馬太 1
THV12HDB
1
耶穌基督个家譜
(路加 3:23-38)
1耶穌基督係大衛个後代,大衛亞伯拉罕个後代。
耶穌个家譜係恁樣:
2 亞伯拉罕𫱔以撒以撒𫱔雅各雅各𫱔猶大㧯佢个兄弟。 3猶大塔瑪𫱔法勒斯謝拉法勒斯𫱔希斯崙希斯崙𫱔亞蘭4亞蘭𫱔亞米拿達亞米拿達𫱔拿順拿順𫱔撒門5撒門喇合𫱔波阿斯波阿斯路得𫱔俄備得俄備得𫱔耶西6耶西𫱔大衛王。
大衛烏利亞个𡜵娘𫱔所羅門7所羅門𫱔羅波安羅波安𫱔亞比雅亞比雅𫱔亞撒8亞撒𫱔約沙法約沙法𫱔約何蘭#1:8 約何蘭」:參考列王紀下 8:16 。約何蘭𫱔烏西雅9烏西雅𫱔約坦約坦𫱔亞哈斯亞哈斯𫱔希西家10希西家𫱔瑪拿西瑪拿西𫱔亞們亞們𫱔約西亞11以色列族被人捉去巴比倫个期間,約西亞𫱔約雅斤㧯佢个兄弟。
12被人捉到巴比倫後,約雅斤𫱔撒拉鐵撒拉鐵𫱔所羅巴伯13所羅巴伯𫱔亞比玉亞比玉𫱔以利亞敬以利亞敬𫱔亞所14亞所𫱔撒督撒督𫱔亞金亞金𫱔以律15以律𫱔以利亞撒以利亞撒𫱔馬但馬但𫱔雅各16雅各𫱔約瑟,就係馬利亞个老公。該稱做基督个耶穌係對馬利亞出世个。
17恁樣算起來,對亞伯拉罕大衛一共有十四代,對大衛以色列人被人捉到巴比倫也係十四代,對被人捉个時到基督个出世也係十四代。
耶穌基督个出世
(路加 2:1-7)
18耶穌基督出世个經過係恁樣:佢个阿姆馬利亞已經㧯約瑟定親,總係在結婚以前,馬利亞就對聖靈懷胎。 19姖个未婚夫約瑟做人正直,總係又無愛公開羞辱姖,想愛祕密解除婚約。 20佢當考慮這事个時節,主个天使在夢中對佢顯現,講:「大衛个後代約瑟,毋使驚,做你討馬利亞做𡜵娘,因為姖係對聖靈懷胎个。 21姖會𫱔一個孻仔,你愛將佢个名安到耶穌,因為佢愛拯救自家个子民脫離佢等个罪。」
22這一切事个發生係愛應驗主通過先知所講个話:
23有童貞女會懷胎𫱔孻仔,
佢个名愛喊做以馬內利。
(「以馬內利」个意思就係「上帝㧯𠊎等同在。」)
24 約瑟醒過來,就照主个天使所吩咐个去做,㧯馬利亞結婚; 25總係在姖𫱔孻仔以前,無㧯姖同房。細人仔出世,約瑟就將佢个名安到耶穌。

© The Bible Society in Taiwan, 2012

All rights reserved

© 台灣聖經公會版權所有 2012


Learn More About 客語聖經 – 現代臺灣客語譯本,新舊約全書客語聖經 – 漢字版