Mata 18
18
1 Thug Crìosd àithne da dheisciobail a bhith umhail agus neo‐chronail, 7 oilbheum a sheachnadh, agus gun iad a dhèanamh tàir air cloinn bhig. 15 Labhair Crìosd mu thimcheall maitheanais. 23 Cosamhlachd an rìgh a ghabh cunntas da sheirbhisich.
1Anns an àm sin fhèin thàinig na deisciobail a‑chum Iosa#Marc 9:33, etc.; Lùc 9:46, etc., ag ràdh, Cò as mò ann an rìoghachd nèimh?
2Agus air do Iosa leanabh beag a ghairm da ionnsaigh, chuir e nam meadhon e.
3Agus thubhairt e, Gu fìrinneach tha mi ag ràdh ribh, Mura iompaichear sibh#Salm 51:10‐13; Eòin 3:3, agus mura bi sibh mar leanabain#1 Cor 14:20; 1 Pead 2:2, nach tèid sibh a‑steach do rìoghachd nèimh.
4Air an adhbhar sin, ge bè a dh’ìslicheas e#Lùc 14:11; Seum 4:10 fhèin mar an leanaban seo, is e sin fhèin as mò ann an rìoghachd nèimh.
5Agus ge bè a ghabhas aon leanaban de a leithid seo ann am ainm‐sa#Mat 10:42, gabhaidh e mise.
6Ach ge bè neach a bheir oilbheum do aon neach den mhuinntir bhig seo a tha a’ creidsinn annamsa#Marc 9:42; Lùc 17:1, 2, b’fheàrr dha gum biodh clach‐mhuilinn air a crochadh ra mhuineal, agus gum biodh e air a bhàthadh ann an doimhne na fairge.
7Is an‑aoibhinn don t‑saoghal airson oilbheuman: oir is èiginn do oilbheuman teachd#1 Cor 11:19; Iùd 4; ach is an‑aoibhinn don duine sin tron tig an oilbheum.
8Uime sin, ma bheir do làmh no do chas adhbhar oilbheim dhut#Mat 5:29, 30; Marc 9:43, 45, geàrr dhìot iad, agus tilg uat iad: is fheàrr dhut dol a‑steach don bheatha air leth‐chois no air leth‐làimh, na dà làimh no dà chois a bhith agad, agus thu a bhith air do thilgeadh anns an teine shìorraidh.
9Agus ma bheir do shùil adhbhar oilbheim dhut, spìon asad i, agus tilg uat i: is fheàrr dhut dol a‑steach a‑chum na beatha air leth‐shùil, na dà shùil a bhith agad agus thu a bhith air do thilgeadh ann an teine ifrinn.
10Thugaibh an aire nach dèan sibh tarcais air aon neach den mhuinntir bhig seo; oir tha mise ag ràdh ribh gu bheil an aingil‐san#Gnìo 12:15; Salm 34:7 air nèamh a’ faicinn a‑ghnàth gnùis m’Athar‐sa#Lùc 1:19 a tha air nèamh.
11Oir thàinig Mac an Duine a shaoradh an nì sin a bha caillte#Lùc 9:50; 19:10; Eòin 10:10; 12:47; 1 Tim 1:15.
12Ciod as barail dhuibhse? Ma bhios aig duine ceud caora#Lùc 15:4, etc., agus gun tèid aon dhiubh air seachran, nach fàg e na naoi‐caoraich‐dheug agus ceithir‐fichead air na beanntan, agus nach tèid e a dh’iarraidh na caorach a chaidh air seachran?
13Agus ma thàrlas dha gum faigh e i, gu deimhinn tha mi ag ràdh ribh gun dèan e tuilleadh gàirdeachais airson na caorach sin na airson nan naoi‐caorach‐dheug agus ceithir‐fichead, nach deachaidh air seachran#Lùc 15:23, 24.
14Mar seo chan i toil ur n‑Athar‐se a tha air nèamh gun rachadh aon neach den mhuinntir bhig seo a chall#2 Pead 3:9.
15Uime sin ma pheacaicheas do bhràthair ad aghaidh#Lebh 19:17; Lùc 17:3, imich agus innis a lochd dha eadar thu fhèin agus esan a‑mhàin: ma dh’èisdeas e riut#Seum 5:20, choisinn thu do bhràthair.
16Ach mura èisd e riut, thoir leat aon no dithis eile, a‑chum gum bi gach nì air a dhèanamh seasmhach ann am beul dithis no triùir fhianaisean#Deut 19:15; 2 Cor 13:1.
