Mathayo 5
DHO15

Mathayo 5

5
Yesu opuonjo ewi got
1Kane Yesu oneno ji ka ng’eny kamano, ne odhi ewi got, mobet piny kuno. Jopuonjrene ne odhi ire, 2mi ochako puonjogi.
Mor maradier
(Luka 6.20-23)
Nowacho niya:
3“Joma ong’eyo ni ok long’o e nyim Nyasaye gin johawi, nikech gueth mar Loch Polo en margi.
4 # Isa 61.2. “Joma okuyo gin johawi, nikech nohogi.
5 # Zab 37.11. “Joma muol gin johawi, nikech piny nobed margi.
6 # Isa 55.1, 2. “Joma kech gi riyo mar dwaro tim makare oloyo gin johawi, nikech giniyud gima gidwaro.
7“Joma ng’won gin johawi, nikech nong’wonnigi.
8 # Zab 24.3, 4. “Joma onge gi richo e chunygi gin johawi, nikech ginine Nyasaye.
9“Jothek gin johawi, nikech noluonggi ni nyithind Nyasaye.
10 # 1 Pet 3.14. “Joma isando nikech tim ma kare gin johawi, nikech gueth mar loch polo en margi.
11 # 1 Pet 4.14. “Un johawi ka ji yanyou kendo sandou, kawacho weche maricho duto mag miriambo kuomu, nikech an. 12#2 W.Nda 36.16; Joote 7.52.Ka gik makamago otimorenu, to beduru mamor ahinya, nikech pok maduong’ okannu e polo, nimar kamano bende e kaka ne gisando jonabi mane okwongonu.
Ngech kado gi ngech ler
(Mariko 9.50; Luka 14.34-35)
13 # Mar 9.50; Luka 14.34, 35. “Un e kat piny, to ka ndhath kado orumo, dochak oyud ndhadhu nadi? Ooyo! Koro oonge gi tich, omiyo ipuke mana oko, kendo ji nyone anyona.
14 # Joh 8.12; 9.5. “Bende un e ler mar piny. Dala moger ewi got ok nyal geng’ore. 15#Mar 4.21; Luka 8.16; 11.33.Onge ng’ama nyalo moko taya, to umo gi atonga. To okete mana ewi rachungi taya, mondo orieny ni ji duto manie ot. 16#1 Pet 2.12.Kamano un bende, ler maru nyaka rieny e nyim ji, mondo gine timbeu mabeyo, mi gimi Wuonu mae polo duong’.
Yesu opuonjo tiend wach chik Musa
17“Kik upar ni asebiro ni mondo aketh Chik Musa kata ni mondo aketh weche jonabi, to asebiro mana ni mondo achopgi. 18#Luka 16.17.Adier awachonu ni, kapok polo gi piny orumo, to kata mana nukta achiel mar Chik kata dire achiel matin, ok nolal, nyaka chop gik moko duto timre. 19Emomiyo, ng’at moketho kata mana chik achiel matinie moloyo kuom chikegi, kendo opuonjo ji mondo otim kamano, to nokwan ka ng’ama tinie moloyo e Loch Polo. To ng’at morito chikego, kendo opuonjo ji mamoko bende mondo otim kamano, ema nobed maduong’ e Loch Polo. 20Awachonu ni, ka ok timbeu beyo moloyo timbe jo-Farisai gi timbe jopuonj Chik, to ok unyal donjo e Piny Ruodh Polo kata matin!
Yesu opuonjo kuom wach mirima
21 # Wuok 20.13; T.Chik 5.17. “Usewinjo ni ne owachi ni kwerewa ni, ‘Kik ineki, to ng’at moneko nyaka ter e bura.’ 22An to awachonu ni ng’at ma okecho gi wadgi noter e bura, kendo ng’at monyanyo wadgi, to noyal e Bura Maduong’, to ng’ato mowacho ni wadgi ni ofuwo, nong’adne buch mach mak tho! 23Omiyo ka idhi chiwo ni Nyasaye mich e kendo-mar-misango, to iparo gi kuno ni wadu moro ni kodi gi wach, 24to nyaka iwe michno e nyim kendo-mar-misango kanyo, mi idhi ir waduno piyopiyo mondo ikwong ilos kindi kode. Eka idwogi, ichiw michno.
25“Ka ng’ato odonjoni, to winjri kode piyo ka pod un e yo udhi e bura, nikech ka ok itimo kamano, to onyalo keti e lwet jang’ad bura, mi jang’ad bura chiwi ni askari, mi teri e jela. 26Adier awachoni ni koserwaki kanyo, to ok diwuogi ngang’ ka pok ichulo faini duto te!
