2 Tɛ̀sàlòníkì ŋa 3
3
Kpɔ́lù ní ɛnɛ-Tɛ̀sàlòníkì ŋa ká wúùre fú àŋa gbo
1Ìnàbí-wa ŋa, báàyí#ɛ́, ɛ̀ŋɛ gbo è wúùre fú wa. Tsí e bere Ɔ̀ɖáyé ní kó tse tsí ikɔ̀-Ɔlá-wa yèé àa wà dzɛ́#ɛ́, kó tó ńǹɖìkíìɖì wérí kpó, tsí ɔ̀nyà ŋa gbo kó gbàá gbɔ́, tsí mú ɖíɖɔ̃̀ fúu kíbí ɛ̀ŋɛ gbo è gbàá tó#ɛ́. 2È náa wúùre fú Ɔ̀ɖáyé ró ní kó gbà wá dzɔ̀ɔ́ nɔ́wɔ́-ɔ̀nyà-àrɔ̀kpà òŋu ɔ̀nyà-íbàɖí ŋa. Iŋɛ́ yèé tse#ɛ́, kò tsi ɔ̀nyà kpó ní náa dzɛ́ ní àŋa kó gba ikɔ̀-Yèésù gbɔ́#ɛ́. 3Ó ɖi, Ɔlá-wa òŋu, àkaralé wà ńǹtá‐ɛ̀, tsí nákó ɖáàmí le ŋɛ́, tsí nákó wà mɔ́wɔ́ bò ŋɛ́, tsí gbà ŋɛ́ nɔ́wɔ́-Ètsù†. 4Gbà ńǹtá-Ɔlá-wa#á, àa nɛ́ àkaralé si ńǹtá-ŋɛ́, tsí àa mà ní iŋɛ́ yèé àa wà fɔ̀ fú ŋɛ́#ɛ́, è wà tseé, tsí è nákó sɛ̃̀ wà ńnɛ̀ si làkóò ró. 5Báàyí#ɛ́, Ɔlá-wa kó fa ìsérè-ŋɛ́ si nɔ́ɔ̀nà-ire, tsí e mà ní Ɔ̀ɖáyé nɛ́ àmúɖɔ̃̀ fú ŋɛ́, tsí e nyáa gbódzú gbo, kíbí Kírísítò gbo gbódzú wáa lɔ#ɛ́.
Kpɔ́lù ní ká máa sɔ́má-olí-Yèésù yèé ŋa wà tsògbóòró wérí#ɛ́
6Ìnàbí-wa ŋa, àa wà wí fú ŋɛ́ nóŋù-ɛ̀tsɛ-Yèésù Kírísítò Ɔlá-wa ní olí-Yèésù kã̀kã̀ yèé wà tsɔ̀gɛ̃#ɛ́, è máa sɔ́má‐ɛ̀. Kò wà tse si ńǹtá-ɛ̀kɔ́ yèé àa tse fú ŋɛ́#ɛ́. 7Ɛ̀ŋɛ ká-ŋɛ́ è mà rere ní ó wà ní e kɛ́ ɔwɔ́-wa nɔ̀. Kíbí àa wà ńɖi-ŋɛ́ si#ɛ́, àa kò tsɔ̀gɛ̃ nɛ́! 8Àa kò kɔ ara-wa dzɔ̀ɔ́ ní ɔ̀nyà-kã̀ kó fú wa ńdzídzɛ nɔ́ɔ̀fɛ́. Kà kàa bɛ́ɛ̀, àa réré, tsí tsitsɛ́ ni. Àa náa wà tsitsɛ́ nóòsã́ gbo, nóoru gbo, àtsùgbée àa kó máa dzɛ́ arù, tsí kpa ɔ̀nyà-kã̀ náàŋírĩ-ŋɛ́. 9Bí àa tsitsɛ́ bɛ́ɛ̀#ɛ́, kò tsi ɔ̀nà kò wà fú wa ní àa kó bèrè ŋɛ́ ní e mɔ́wɔ́ gbè fú wa ni. Ó ɖi, àtsùgbée àa kó ɖíre kíbí ó wà ní e gbé gbà#á fú ŋɛ́ ni.
10Ńǹwèrè yèé àa wà ńɖi-ŋɛ́ gìɖì si#ɛ́, àa yaá fú ŋɛ́ gãgã ní ɛnɛ yèé kò wà wo kó tsitsɛ́#ɛ́, kó máa dzɛŋɛ́ gbo. 11Àa wà wí afɔ̀ yèé ŋa fú ŋɛ́, iŋɛ́ yèé tse#ɛ́, àa gbɔ́ ní ɔ̀nyà kã̀ŋa náàŋírĩ-ŋɛ́ wà tsɔ̀gɛ̃. À kà tsitsɛ́, à náa wà tsògbóòró gé ni. 12Nóŋù-ɛ̀tsɛ-Yèésù Kírísítò Ɔlá-wa#á, àa wà fɔ̀ fú ɛnɛ nyɛ̀ŋɛ̀ ŋa ní ká tsitsɛ́ òŋu inɔ́ tútù, tsí ká rí dzídzɛ dzɛ nɔ́wɔ́-ara tàŋa ká-ŋa.