17Agus ma dhiùltas e iadsan èisdeachd, innis don eaglais e: ach ma dhiùltas e an eaglais èisdeachd, biodh e dhut mar Chinneach#Ròm 16:17; 1 Cor 5:3‐5; 2 Tes 3:6, 14 agus mar chìs‐mhaor.
18Gu deimhinn tha mi ag ràdh ribh, Ge bè air bith nithean a cheanglas sibhse air thalamh#Mat 16:19; Eòin 20:23; Gnìo 15:23‐31; 2 Cor 2:10, bidh iad ceangailte air nèamh: agus ge bè air bith nithean a dh’fhuasglas sibhse air thalamh, bidh iad fuasgailte air nèamh.
19A‑rìs tha mi ag ràdh ribh, Ma chòrdas dithis agaibh air thalamh mu thimcheall aon nì a dh’iarras iad, nìthear seo dhaibh lem Athair‐sa a tha air nèamh#Marc 11:24; Eòin 16:24; 1 Eòin 5:14.
20Oir ge bè àite anns a bheil dithis no triùir air an cruinneachadh an ceann a chèile ann am ainm‐sa#Eòin 20:19; 1 Cor 5:4, tha mise an sin nam meadhon.
21Air dol do Pheadar da ionnsaigh anns an àm sin, thubhairt e, A Thighearna, cia minig a pheacaicheas mo bhràthair am aghaidh, agus a mhaitheas mi dha#Marc 11:25; Lùc 17:4; Col 3:13? An ann gu ruig an seachdamh uair?
22Thubhairt Iosa ris, Chan abair mi riut gus an seachdamh uair, ach gu deich agus trì‐fichead seachd uairean.
23Air an adhbhar sin is cosmhail rìoghachd nèimh ri rìgh àraidh lem b’àill cunntas a dhèanamh ra sheirbhisich#Ròm 14:12.
24Agus nuair a thòisich e air cunntas a dhèanamh, thugadh aon da ionnsaigh air an robh aige deich mìle tàlann:
25Ach do bhrìgh nach robh aige nì leis an dìoladh e, dh’àithn a thighearna e fhèin, agus a bhean, agus a chlann, agus na h‑uile nithean a bha aige a reic#2 Rìgh 4:1; Isa 50:1, agus dìoladh a dhèanamh.
26Air an adhbhar sin thuit an seirbhiseach sin sìos, agus rinn e ùmhlachd dha, ag ràdh, A thighearna, dèan foighidinn rium, agus ìocaidh mi dhut an t‑iomlan.
27An sin air do thighearna an òglaich sin truas mòr a ghabhail dheth#Salm 78:38, leig e a chead dha, agus mhaith e na fiachan dha.
28Ach nuair a chaidh an seirbhiseach sin fhèin a‑mach, fhuair e aon de a cho‐sheirbhisich air an robh aige ceud pèighinn: agus chuir e làmh ann, agus rug e air sgòrnan air, ag ràdh, Ioc dhomh na bheil agam ort.
29Agus thuit a cho‐sheirbhiseach sìos aig a chasan, agus ghuidh e air, ag ràdh, Dèan foighidinn rium#Mat 18:26, agus ìocaidh mi dhut an t‑iomlan.
30Agus cha b’àill leis‐san sin: ach dh’imich e agus thilg e ann am prìosan e gus an ìocadh e na fiachan.
31Agus nuair a chunnaic a cho‐sheirbhisich na nithean a rinneadh, bha iad ro‑dhuilich, agus thàinig iad, agus dh’fhoillsich iad dan tighearna gach nì a rinneadh.
32An sin ghairm a thighearna air, agus thubhairt e ris, A dhroch sheirbhisich#Lùc 19:22, mhaith mi dhut na fiachan ud uile, do bhrìgh gun do chuir thu impidh orm;
33Nach bu chòir dhutsa, mar an ceudna, tròcair a dhèanamh air do cho‐sheirbhiseach fhèin, amhail a rinn mise tròcair ortsa?
34Agus ghabh a thighearna fearg, agus thug e don luchd‐pianaidh e gus an ìocadh e a fhiachan uile dha.
35Agus mar sin nì m’Athair nèamhaidh ribhse#Mat 6:12; Gnà 21:13; Seum 2:13, mura maith gach aon agaibh o ur cridheachan da bhràthair an cionta.
Currently Selected:
Mata 18: ABIG
Highlight
Share
Copy
Want to have your highlights saved across all your devices? Sign up or sign in
© Comann Bhìoball na h‑Alba 1880, 1992, 2017
© Scottish Bible Society 1880, 1992, 2017