda anggo yalung, aɓwana na kam kpakyok mǝnana ɓwamuru mala Ɓakuli tària ka. 6Sǝ ɓǝ̀ nda ace ɓwamuru mala Ɓakuli ka, lǝmndǝ ama pà ace aturo-ɓoarna mǝnana aɓwana pak ka ɗang. Ɓǝ̀ ana raka, ɓǝ́ ɓwamuru mala Ɓakuli ka pà nǝ̀ duk ɓwamuru ɓafo ɗang.
7Sǝ ado ka mana sǝm bang le? Ani sǝ ce pa, bangula amǝ Isǝrayila ka, à kum ɓwamuru mala Ɓakuli mǝnana à alkiyite ka ɗang. Aɓwana aɓalǝia mǝnana Ɓakuli tàrria ka, à nda à kum ngga. Acilia ka ɓabumia tǝra, à mgbikiru arǝ tunǝban mala Ɓakuli. 8Kǝla mǝnana Malǝmce na ka,
“Ɓakuli cia a ntulo
mǝdǝmbǝre,
pea wia amǝsǝu mǝnana
à pà nǝ̀ sǝnban ɗang,
andǝ akiru mǝnana
à pà nǝ̀ okban raka,
ba yalung.”#11:8 Ɓalli gbal aɓa: Nggur 29:4; Isha 29:10.
9Nyar ɗǝm ngga Dauda na ama,
“Likiali malea ɓǝ̀
dupia wia gir'swarban
aban ká kpa aɓa gbǝli,
ɓǝ̀ dupia wia tali annda,
sǝ ɓǝà kum mǝɓane
mana kārǝa rǝia ka!
10Pǝndǝa ɓǝ̀ gir amǝsǝia,
ace mǝnana ɓǝa kǝa
sǝnban ɗang,
sǝ ɓǝa ueo aɓata
dǝmbǝrya mala
atanni malea,
málá male pà kàm ɗang.”#11:10 Ɓalli gbal aɓa: Ang 69:22,23.
Aɓwana mǝnana amǝ Isǝrayila na raka à kum amsǝban
11Ən ɗiban ɗǝm nǝma, nggearǝ annda mǝnana amǝ Isǝrayila annda sǝ à kpa ka, à kpana anggo à pà nǝ̀ lo re? Awo, pa anggo ɗang! Ata cau mala cauɓikea malea ka, amsǝban yina aban aɓwana mala acili anzali mana amǝ Isǝrayila na raka, ace mǝnana yia amǝ Isǝrayila ka ɓǝa dum nǝ mɓali arǝ amǝno yia ɓwana ka. 12Pě mǝɓane mala amǝ Isǝrayila, mana à ginǝki amsǝban mana Ɓakuli yinǝia wia nǝi ka, yinǝi ɓanza kume. Sǝ aɓwana arǝ acili anzali gbal ka à kumǝna auwa, ata cau mala kpa malea, yia amǝ Isǝrayila ka. Ɓǝ̀ nda anggo ka, ɗenyi nǝ ulang gulo mala atsǝkbu mǝnana à nǝ̀ yiu amur ɓanza, ace nyare malea, yia amǝ Isǝrayila kat aban Ɓakuli ka!
13Mǝ nda rǝ na wun cau ado, wun aɓwana mǝnana amǝ Yahudi na raka. Acemǝnana mǝ nda mǝ'mishan mana à tasǝam aban wun ngga, ǝn nggǝ gusǝlǝ ce turo mem. 14Aɓa mǝno anggo ka, ǝn nggǝ earce nǝma, ɓǝ̀ nǝ̀ gandǝ pa ka, mǝ nǝ tsǝk amǝ Isǝrayila, aɓwana mem aɓa nggūrǝu, ɓǝa dum nǝ mɓali mala kum gir mana wu ndanǝi ka, acemǝnana ɓǝ̀ ǝn amsǝ aɓwana aɓalǝia. 15Ɓǝ̀ ginǝban mǝnana Ɓakuli ginǝia ka yiu nǝ amsǝban aban acilia aɓwana a ɓanza ka, lang sǝ ea nǝ̀ pa? Nǝ̀ duk pa yilǝmu aban aɓwana mǝnana à wuna ka!
