Galəshi 3
3
Muyiisi nyə́ né ǹdə́ Yi-ni-zhú mú də̀ rə̀dù yé
1Galəshi lyì, bə surhə zhe cìnə́, wɔ́ mɔ̌ lò ń pyìrhí á surhə né èta mɔ́? E jà bə byili bə̀ gə́ pəpa Yezu Kristə də̀-jɔrhɔ́ w yó né mó pamparɛ̃ɛ̃ á gakó yé né á yírhə́ na. 2À nʼâ yâl a bwə̀rh ába zɔ̀mɛ̀ rə̀dù sásá sʼá lyár nɛ: wɔ́ Muyiisi nyə́ né zõ mó è ce Eshirhə náàcɛ̀nɛ́ só á yó wə, ráá yò-ècɔ̀nɔ̀ nyí rí á nyɛ̀ɛ̀ á zɛ̃̀ á zwẽ de mó è ce? 3Surhə mwìrì ába nà? Á ji kùr ǹdə́ Eshirhə náàcɛ̀nɛ́ jàn, èlâsɛ̃´ á zɛ̃̀ á nʼá yâl á báásɛ ǹdʼá sə̀pwà jàn? 4Kɔn dɛ́ tɛ̀bɛ́ Yi tó á dɛnnɛ rə wɛ̀rhɛ́ mɔ́ gakó bʼa yə̀ nánfò? Rə̀ wàr rə̀ bʼa yə̀ nánfò yé. 5Yi gə́ nʼê ce rə̀ Eshirhə y swé á yó wə, rə jʼà nʼê wɛ̀rhɛ́ màmyaarhɛ nánzhəzhɔ̌ á sõ mó, wɔ́ byè yilə? Wɔ́ Muyiisi nyə́ né zõ mó è ce, ráá yò-ècɔ̀nɔ̀ nyí rí á nyɛ̀ɛ̀ á zɛ̃̀ á zwẽ de mó è ce?
6Abəraham myɛ yàl èta. Bə̀ zɔ̀m ń yò Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Ń zɔ Yi zhə̀nà. Rə zɛ̃̀ rə nyǐ mu ǹdə ń bə dóó zhe ta, ń gə́ zhí ri mú yilə.” 7Lwarna bə̀ wɔ́ byɛ̀bɛ́ bə̀ zhí Yi ni mú bə̀ wɔ́ Abəraham nɛ̀mɛ́. 8Bə̀ dámâ bə byili Yi zɔ̀mɛ̀ rɛ́ sɛ́bɛ́ rɛ́ wẽ́ bə̀ byɛ̀bɛ́ bə̀ də̀ Zhwifubá mó gə zù Yi, rə̀ bʼa ce bə̀ kʼê tʼâ la dwə́ə́re zal yé. Wɔ́ rə̀myɛ́ è ce, rə̀ dámâ rə byili yò-ècɔ̀nɔ̀ nyí rí Abəraham nɛ. Rə̀ wò mò: “À bʼa tó ǹmyɛ́ dɛnnɛ a cĩ́ bwəl lũ w lyì bí gakó yó.” 9Abəraham gə́ yà ń zhí Yi ni mú ce rə̀ cĩ́ bwəl ń yó. Èta, lò mɔ̀bɔ́ gakó ǹmyɛ zhí ri ǹdə Abəraham ta, rə̀ bʼa cĩ́ bwəl ǹ yó ǹdə rə̀ gə́ cĩ́ bwəl Abəraham yó né.
10Sə lò mɔ̀bɔ́ gakó ń nə́ ń bùl bə̀ Muyiisi nyə́ né zõ mó bʼa ce n nə vwârh, rə̀-ná-cí yò zhìlì. Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Lò mɔ̀bɔ́ ǹ tá ǹ wɛ̀rhɛ́ ǹdə bə̀ gə́ byili nyə́ né sɛ́bɛ́ rɛ́ wẽ́ né dɛ̃ gakó, ǹ yò bʼa zhìlì.” 11Bə̀ byili pamparɛ̃ɛ̃ bə̀ Muyiisi nyə́ né zõ mó wàr è bʼa ce lò cẽ dóó zal yé. Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Lò mɔ̀bɔ́ ǹ zhí Yi ni, rə̀ bʼa ce ǹ kə́ ǹ tá ǹ la dóó zal yé. Ǹ bʼâ nə nyǔ.” 12Muyiisi nyə́ né zõ mó ǹdə́ Yi-ni-zhú mú də̀ rə̀dù yé. Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Lò mɔ̀bɔ́ ǹ wɛ̀rhɛ́ kɔn dɛ̀bɛ́ gakó nyə́ né byili mú, ǹ bʼâ zə nyǔ nyə́ né jàn yilə.”