13Ìnàbí-wa ŋa, ɛ̀ŋɛ òŋu, ore tsítse kó máa ká ŋɛ́.
14Ɛ̀kɔ́ yèé àa tse si ńnɔ́-ìwé yèé#ɛ́, bí ɔ̀nyà-kã̀ kò rɛ̃tígbè‐ɛ̀, tsí ó wà tse òmírɛ̃̀, è módzú tsɔ́ ɛnɛ nyɛ̀ŋɛ̀ rere, tsí e nyàá si níìkã̀, tsí kó tsanɔ́ fúu. 15Ó ɖi, è máa ríi kíbí ɔ̀tɛ̀-ŋɛ́ ní ó dzɛ́#ɛ́. È náa wíìnyɛ̀ si nétí fúu kíbí ìnàbí-ŋɛ́ bɛ́.
Kpɔ́lù wà tu kùsɛ̀ɛ̀ fú ŋa
16Ɔlá-wa, Olí-tútùúrɔ̀ òŋu ká‐ɛ̀ kó fú ŋɛ́ ńtútùúrɔ̀ nágbaɖa ɔ̀kã̀lɔ́ɔ̀kã̀ kpó, ńǹwèrè ɔ̀kã̀lɔ́ɔ̀kã̀ kpó. Ɔlá-wa kó wà náànyì-ɛ̀ŋɛ kpó si.
17Èmi Kpɔ́lù, èmi ká-mi ní wà kɔ ɛ́kɔ-mi#ɛ́, tsí ǹ wà kí ŋɛ́ kpó. Bɛ́ɛ̀ ní mà kɔ ɛ́kɔ-mi si ńǹwé ɔ̀kã̀lɔ́ɔ̀kã̀, àtsùgbée e mà ní èmi ní wà tseé#ɛ́. 18Yèésù Kírísítò Ɔlá-wa kó tse ore-ɔ̀fɛ́ fú ŋɛ́, tsí kó wà náànyì-ɛ̀ŋɛ kpó si.
Currently Selected:
2 Tɛ̀sàlòníkì ŋa 3: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
2 Tɛ̀sàlòníkì ŋa 3
3
Kpɔ́lù ní ɛnɛ-Tɛ̀sàlòníkì ŋa ká wúùre fú àŋa gbo
1Ìnàbí-wa ŋa, báàyí#ɛ́, ɛ̀ŋɛ gbo è wúùre fú wa. Tsí e bere Ɔ̀ɖáyé ní kó tse tsí ikɔ̀-Ɔlá-wa yèé àa wà dzɛ́#ɛ́, kó tó ńǹɖìkíìɖì wérí kpó, tsí ɔ̀nyà ŋa gbo kó gbàá gbɔ́, tsí mú ɖíɖɔ̃̀ fúu kíbí ɛ̀ŋɛ gbo è gbàá tó#ɛ́. 2È náa wúùre fú Ɔ̀ɖáyé ró ní kó gbà wá dzɔ̀ɔ́ nɔ́wɔ́-ɔ̀nyà-àrɔ̀kpà òŋu ɔ̀nyà-íbàɖí ŋa. Iŋɛ́ yèé tse#ɛ́, kò tsi ɔ̀nyà kpó ní náa dzɛ́ ní àŋa kó gba ikɔ̀-Yèésù gbɔ́#ɛ́. 3Ó ɖi, Ɔlá-wa òŋu, àkaralé wà ńǹtá‐ɛ̀, tsí nákó ɖáàmí le ŋɛ́, tsí nákó wà mɔ́wɔ́ bò ŋɛ́, tsí gbà ŋɛ́ nɔ́wɔ́-Ètsù†. 4Gbà ńǹtá-Ɔlá-wa#á, àa nɛ́ àkaralé si ńǹtá-ŋɛ́, tsí àa mà ní iŋɛ́ yèé àa wà fɔ̀ fú ŋɛ́#ɛ́, è wà tseé, tsí è nákó sɛ̃̀ wà ńnɛ̀ si làkóò ró. 5Báàyí#ɛ́, Ɔlá-wa kó fa ìsérè-ŋɛ́ si nɔ́ɔ̀nà-ire, tsí e mà ní Ɔ̀ɖáyé nɛ́ àmúɖɔ̃̀ fú ŋɛ́, tsí e nyáa gbódzú gbo, kíbí Kírísítò gbo gbódzú wáa lɔ#ɛ́.