16Ibǝrayim andǝ acilia akáu mana a pwaryan ngga Ɓakuli tària à duk amale. Anggo gbal sǝ amǝkea nǝ̀ pa, à nǝ̀ duk a mala Ɓakuli. Kǝla mǝnana ɓǝ̀ dyar bǝredi andǝa kǝringyi ka mǝfele na ka, ɓwanne gbal ka nǝ̀ do mǝfele na. Sǝ ɓǝ̀ anlerǝ nggun ngga amǝfele na ka, nggearǝ abuí gbal ka amǝfele na.
17Ɓakuli ginǝkina pas ata amǝ Yahudi kǝla mǝnana à kǝ kpalǝki abu nggun ngga. Sǝ wun aɓwana mǝnana amǝ Yahudi na raka, wun mǝnana Ɓakuli angŋǝna wun ngga, wu nda kǝla abu-nggun muru-bondo mǝnana à zwaɓia arǝ nggun-ɓala ka. Wu angŋa ban came mala aɓea bu-nggun mǝnana à kpalǝkia arǝ nggun-muru-ɓala ka. Ace mani ka, wu ongŋǝna banɓoarna tsǝkbu mala Ɓakuli mǝnana pa ace Ibǝrayim andǝ amǝkè ka. 18Ace mani ka, wu kǝa nggori ace zwaɓi mǝnana à zwaɓi wun, wu akban came mala abu-nggun mǝnana à kpalǝkia ka ɗang. Wu nda mǝnana wu bwalkiyi nlerǝ nggun ngga ɗang, nlerǝ nggun nǝ̀ bwalkiyi wun.
19Sǝ wun ngga, wu nǝ̀ na ama, “E, abu-nggun ngga à kpalǝkia ace mǝnana ɓǝa zwaɓiam a rǝì ka.” 20E, mǝnia ka mǝsǝcau na, à kpalǝki abu nggun mǝno ace ɗwanyi paɓamuru malea nǝ mǝsǝcau aban Kǝrǝsti. Sǝ pǝlǝa à zwaɓi wun acemǝnana wu pa ɓamur wun ngga. Sǝ paɓamuru ma'wun ɓǝ̀ kǝa tsǝk wun, wu dum nǝ twalɓamuru ɗang, wu dum nǝ ɓanggi Ɓakuli. 21Sǝ ɓǝ̀ Ɓakuli ka kpalǝki abu nggun mǝnana a lo andǝ nggun ngga, sǝ nǝ wun mǝnana à zwaɓi wun nǝ zwaɓio ka le?
22Wu sǝn pemǝɓoarne andǝ ɓinǝce mǝɓane mala Ɓakuli. Ɓashi male na hakǝrak arǝ aɓwana mǝnana à pak mǝɓane ka, sǝ wun ngga kǝ pakka wun mǝɓoarne, ɓǝ̀ wu lidǝmbǝa aɓa pemǝɓoarne male ka. Ɓǝ̀ ana raka, wun gbal ka nǝ̀ kpali wun. 23Sǝ ɓǝa amǝ Isǝrayila nǝ̀ ɗeki mgbikiru malea, à nǝ̀ paɓamuria ka, à nǝ̀ nyare à nǝ̀ zwaɓia ɗǝm, acemǝnana Ɓakuli na nǝ rǝcandǝa nǝ̀ nyesǝia, nǝ̀ lanzǝia arǝ nggun mǝnana à kasǝia a rǝì ka. 24A masǝlǝate ka, wun aɓwana mǝnana amǝ Isǝrayila na raka, wu nda kǝla abu-nggun muru-bondo mǝnana à kasǝia, à yì zwaɓia arǝ nggun muru-ɓala, mǝnana ɓoaro ɓǝa pe anggo raka. Sǝ amǝ Isǝrayila ka, à nda kǝla nggun-muru-ɓala; sǝ pà nǝ̀ kwanbi Ɓakuli ɗang, mana nǝ̀ nyesǝia, kǝla abu-nggun mǝnana à kasǝia ka, nǝ̀ cia ɗǝm aban came malea ka.
