EZEKIEL 9
9
Jerusalem dog Ukum
1Komŭnŭ aku dingah Tapa nyirais nang, “Mandŭg kamati, angān adi re ngukum kupo ati. Taban sinyata ngan.” 2Nŭm naan daya rasu mandŭg so tiban-bās sapa Ramin TUHAN tura ka utara. Ayō ngara ndi naan daya nēn piraka banang linen, taban kayuh ngga nuris. Sopŭrŭg ngara mandŭg ka mijog sindŭk mija-sambah timaga.
3Komŭnŭ jawa bragah Tapa Israel makat so cherubim,#9.3 cherubim: Tingga 1.5-12. so yŭn-i anŭ, ka nyirinyak nuju tiban mŭrŭt Ramin TUHAN. TUHAN bagan daya anŭ adi nēn piraka banang linen, 4#Pin 7.3, 9.4, 14.1 “Panu ka barang yŭn darŭm kupo Jerusalem ka na tandā di arŭ barang naan daya adi susah ka adi bipito sabab sopŭrŭg kayuh sipŭ adi dog ndai darŭm kupo.”
5Ka aku dingah Tapa nang di ngara adi bŭkŭn, “Tunda ayŭh panu darŭm kupo, ka siŭ sopŭrŭg daya. Dŭhnyah masi di asi asi. 6Siŭ daya adi minyamba, adi mara, sindŭ daya, ka anak anak daya. Pak dŭhnyah nyingŭg ngara adi biyŭn tandā di arŭ ngara. Piguru so ti, so Ramin Ku.” Jadi ngara piguru ngga bara pinguru adi mijog diginŭ darŭm Ramin TUHAN.
7Tapa nang di ngara, “Nyembar Ramin TUHAN. Ngisi badag-i ngga tadang tadang daya. Ndai meh anŭ madin!” Jadi ngara piguru siŭ bara daya adi darŭm kupo anŭ.#9.7 Ndai meh anŭ madin!” Jadi ngara...kupo anŭ; puan kah: Ndai meh anŭ madin! Panu meh ka piguru siŭ bara daya adi darŭm kupo anŭ!”
8Sitadŭn ngara siŭ daya, aku agi diginŭ sadi adŭp ku. Aku sidikang ka nyirais, “TUHAN Raja, Kaam mbŭh raru baji kah di Jerusalem ndŭg ka Kaam re siŭ sopŭrŭg daya adi babŭ udip di Israel?”
9Tapa nam, “Daya Israel ngga Judah mbŭh ndai dosa adi raru bās. Ngara inŭh pinyiŭ ka mbŭh ngisi Jerusalem ngga pingandai adi sarah. Ngara nang Aku, adi TUHAN, mbŭh tagan rais ngara ka nang Aku dŭh kiris ngara. 10Pak Aku dŭh re masi di ngara; Aku re ndai di ngara kayuh adi ngara ndai di daya bŭkŭn.”
11Komŭnŭ sianŭ adi nēn piraka banang linen pari ka nggen puan di TUHAN, “Aku mbŭh ndai nanyam ka pinyibada Mai.”
Currently Selected:
EZEKIEL 9: TBVONT
Highlight
Copy
Compare
Share
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.