Kpɔ́lù ní ká máa sɔ́má-olí-Yèésù yèé ŋa wà tsògbóòró wérí#ɛ́
6Ìnàbí-wa ŋa, àa wà wí fú ŋɛ́ nóŋù-ɛ̀tsɛ-Yèésù Kírísítò Ɔlá-wa ní olí-Yèésù kã̀kã̀ yèé wà tsɔ̀gɛ̃#ɛ́, è máa sɔ́má‐ɛ̀. Kò wà tse si ńǹtá-ɛ̀kɔ́ yèé àa tse fú ŋɛ́#ɛ́. 7Ɛ̀ŋɛ ká-ŋɛ́ è mà rere ní ó wà ní e kɛ́ ɔwɔ́-wa nɔ̀. Kíbí àa wà ńɖi-ŋɛ́ si#ɛ́, àa kò tsɔ̀gɛ̃ nɛ́! 8Àa kò kɔ ara-wa dzɔ̀ɔ́ ní ɔ̀nyà-kã̀ kó fú wa ńdzídzɛ nɔ́ɔ̀fɛ́. Kà kàa bɛ́ɛ̀, àa réré, tsí tsitsɛ́ ni. Àa náa wà tsitsɛ́ nóòsã́ gbo, nóoru gbo, àtsùgbée àa kó máa dzɛ́ arù, tsí kpa ɔ̀nyà-kã̀ náàŋírĩ-ŋɛ́. 9Bí àa tsitsɛ́ bɛ́ɛ̀#ɛ́, kò tsi ɔ̀nà kò wà fú wa ní àa kó bèrè ŋɛ́ ní e mɔ́wɔ́ gbè fú wa ni. Ó ɖi, àtsùgbée àa kó ɖíre kíbí ó wà ní e gbé gbà#á fú ŋɛ́ ni.
10Ńǹwèrè yèé àa wà ńɖi-ŋɛ́ gìɖì si#ɛ́, àa yaá fú ŋɛ́ gãgã ní ɛnɛ yèé kò wà wo kó tsitsɛ́#ɛ́, kó máa dzɛŋɛ́ gbo. 11Àa wà wí afɔ̀ yèé ŋa fú ŋɛ́, iŋɛ́ yèé tse#ɛ́, àa gbɔ́ ní ɔ̀nyà kã̀ŋa náàŋírĩ-ŋɛ́ wà tsɔ̀gɛ̃. À kà tsitsɛ́, à náa wà tsògbóòró gé ni. 12Nóŋù-ɛ̀tsɛ-Yèésù Kírísítò Ɔlá-wa#á, àa wà fɔ̀ fú ɛnɛ nyɛ̀ŋɛ̀ ŋa ní ká tsitsɛ́ òŋu inɔ́ tútù, tsí ká rí dzídzɛ dzɛ nɔ́wɔ́-ara tàŋa ká-ŋa.
13Ìnàbí-wa ŋa, ɛ̀ŋɛ òŋu, ore tsítse kó máa ká ŋɛ́.
14Ɛ̀kɔ́ yèé àa tse si ńnɔ́-ìwé yèé#ɛ́, bí ɔ̀nyà-kã̀ kò rɛ̃tígbè‐ɛ̀, tsí ó wà tse òmírɛ̃̀, è módzú tsɔ́ ɛnɛ nyɛ̀ŋɛ̀ rere, tsí e nyàá si níìkã̀, tsí kó tsanɔ́ fúu. 15Ó ɖi, è máa ríi kíbí ɔ̀tɛ̀-ŋɛ́ ní ó dzɛ́#ɛ́. È náa wíìnyɛ̀ si nétí fúu kíbí ìnàbí-ŋɛ́ bɛ́.
Kpɔ́lù wà tu kùsɛ̀ɛ̀ fú ŋa
16Ɔlá-wa, Olí-tútùúrɔ̀ òŋu ká‐ɛ̀ kó fú ŋɛ́ ńtútùúrɔ̀ nágbaɖa ɔ̀kã̀lɔ́ɔ̀kã̀ kpó, ńǹwèrè ɔ̀kã̀lɔ́ɔ̀kã̀ kpó. Ɔlá-wa kó wà náànyì-ɛ̀ŋɛ kpó si.
17Èmi Kpɔ́lù, èmi ká-mi ní wà kɔ ɛ́kɔ-mi#ɛ́, tsí ǹ wà kí ŋɛ́ kpó. Bɛ́ɛ̀ ní mà kɔ ɛ́kɔ-mi si ńǹwé ɔ̀kã̀lɔ́ɔ̀kã̀, àtsùgbée e mà ní èmi ní wà tseé#ɛ́. 18Yèésù Kírísítò Ɔlá-wa kó tse ore-ɔ̀fɛ́ fú ŋɛ́, tsí kó wà náànyì-ɛ̀ŋɛ kpó si.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.