Ɓwamuru mala Ɓakuli amur aɓwana kat
25Wun amǝ'eamrǝarǝu, Ən nggǝ earce ɓǝ̀ wu surǝ mǝnia yì cau mana nda ɓa sǝmbǝrǝa ɗiɗyal sǝ adyan ngga, Ɓakuli pusǝni a banfana ka, ace mǝnana wu kǝa dum nǝ twalɓamuru raka. Murcanda mǝnia yipi amǝ Isǝrayila ka, nǝ̀ ngga malâ, ɓǝ̀ lakki mala aɓwana mǝnana amǝ Isǝrayila na raka, mǝnana à nǝ̀ kum amsǝban mala Ɓakuli, yi lumsǝna ka. 26Sǝ ɓǝ̀ mǝno yi pangŋǝna anggo ka, amǝ Isǝrayila kat ka à nǝ̀ kum auwa. Kǝla mǝnana Malǝmce na ka:
“Mǝ'amsǝban ngga,
nǝ̀ pur a Urǝshalima;
nǝ̀ pǝlǝ mur amǝ Isǝrayila
ɓǝa puri ɓa ɗwanyi
surǝ Ɓakuli.
27Sǝ mǝnia ka nǝ̀ duk
kurcau mem sǝnǝia ama,
mǝ nǝ twalia wia ban
acauɓikea malea.”#11:27 Ɓalli gbal aɓa: Isha 59:20,21; 27:9; Ir 31:33,34.
28Acemǝnana amǝ Isǝrayila ɓinǝ ce Cau Amsǝban ngga, à dumǝna aɓimǝbura mala Ɓakuli, sǝ mǝno ka, nda ace ɓoaro ma'wun, wun aɓwana mǝnana amǝ Isǝrayila na raka. Sǝ ata cau mala twalban mala Ɓakuli mǝnana tàr akea ɓǝà duk aɓwana male ka, kǝ earcea piu. 29Acemǝnana Ɓakuli ka nggaɗikiyi ma ɗenyicau male arǝ aɓoro male aban aɓwana, mana nǝ̀ ea a rǝia ɗǝm ngga ɗang, sǝ aɓwana mana tunǝia sǝ tària ka, pà nǝ̀ ginǝkia ɗang. 30Ɗiɗyal ka, wun aɓwana mǝnana amǝ Isǝrayila na raka, wu ndaka amǝ mgbikiru aban Ɓakuli; sǝ adyan ngga wu kumǝna ɓwamuru, acemǝnana amǝ Isǝrayila lǝmndǝì Ɓakuli mgbikiru ka. 31Aɓa njar mǝ'mwashati gbal ka, yia amǝ Isǝrayila a dyan ngga à nda ɓa mgbiki Ɓakuli kiru, ace mǝnana kǝla mǝnana à lǝmndǝa wun ɓwamuru ka, yia gbal ka, à nǝ̀ kum ɓwamuru. 32Ɓakuli ka, tsǝk aɓwana kat aɓata kùrban mala mgbikiru, acemǝnana nǝ̀ lǝmndǝ ɓwamuru male aban koyana le ka.
Ɓwangsǝban aban Ɓakuli
33E, gulo mala kume mala
Ɓakuli, andǝ sǝlǝe,
andǝ surǝe male ka,
kàné pà kàm ɗang!
Yana nǝ̀ gandǝ mǝnggi ɓalǝ
anê male!
Yana ɓwe nǝ̀ gandǝ surǝ
anjar male!
34“Yana surǝ ɓabum
Mǝtalabangŋo?
Yana ɓwe nǝ̀ gandǝ
pe wi kwarkiru?”#11:34 Ɓalli gbal aɓa: Isha 40:13.
35“Sǝ yana ɓwe pe
Ɓakuli kǝgir,
mǝnana kǝ earce ɓǝ̀ Ɓakuli
mbwe ka?”#11:35 Ɓalli gbal aɓa: Ayu 41:11.
36Agirbunda kat ka,
à pur nǝ bani,
sǝ nǝ rǝcandǝa male
sǝ agir kat pa,
sǝ à nda ace gulo male.
Gulo kat ka,
ɓǝ̀ duk male
masǝlǝate pà kàm ɗang!
Amin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016