13Kristə lwə̂r nə́ba nyə́ né nə̀ yʼà lyẽ nə́ba mó wẽ́. Ń zwẽ dɛ̀bɛ́ rə̀ yʼà zhìlì nə́ yò mó n cĩ́ ń cìcì yó wə. Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Lò mɔ̀bɔ́ ń tɔ̌r nyíní cǒ yó, ń yò zhìlì.” 14Kɔn yàl èta mùnì ga byɛ̀bɛ́ bə̀ də̀ Zhwifubá mó nə bwəl lé Yi yʼà bwəl rə̀ nyí Abəraham nɛ mɔ́ Yezu Kristə jàn yilə. Nə́ gə zhí Yi ni, nə́ bʼâ nə kɔn dɛ́ tɛ̀bɛ́ Yi yʼà bwəl rə̀ nyí mú. Kɔn dɛ́ rə̀myɛ́ mɔ́ wɔ́ Eshirhə náàcɛ̀nɛ́.
Muyiisi nyə́ né wàr nə̀ bʼa cɔ̀ Yi nyì-bwelé y yé
15Da-byâ, à bʼa zə kɔn rə̀dù rə̀ ŋwɛ́nɛ́ nə́myɛ̌ numbyínə́ bé cìcì tùntwə̃̀ə̃̀ né wẽ́ a bʼa myɛrhɛ: lwarna bə̀ lò gə bwəl nyí ǹdə nyə́ né gə́ nʼê byili ní, lò dõ wàr ń mà n shí kwã nɛ́ n cɔ̀ rɛ̀, ráá n súlí kɔn dõ né yé. 16Èta myɛ, Yi bwəl nyí bə̀ rə̀ la kɔn Abəraham ǹdə́ ń nɔ̃̌ nɛ pɔ. Wɔ́ Abəraham ǹdə́ ń nɔ̃̌ nɛ Yi bwəl nyí rí. Bə̀ yə̀ kɛ̃ bə̀: “Abəraham ǹdə́ ń nɛ̀mɛ́”, ǹdə wɔ́ lyì nánzhəzhɔ̌ yò bə̀ nʼê zɔ̀m ta yé. Bə̀ kɛ̃ bə̀: “Abəraham ǹdə́ ń nɔ̃̌.” Rə̀myɛ́ nʼê byili bə̀ wɔ́ lò mə̀dù yò bə̀ zɔ̀m. Lwarna bə̀ nɔ̃̌ w òmyɛ́ mɔ́ wɔ́ Kristə. 17Wɔ́ yál à nʼâ yâl a wɔ̀ bə̀ nyǐ Yi yʼà bwəl nyí, rə wɔ̀ bə̀ nyì-bwelé y èmyɛ́ tʼâ la kwârh gaga yé. Rə̀ pɔ rə̀ nyə́ né Muyiisi ni ǹdə́ rə̀ gə́ wɛ̀rhɛ́ rə̀ nyì-bwelé y mó zhe byinə zwã̌-àna ǹdə́ shə́-ètɔ̀. Nyə́ né nə̀myɛ́ wàr nə̀ bʼa cɔ̀ rə̀ nyí rí rə̀ bwəl mó rə jǐrh kɔn nánfò yé. 18È gə wɔ́ nyə́ né dɛnnɛ lò mà n tó né n nə kɔn dɛ́ dɛ̀bɛ́ Yi yʼà byili bə̀ rə̀ la rə̀ lyì bí ni pɔ mɔ́, sə́ nyǐ lò kə́ ń wàr ń mà n nə rɛ nyí rí rə̀ yʼà bwəl mó yil yé. E jʼà wɔ́ nyí rí rə̀ bwəl mó dɛnnɛ rə̀ tó né rə byili rə̀ sónó w Abəraham nɛ.
Wɔ́ bə̀kɔ́n yil Muyiisi nyə́ né ŋwɛ́nɛ́?
