Ephesianee 5
5
CAB. V
1Bee‐jee shiuish er‐y‐fa shen eiyrtyssee dy Yee, myr cloan ennoil; 2As immee‐jee ayns graih, myr ta Creest myrgeddin er chur graih dooinyn, as er choyrt eh‐hene er nyn son, chebbal as oural son soar millish da Jee. 3Agh maarderys, as dy chooilley neu‐ghlennid, as saynt, ny lhig daue ve wheesh as enmyssit ny vud eu, myr te cooie da nooghyn: 4Chamoo broïd, ny glare ommijagh, ny craid, nagh vel jesh; agh ayns ynnyd oc shoh coyrt booise. 5Son shoh ta fys eu er, nagh vel ec maarderagh erbee, ny persoon neu‐ghlen, ny ec dooinney sayntoilagh, ta coyrt ammys da jallooyn, eiraght eddyr ayns reeriaght Chreest as Yee. 6Ny lhig da dooinney erbee shiu y volley lesh goan fardalagh: son kyndagh rish ny reddyn shoh ta corree Yee cheet er cloan y vee‐viallys. 7Ny bee‐jee er‐y‐fa shen nyn sheshaghyn mâroo; 8Son va shiu keayrt dy row dorraghys, agh nish ta shiu soilshey ayns y Chiarn: immee‐jee myr cloan y toilshey; 9(Son ta mess y Spyrryd shassoo ayns dy chooilley vieys, as cairys, as firrinys), 10#5.10 Goaill taitnys. Prowal shen ny ta booisal da’n Chiarn. 11As ny lhig da sheshaght er bee ’ve eu rish obbraghyn neu‐vessoil y dorraghys, agh ny sleaie cur oghsan daue: 12Son te nearey wheesh as dy enmys ny reddyn shen ta jeant lioroo dy follit. 13Agh dy chooilley nhee rish ta foill er ny gheddyn, te er ny hoilshaghey liorish y soilshey; son shen ny ta coyrt lesh gys soilshey, she soilshey eh. 14Shen‐y‐fa t’eh gra, Dooisht, uss ta dty chadley, as irree veih ny merriu, as ver Creest soilshey diu. 15Jeeagh‐jee eisht dy jean shiu gimmeeaght dy tastagh, cha nee myr ommydanyn, agh myr sleih creeney. 16Jannoo ymmyd mie jeh’n traa, er‐yn‐oyr dy vel laghyn seaghnagh ayn. 17Shen‐y‐fa ny bee‐jee neu‐hastagh, agh toig‐jee cre ta aigney yn Chiarn. 18As ny bee‐jee er meshtey lesh feeyn, ayn ta neu‐heeltys; agh bee‐jee er nyn lhieeney lesh y Spyrryd; 19Loayrt riu hene ayns psalmyn as arraneyn‐moyllee, as arraneyn spyrrydoil; jannoo bingys as kiaull ayns nyn gree gys y Chiarn; 20Coyrt booise dy kinjagh son dy chooilley nhee da Jee dy jarroo yn Ayr, ayns ennym nyn Jiarn Yeesey Creest; 21Ginjillaghey shiu hene yn derrey yeh gys y jeh elley ayns aggle Yee. 22Shiuish vraane‐poost, jean‐jee shiu hene y injallaghey gys ny deiney‐poost eu, myr gys y Chiarn. 23Son y dooinney kione y ven, dy jarroo myr ta Creest kione yn agglish; as eshyn fendeilagh y chorp. 24Shen‐y‐fa myr ta’n agglish er ny hoiaghey fo Creest, myr shen lhig da ny mraane‐poost ve er ny injillaghey gys ny deiney‐poost oc ayns dy chooilley nhee. 25Gheiney‐poost, cur‐jee graih da ny mraane eu, dy jarroo myr hug Creest myrgeddin graih da’n agglish, as hug eh hene er e son: 26Dy voddagh eh ee y chasherickey as y ghlenney lesh niee dy ushtey, liorish y goo. 27Dy voddagh eh ee y hoiaghey magh da hene ny agglish ghloyroil, fegooish spot ny cron, ny veg y lheid; agh dy voddagh ee ’ve casherick, as fegooish lhea mys erbee. 28Myr shen lhisagh deiney graih y choyrt da ny mraane oc myr da ny kirp oc hene: eshyn shynney lesh e ven, shynney lesh eh hene. 29Son cha ren rieau dooinney foast dwoaie ’choyrt da’n eill echey hene; agh t’eh dy veaghey as jannoo mooar jeh, dy jarroo myr ta’n Chiarn jeh’n agglish: 30Son ta shin oltyn jeh e chorp, jeh’n eill, as jeh ny craueyn echey. 31Er yn oyr shoh faagee dooinney e ayr as e voir, as bee eh er ny sniemmey gys e ven, as bee ad ny‐neesht un eill. 32Ta shoh folliaght mooar: agh ta mish loayrt mychione Creest as yn agglish. 33Ny‐yeih, lhig da dagh unnane euish er‐lheh myr shen graih y choyrt da e ven dy jarroo myr da hene; as jeeagh dy der y ven arrym da e sheshey.
