Zabbuli 76
76
Ya mukulu w'abayimbi; ey'ebintu eby'engoye. Zabbuli ya Asafu, oluyimba.
1Mu Yuda Katonda amanyibwa:
Erinnya lye kkulu mu Isiraeri.
2 #
Lub 14:18, Zab 9:11; 27:5 Era mu Salemi eweema ye mweri,
N'ekifo kye ky'atuulamu mu Sayuuni.
3 #
Zab 46:9, Ez 39:9 Eyo gye yamenyera obusaale obw'omutego,
Engabo, n'ekitala, n'olutalo. (Seera)
4Oli wa kitiibwa, osinga, okuva ku nsozi ez'omunyago.
5 #
Zab 13:3, Yer 51:39, Nak 3:18 Ab'emitima emizira banyagiddwa, beebase mu tulo twabwe;
So mu bantu ab'amaanyi temuli abalabye emikono gyabwe.
6 #
Kuv 15:1
Ggwe onenyezza, ggwe Katonda wa Yakobo,
Eggaali era n'embalaasi n'ebyebasibwa otulo otw'okufa.
7 #
Yob 41:10, Zab 130:3, Nak 1:6 Ggwe, ggwe ogwanira okutiibwa:
Era ani ayinza okuyimirira mu maaso go ng'omaze okusunguwala?
8 #
2 Byom 20:29,30, Kaab 2:20 Wawuliza omusango nga guvudde mu ggulu;
Ensi n'etya, n'esirika,
9 #
Zab 9:7,8 Katonda bwe yagolokoka okusala omusango,
Okulokola abawombeefu bonna abali mu nsi. (Seera)
10 #
Kuv 9:16
Mazima obusungu bw'abantu bulikutendereza:
Obusungu obulisigalawo olibwesiba.
11 #
Zab 50:14; 68:29; 89:7, Mub 5:4, Is 8:13 Mweyame obweyamo, musasule Mukama Katonda wammwe:
Bonna abamwetoolodde baleetere ebirabo oyo agwanira okutiibwa.
12 #
Zab 47:2
Alizikiriza omwoyo gw'abalangira:
Ye w'entiisa eri bakabaka b'ensi.
Currently Selected:
Zabbuli 76: LUG68
Highlight
Copy
Compare
Share
Want to have your highlights saved across all your devices? Sign up or sign in
Luganda Bible 1968 Edition © United Bible Societies 1968, and British and Foreign Bible Society, London, England, 1954, 1967, 1972, 1994 and The Bible Society of Uganda, 2013.