19Wɔ́ bə̀kɔ́n yil nyə́ né ŋwɛ́nɛ́? Nə̀myɛ́ wɔ́ súlí nə̀ súlí ní, mùnì ga nə sɛ̃ lyì bí ni bə lwar kɔn dɛ̀bɛ́ ná-dwí yil rə̀ də̀ Yi pùbùlə̀, bə̀ mʼê dɛ̃̀ nɔ̃̌ w Yi bwəl ò nyí Abəraham nɛ mɔ́. È gə wɔ́ Yi nyə́ né yilə, wɔ́ màlɛ́kabá bə̀ tó numbyíní dɛnnɛ bə bə̀ e byili ni lyì bí ni. 20Sə è gə wɔ́ rə̀ nyì-bwelé y yilə, rə̀ yə̀ lò dɛnnɛ tó yé; wɔ́ rə̀ cìcì rə̀ zɔ̀m.
21Rə̀myɛ́ nə zɛ̃̀ è nʼê yâl e byili bə̀ Muyiisi nyə́ né nʼê cə̀r Yi nyì-bwelé yə́? È də̀ èta yé. Nyə́ né bə̀ pɔ mɔ́ gə yʼà wɔ̌ nə̀ nʼê pɛ nyǔ numbyíní ni, lyì bí yʼà wɔ̌ bə̀ mʼa tó nə̀ dɛnnɛ bə cẽ dwə́ə́re zal yé. 22Yi zɔ̀mɛ̀ rɛ́ sɛ́bɛ́ rɛ́ byili bə̀ yə̀-bəlɔ̀lɔ́ cǐ lũ w lyì bí gakó. Wɔ́ rə̀myɛ́ è ce, kɔn dɛ́ dɛ̀bɛ́ Yi bwəl rə̀ nyí mú, rə̀ bʼa pə rɛ byɛ̀bɛ́ bə̀ zù Kristə mó ne, bə̀ gə́ zhí mu mú yilə.
23Shãã ga, wɔ́ Muyiisi nyə́ né nə̀ yʼà nʼê yìlì nə́ba ǹdə byə̀nə́-jì lyì ta, nə́ mʼé dɛ̃̀ Yi-ni-zhú mú cə-kɔ́lɔ́ wá, mùnì ga, cə-kɔ́lɔ́ w òmyɛ́ gə yúwə́, sə Yi byili nə́ba nə́ gə́ bʼâ zhí ri ní. 24Wɔ́ èta nyə́ né yìlì nə́ba né, kɔn bʼe yí Kristə twírí yə́, mùnì ga Yi ce nə́ bə̀kʼá kʼé zə dwə́ə́re, nə́ gə́ zhí ri mú yilə. 25Sə èlâsɛ̃´, Yi-ni-zhú mú cə-kɔ́lɔ́ w gə́ yú mú ce, nə́ kʼé bə yìlnə̀ mó ńmyɛ̌ mɔ́ tum zhe yé.
26Ámyɛ̌ gakó wɔ́ á gə́ zù Yezu Kristə mó è ce, á wɔ́ Yi byâ. 27Ámyɛ̌ byɛ̀bɛ́ gakó á zwẽ nɛ̃̌-shɔ Yezu Kristə wẽ́ mó, wɔ́ zú á zù mù ǹdə kàmə̀-zwǐ ta. 28È kʼê bə zhe bə̀ mɔ̀bɔ́ wɔ́ Zhwifu, mɔ̀bɔ́ də̀ Zhwifu yé; è bə zhe bə̀ mɔ̀bɔ́ wɔ́ yóm, mɔ̀bɔ́ cǐ ń cìn yé; è kʼê bə zhe bə̀ mɔ̀bɔ́ wɔ́ bal, mɔ̀bɔ́ wɔ́ kɛ̃ yé, bʼâ gakó jǐrh kɔn rə̀dù sá Yezu Kristə wẽ́. 29Á gə́ wɔ́ Kristə lyì mú ce, á wɔ́ Abəraham nɛ̀mɛ́, sə á bʼâ nə cəl kɔn dɛ́ dɛ̀bɛ́ Yi bwəl nyí bə̀ rə̀ la Abəraham nɛ pɔ mɔ́ wẽ́.
Currently Selected:
Galəshi 3: lee
Highlight
Copy
Compare
Share
Want to have your highlights saved across all your devices? Sign up or sign in
© 2001, Wycliffe Bible Translators, Inc. All rights reserved.