Yesu opuonjo kuom wach terruok
27 # Wuok 20.14; T.Chik 5.18. “Usewinjo ni ne owachi e ndalo machon ni, ‘Kik iterri.’ 28An to awachonu ni, ka ng’ato orango dhako, mi ogombo, to oseterore kode e chunye. 29#Math 18.9; Mar 9.47.Kuom mano, ka wang’i ma korachwich ema teri e richo, to gole oko iwite kucha, nikech ber wito fuoni achiel, moloyo wito dendi duto e mach mak tho. 30#Math 18.8; Mar 9.43.To ka lueti ma korachwich ema miyo itimo richo, to ng’ade oko iwite kucha, nikech ber wito fuoni achiel, moloyo wito dendi duto e mach mak tho.
Yesu opuonjo kuom wach riembo dhako
(Mathayo 19.9; Mariko 10.11-12; Luka 16.18)
31 # T.Chik 24.1-4; Math 19.7; Mar 10.4. “Bende ne owachi niya, ‘Ng’at moriembo chiege, to nyaka mi chiegeno barup weruok.’ 32#Math 19.9; Mar 10.11, 12; Luka 16.18; 1 Kor 7.10, 11.An to awachonu ni, ng’at moriembo chiege nikech wach moro amora ma ok mana wach terruok, miyo chiegeno bedo jaterruok. To bende ng’at mokendo dhako ma chwore oriembo, en bende oterore.
Yesu opuonjo kuom wach kuong’ruok
33 # T.Lawi 19.12; Kwan 30.2; T.Chik 23.21. “Usewinjo bende ni ne owachi ni kwerewa niya, ‘Kik uketh kuong’ruok musetimo, to nyaka utim gima usekuong’oru ni Ruoth ni unutim.’ 34#Jak 5.12; Isa 66.1; Math 23.22.Anto awachonu ni, kusingoru, to kik ukuong’ru ngang’, kata gi nying polo, ni kech polo en kom duong’ mar Nyasaye, 35#Isa 66.1; Zab 48.2.kata kik ukuong’ru gi nying piny, nikech piny en raten tiende, kata kik ukuong’ru gi nying Jerusalem, nikech en e dala mar Ruoth maduong’. 36Kata kik ukuong’ru gi nying wiu, nimar ok unyal loko kata mana yier achiel bed marachar kata marateng’. 37To ka udwaro wacho ni ‘Ee’, to wachuru mana ni ‘Ee’, to ka en ‘Ooyo’, to obed mana ‘Ooyo’, nikech gima okadho kanyo to oa mana kuom Satan.
Yesu opuonjo kuom wach chulo kuor
(Luka 6.29-30)
38 # Wuok 21.24; T.Lawi 24.20; T.Chik 19.21. “Usewinjo ni ne owachi niya, ‘Wang’ kar wang’, kendo lak kar lak’. 39An to awachonu ni kik uchul kuor ni joma otimonu marach. Ka ng’ato othalo lembi ma korachwich, to lokne komachielo bende mondo othal. 40Kata ka ng’ato dwaro donjoni mondo okaw sadi, to miye koda ka kotini bende. 41Kata ka askari moro ochuni ni mondo iting’ne misike mael achiel, to ting’nego moromo mael ariyo. 42Bende ka ng’ato okwayi gimoro, to miye; kata ka ng’ato dwaro holo gimoro kuomi, to kik itamri.
Yesu opuonjo ji ni onego her wasikgi
(Luka 6.27-28, 32-36)
43“Usewinjo ni ne owachi ni, nyaka uher joweteu, to ubed mamon gi wasiku. 44An to awachonu ni nyaka uher wasiku, kendo ulam Nyasaye ni joma sandou, 45mondo ubed nyithind Wuonu mae polo, mamiyo chieng’e wuok ni joma richo kod joma beyo. Kodhe bende omiyo chue ni joma timbegi kare, kendo ni joma timbegi richo. 46Ka uhero mana joma oherou kende, to ere pok ma uparo ni duyudi? Donge kata josol osuru bende timo mana kamano? 47Bende ka oweteu kende ema umoso, to koro ere gima ber muloyogo ji ma maoko? Donge joma kia Nyasaye bende timo mana kamano? 48#T.Lawi 19.2; T.Chik 18.13.Emomiyo nyaka ubed malong’o chuth, mana kaka Wuonu mae polo long’o.

Dholuo DC Bible © Bible Society of Kenya and Bible Society of Tanzania, 1976.


Learn More About MUMA MALER 2015