RAGU 1
1
1 Ragu adi siabo kana, so Solomon.
Sibungas Ragu
Dayung
2Bibis mu sium aku;
Pinyiawang mu kana dŭ so wain.
3Dagŭn mu buuh ramak;
dŭn mu mbŭh keya ka wangi adi dog susen.
Mating katŭn dayung re dŭh awang kuu.
4Taban aku, ka ata duwŭh bikaduh bu;
jadi raja ku ka taban aku ka birit mu.
Ata re gaŭn udip samah,
kubo nok, ka ata rŭ rŭ darŭm pinyiawang.
Patut inŭh meh sopŭrŭg dayung awang kuu!
5Bara dayung Jerusalem, aku singŭt pak ramus,
singŭt mun bari daya Kedar di tarun tana-pajam,
pak ramus mun tabir di istana Solomon.
6Dŭhnyah ngamun aku amai aku singŭt,
sabab sura inŭh adi bada aku singŭt.
Bara jurud ku baji di aku
ka bada aku nyiraja di teya anggor.
Aku dŭh biyŭn masā re nakit sita ayong ku.
7Kidaan di aku, kuu adi aku awang,
kamaki kuu re taban kaban dāng mu di man kupai?
Diki dudu dāng mu re rŭŭ so sura batŭh andu yun kumbeng?
Re ngga mani aku jiroh kuu
di dupan kaban biri pingingat-biri adi bŭkŭn?
Dari
8Dŭh kah kuu puan tarun anŭ, O dayung adi siabo ramus?
Panu di tunda kaban biri anŭ;
jiroh tarun tana kupai yŭn kambing mu
sindŭk bari bari bara pingingat-biri.
9Kuu, dayung adi aku awang, piripong dari
keya ka dayung kuda piripong dari kuda krita-kuda Pharaoh.
10Ubok mu ramus dog paŭp mu
adi nutu arong tungo mu mun batuh brega.
11Pak kieh re ndai yŭn mu kukong mas
dog ngabuh ngga pirak.
Dayung
12Raja ku guring di panggo-i,
ka wangi ku bada tarun buuh ramak.
13Dari adi aku awang biyŭn dagŭn myrrh
buang-i guring di sudo ku.
14Dari adi aku awang mbŭh keya ka bunga tarun
adi mirarak di teya anggor di Engedi.
Dari
15Mbŭh ruai nang ramus-i kuu, dayung adi aku awang;
batŭh mu nyirinyak ngga pinyiawang!
Dayung
16Mbŭh ruai nang ramus-i kuu, dari adi aku raru siŭt;
Raru munos asŭng ku di kuu!
Uduh barŭm re jadi tarun yŭn ata guring;
17kayuh sedar re jadi parang ramin ta,
ka kayuh sipres jadi dek ramin.
Currently Selected:
RAGU 1: TBVONT
Highlight
Share
Copy
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.