Galəshi 3
3
Muyiisi nyə́ né ǹdə́ Yi-ni-zhú mú də̀ rə̀dù yé
1Galəshi lyì, bə surhə zhe cìnə́, wɔ́ mɔ̌ lò ń pyìrhí á surhə né èta mɔ́? E jà bə byili bə̀ gə́ pəpa Yezu Kristə də̀-jɔrhɔ́ w yó né mó pamparɛ̃ɛ̃ á gakó yé né á yírhə́ na. 2À nʼâ yâl a bwə̀rh ába zɔ̀mɛ̀ rə̀dù sásá sʼá lyár nɛ: wɔ́ Muyiisi nyə́ né zõ mó è ce Eshirhə náàcɛ̀nɛ́ só á yó wə, ráá yò-ècɔ̀nɔ̀ nyí rí á nyɛ̀ɛ̀ á zɛ̃̀ á zwẽ de mó è ce? 3Surhə mwìrì ába nà? Á ji kùr ǹdə́ Eshirhə náàcɛ̀nɛ́ jàn, èlâsɛ̃´ á zɛ̃̀ á nʼá yâl á báásɛ ǹdʼá sə̀pwà jàn? 4Kɔn dɛ́ tɛ̀bɛ́ Yi tó á dɛnnɛ rə wɛ̀rhɛ́ mɔ́ gakó bʼa yə̀ nánfò? Rə̀ wàr rə̀ bʼa yə̀ nánfò yé. 5Yi gə́ nʼê ce rə̀ Eshirhə y swé á yó wə, rə jʼà nʼê wɛ̀rhɛ́ màmyaarhɛ nánzhəzhɔ̌ á sõ mó, wɔ́ byè yilə? Wɔ́ Muyiisi nyə́ né zõ mó è ce, ráá yò-ècɔ̀nɔ̀ nyí rí á nyɛ̀ɛ̀ á zɛ̃̀ á zwẽ de mó è ce?
6Abəraham myɛ yàl èta. Bə̀ zɔ̀m ń yò Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Ń zɔ Yi zhə̀nà. Rə zɛ̃̀ rə nyǐ mu ǹdə ń bə dóó zhe ta, ń gə́ zhí ri mú yilə.” 7Lwarna bə̀ wɔ́ byɛ̀bɛ́ bə̀ zhí Yi ni mú bə̀ wɔ́ Abəraham nɛ̀mɛ́. 8Bə̀ dámâ bə byili Yi zɔ̀mɛ̀ rɛ́ sɛ́bɛ́ rɛ́ wẽ́ bə̀ byɛ̀bɛ́ bə̀ də̀ Zhwifubá mó gə zù Yi, rə̀ bʼa ce bə̀ kʼê tʼâ la dwə́ə́re zal yé. Wɔ́ rə̀myɛ́ è ce, rə̀ dámâ rə byili yò-ècɔ̀nɔ̀ nyí rí Abəraham nɛ. Rə̀ wò mò: “À bʼa tó ǹmyɛ́ dɛnnɛ a cĩ́ bwəl lũ w lyì bí gakó yó.” 9Abəraham gə́ yà ń zhí Yi ni mú ce rə̀ cĩ́ bwəl ń yó. Èta, lò mɔ̀bɔ́ gakó ǹmyɛ zhí ri ǹdə Abəraham ta, rə̀ bʼa cĩ́ bwəl ǹ yó ǹdə rə̀ gə́ cĩ́ bwəl Abəraham yó né.
10Sə lò mɔ̀bɔ́ gakó ń nə́ ń bùl bə̀ Muyiisi nyə́ né zõ mó bʼa ce n nə vwârh, rə̀-ná-cí yò zhìlì. Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Lò mɔ̀bɔ́ ǹ tá ǹ wɛ̀rhɛ́ ǹdə bə̀ gə́ byili nyə́ né sɛ́bɛ́ rɛ́ wẽ́ né dɛ̃ gakó, ǹ yò bʼa zhìlì.” 11Bə̀ byili pamparɛ̃ɛ̃ bə̀ Muyiisi nyə́ né zõ mó wàr è bʼa ce lò cẽ dóó zal yé. Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Lò mɔ̀bɔ́ ǹ zhí Yi ni, rə̀ bʼa ce ǹ kə́ ǹ tá ǹ la dóó zal yé. Ǹ bʼâ nə nyǔ.” 12Muyiisi nyə́ né zõ mó ǹdə́ Yi-ni-zhú mú də̀ rə̀dù yé. Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Lò mɔ̀bɔ́ ǹ wɛ̀rhɛ́ kɔn dɛ̀bɛ́ gakó nyə́ né byili mú, ǹ bʼâ zə nyǔ nyə́ né jàn yilə.”