Currently Selected:
Ephesianee 5: CON1810
Highlight
Copy
Compare
Share
Want to have your highlights saved across all your devices? Sign up or sign in
© British and Foreign Bible Society 1810, 2019
Ephesianee 5
5
CAB. V
1Bee‐jee shiuish er‐y‐fa shen eiyrtyssee dy Yee, myr cloan ennoil; 2As immee‐jee ayns graih, myr ta Creest myrgeddin er chur graih dooinyn, as er choyrt eh‐hene er nyn son, chebbal as oural son soar millish da Jee. 3Agh maarderys, as dy chooilley neu‐ghlennid, as saynt, ny lhig daue ve wheesh as enmyssit ny vud eu, myr te cooie da nooghyn: 4Chamoo broïd, ny glare ommijagh, ny craid, nagh vel jesh; agh ayns ynnyd oc shoh coyrt booise. 5Son shoh ta fys eu er, nagh vel ec maarderagh erbee, ny persoon neu‐ghlen, ny ec dooinney sayntoilagh, ta coyrt ammys da jallooyn, eiraght eddyr ayns reeriaght Chreest as Yee. 6Ny lhig da dooinney erbee shiu y volley lesh goan fardalagh: son kyndagh rish ny reddyn shoh ta corree Yee cheet er cloan y vee‐viallys. 7Ny bee‐jee er‐y‐fa shen nyn sheshaghyn mâroo; 8Son va shiu keayrt dy row dorraghys, agh nish ta shiu soilshey ayns y Chiarn: immee‐jee myr cloan y toilshey; 9(Son ta mess y Spyrryd shassoo ayns dy chooilley vieys, as cairys, as firrinys), 10#5.10 Goaill taitnys. Prowal shen ny ta booisal da’n Chiarn. 11As ny lhig da sheshaght er bee ’ve eu rish obbraghyn neu‐vessoil y dorraghys, agh ny sleaie cur oghsan daue: 12Son te nearey wheesh as dy enmys ny reddyn shen ta jeant lioroo dy follit. 13Agh dy chooilley nhee rish ta foill er ny gheddyn, te er ny hoilshaghey liorish y soilshey; son shen ny ta coyrt lesh gys soilshey, she soilshey eh. 14Shen‐y‐fa t’eh gra, Dooisht, uss ta dty chadley, as irree veih ny merriu, as ver Creest soilshey diu. 15Jeeagh‐jee eisht dy jean shiu gimmeeaght dy tastagh, cha nee myr ommydanyn, agh myr sleih creeney. 16Jannoo ymmyd mie jeh’n traa, er‐yn‐oyr dy vel laghyn seaghnagh ayn. 17Shen‐y‐fa ny bee‐jee neu‐hastagh, agh toig‐jee cre ta aigney yn Chiarn. 18As ny bee‐jee er meshtey lesh feeyn, ayn ta neu‐heeltys; agh bee‐jee er nyn lhieeney lesh y Spyrryd; 19Loayrt riu hene ayns psalmyn as arraneyn‐moyllee, as arraneyn spyrrydoil; jannoo bingys as kiaull ayns nyn gree gys y Chiarn; 20Coyrt booise dy kinjagh son dy chooilley nhee da Jee dy jarroo yn Ayr, ayns ennym nyn Jiarn Yeesey Creest; 21Ginjillaghey shiu hene yn derrey yeh gys y jeh elley ayns aggle Yee. 22Shiuish vraane‐poost, jean‐jee shiu hene y injallaghey gys ny deiney‐poost eu, myr gys y Chiarn. 23Son y dooinney kione y ven, dy jarroo myr ta Creest kione yn agglish; as eshyn fendeilagh y chorp. 24Shen‐y‐fa myr ta’n agglish er ny hoiaghey fo Creest, myr shen lhig da ny mraane‐poost ve er ny injillaghey gys ny deiney‐poost oc ayns dy chooilley nhee. 25Gheiney‐poost, cur‐jee graih da ny mraane eu, dy jarroo myr hug Creest myrgeddin graih da’n agglish, as hug eh hene er e son: 26Dy voddagh eh ee y chasherickey as y ghlenney lesh niee dy ushtey, liorish y goo. 27Dy voddagh eh ee y hoiaghey magh da hene ny agglish ghloyroil, fegooish spot ny cron, ny veg y lheid; agh dy voddagh ee ’ve casherick, as fegooish lhea mys erbee. 28Myr shen lhisagh deiney graih y choyrt da ny mraane oc myr da ny kirp oc hene: eshyn shynney lesh e ven, shynney lesh eh hene. 29Son cha ren rieau dooinney foast dwoaie ’choyrt da’n eill echey hene; agh t’eh dy veaghey as jannoo mooar jeh, dy jarroo myr ta’n Chiarn jeh’n agglish: 30Son ta shin oltyn jeh e chorp, jeh’n eill, as jeh ny craueyn echey. 31Er yn oyr shoh faagee dooinney e ayr as e voir, as bee eh er ny sniemmey gys e ven, as bee ad ny‐neesht un eill. 32Ta shoh folliaght mooar: agh ta mish loayrt mychione Creest as yn agglish. 33Ny‐yeih, lhig da dagh unnane euish er‐lheh myr shen graih y choyrt da e ven dy jarroo myr da hene; as jeeagh dy der y ven arrym da e sheshey.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© British and Foreign Bible Society 1810, 2019