13Kristə lwə̂r nə́ba nyə́ né nə̀ yʼà lyẽ nə́ba mó wẽ́. Ń zwẽ dɛ̀bɛ́ rə̀ yʼà zhìlì nə́ yò mó n cĩ́ ń cìcì yó wə. Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Lò mɔ̀bɔ́ ń tɔ̌r nyíní cǒ yó, ń yò zhìlì.” 14Kɔn yàl èta mùnì ga byɛ̀bɛ́ bə̀ də̀ Zhwifubá mó nə bwəl lé Yi yʼà bwəl rə̀ nyí Abəraham nɛ mɔ́ Yezu Kristə jàn yilə. Nə́ gə zhí Yi ni, nə́ bʼâ nə kɔn dɛ́ tɛ̀bɛ́ Yi yʼà bwəl rə̀ nyí mú. Kɔn dɛ́ rə̀myɛ́ mɔ́ wɔ́ Eshirhə náàcɛ̀nɛ́.
Muyiisi nyə́ né wàr nə̀ bʼa cɔ̀ Yi nyì-bwelé y yé
15Da-byâ, à bʼa zə kɔn rə̀dù rə̀ ŋwɛ́nɛ́ nə́myɛ̌ numbyínə́ bé cìcì tùntwə̃̀ə̃̀ né wẽ́ a bʼa myɛrhɛ: lwarna bə̀ lò gə bwəl nyí ǹdə nyə́ né gə́ nʼê byili ní, lò dõ wàr ń mà n shí kwã nɛ́ n cɔ̀ rɛ̀, ráá n súlí kɔn dõ né yé. 16Èta myɛ, Yi bwəl nyí bə̀ rə̀ la kɔn Abəraham ǹdə́ ń nɔ̃̌ nɛ pɔ. Wɔ́ Abəraham ǹdə́ ń nɔ̃̌ nɛ Yi bwəl nyí rí. Bə̀ yə̀ kɛ̃ bə̀: “Abəraham ǹdə́ ń nɛ̀mɛ́”, ǹdə wɔ́ lyì nánzhəzhɔ̌ yò bə̀ nʼê zɔ̀m ta yé. Bə̀ kɛ̃ bə̀: “Abəraham ǹdə́ ń nɔ̃̌.” Rə̀myɛ́ nʼê byili bə̀ wɔ́ lò mə̀dù yò bə̀ zɔ̀m. Lwarna bə̀ nɔ̃̌ w òmyɛ́ mɔ́ wɔ́ Kristə. 17Wɔ́ yál à nʼâ yâl a wɔ̀ bə̀ nyǐ Yi yʼà bwəl nyí, rə wɔ̀ bə̀ nyì-bwelé y èmyɛ́ tʼâ la kwârh gaga yé. Rə̀ pɔ rə̀ nyə́ né Muyiisi ni ǹdə́ rə̀ gə́ wɛ̀rhɛ́ rə̀ nyì-bwelé y mó zhe byinə zwã̌-àna ǹdə́ shə́-ètɔ̀. Nyə́ né nə̀myɛ́ wàr nə̀ bʼa cɔ̀ rə̀ nyí rí rə̀ bwəl mó rə jǐrh kɔn nánfò yé. 18È gə wɔ́ nyə́ né dɛnnɛ lò mà n tó né n nə kɔn dɛ́ dɛ̀bɛ́ Yi yʼà byili bə̀ rə̀ la rə̀ lyì bí ni pɔ mɔ́, sə́ nyǐ lò kə́ ń wàr ń mà n nə rɛ nyí rí rə̀ yʼà bwəl mó yil yé. E jʼà wɔ́ nyí rí rə̀ bwəl mó dɛnnɛ rə̀ tó né rə byili rə̀ sónó w Abəraham nɛ.
Wɔ́ bə̀kɔ́n yil Muyiisi nyə́ né ŋwɛ́nɛ́?
19Wɔ́ bə̀kɔ́n yil nyə́ né ŋwɛ́nɛ́? Nə̀myɛ́ wɔ́ súlí nə̀ súlí ní, mùnì ga nə sɛ̃ lyì bí ni bə lwar kɔn dɛ̀bɛ́ ná-dwí yil rə̀ də̀ Yi pùbùlə̀, bə̀ mʼê dɛ̃̀ nɔ̃̌ w Yi bwəl ò nyí Abəraham nɛ mɔ́. È gə wɔ́ Yi nyə́ né yilə, wɔ́ màlɛ́kabá bə̀ tó numbyíní dɛnnɛ bə bə̀ e byili ni lyì bí ni. 20Sə è gə wɔ́ rə̀ nyì-bwelé y yilə, rə̀ yə̀ lò dɛnnɛ tó yé; wɔ́ rə̀ cìcì rə̀ zɔ̀m.
21Rə̀myɛ́ nə zɛ̃̀ è nʼê yâl e byili bə̀ Muyiisi nyə́ né nʼê cə̀r Yi nyì-bwelé yə́? È də̀ èta yé. Nyə́ né bə̀ pɔ mɔ́ gə yʼà wɔ̌ nə̀ nʼê pɛ nyǔ numbyíní ni, lyì bí yʼà wɔ̌ bə̀ mʼa tó nə̀ dɛnnɛ bə cẽ dwə́ə́re zal yé. 22Yi zɔ̀mɛ̀ rɛ́ sɛ́bɛ́ rɛ́ byili bə̀ yə̀-bəlɔ̀lɔ́ cǐ lũ w lyì bí gakó. Wɔ́ rə̀myɛ́ è ce, kɔn dɛ́ dɛ̀bɛ́ Yi bwəl rə̀ nyí mú, rə̀ bʼa pə rɛ byɛ̀bɛ́ bə̀ zù Kristə mó ne, bə̀ gə́ zhí mu mú yilə.
23Shãã ga, wɔ́ Muyiisi nyə́ né nə̀ yʼà nʼê yìlì nə́ba ǹdə byə̀nə́-jì lyì ta, nə́ mʼé dɛ̃̀ Yi-ni-zhú mú cə-kɔ́lɔ́ wá, mùnì ga, cə-kɔ́lɔ́ w òmyɛ́ gə yúwə́, sə Yi byili nə́ba nə́ gə́ bʼâ zhí ri ní. 24Wɔ́ èta nyə́ né yìlì nə́ba né, kɔn bʼe yí Kristə twírí yə́, mùnì ga Yi ce nə́ bə̀kʼá kʼé zə dwə́ə́re, nə́ gə́ zhí ri mú yilə. 25Sə èlâsɛ̃´, Yi-ni-zhú mú cə-kɔ́lɔ́ w gə́ yú mú ce, nə́ kʼé bə yìlnə̀ mó ńmyɛ̌ mɔ́ tum zhe yé.
26Ámyɛ̌ gakó wɔ́ á gə́ zù Yezu Kristə mó è ce, á wɔ́ Yi byâ. 27Ámyɛ̌ byɛ̀bɛ́ gakó á zwẽ nɛ̃̌-shɔ Yezu Kristə wẽ́ mó, wɔ́ zú á zù mù ǹdə kàmə̀-zwǐ ta. 28È kʼê bə zhe bə̀ mɔ̀bɔ́ wɔ́ Zhwifu, mɔ̀bɔ́ də̀ Zhwifu yé; è bə zhe bə̀ mɔ̀bɔ́ wɔ́ yóm, mɔ̀bɔ́ cǐ ń cìn yé; è kʼê bə zhe bə̀ mɔ̀bɔ́ wɔ́ bal, mɔ̀bɔ́ wɔ́ kɛ̃ yé, bʼâ gakó jǐrh kɔn rə̀dù sá Yezu Kristə wẽ́. 29Á gə́ wɔ́ Kristə lyì mú ce, á wɔ́ Abəraham nɛ̀mɛ́, sə á bʼâ nə cəl kɔn dɛ́ dɛ̀bɛ́ Yi bwəl nyí bə̀ rə̀ la Abəraham nɛ pɔ mɔ́ wẽ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2001, Wycliffe Bible Translators, Inc. All rights reserved.