Galatia 5
5
Faŋ ŋkə bàw laa kɨ viŋ kɨ gu vəbuꞌ tɨ́ nuŋsə vɨɨ me
1Kristo nə shùꞌ nsiŋ fɨ ghɔ ntɨsə vɨɨ Jus, laa kɨ nsiŋ baa lùu vəbuꞌ me. Nɨniŋ, viŋ tɨŋnə weꞌ yaa vɨɨ faŋ vəŋ duꞌtə vəŋ nyɨŋ nu. Kɨ viŋ baa biŋ vɨɨ yɨsə viŋ baa gu vəbuꞌ me. 2Viŋ zɔ! Mə Pɔɔl, mə naysə tɨ́ viŋ laa, viŋ taa kɨ luu biŋ laa vɨ kɨ sɨɨtə viŋ, buu ŋkə də̀ laa, nu Kristo gù nu dayday tɨ́ viŋ. 3Bàw ŋkə luu ŋkee kəley tɨ́ viŋ laa, wə fɨ taa ŋwaa viŋ faŋ ŋwə meꞌtə ŋwaa wi, laa vɨ sɨɨtə ŋwə, buu ŋkə də̀ laa ntɨsə vɨɨ Jus taa kɨ sɔꞌ wə ghɔ́. Ŋwə taa ghaa nuŋsə ntɨsə sɔ́ sənshə laylay. 4Viŋ kɨ luu kɨ bɨꞌtə laa, Nwi taa ndi viŋ yaa vɨɨ loomə vɨsɨ ŋwə, buꞌ faŋ viŋ nuŋ ntɨsə sɔ́, buu viŋ gàasə ŋwaa wiŋ fɨ maa Kristo. Gəŋsə Nwi, faŋ Nwi kèe gəŋsə vɨɨ buꞌ Kristo nə, kee baa lùu shɔ tɨ́ viŋ me. Kaꞌ ŋkə kee baa gàŋtə viŋ me.
5Gə fɨ maa yia, yia nùŋ fwi sia maa wutə Zwitə Nwi, kɨꞌ laa Nwi ndi yia yaa vɨɨ loomə vɨsɨ ŋwə, buꞌ laa yia nùŋ fwi sia maa Kristo. 6Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.
7Nə luu yighee vɨsɨ, viŋ nəə yɨ jəə. Sii bwèꞌsə ndə bwèꞌsə viŋ, laa viŋ kee baa kɨ zɔnə nu Nwi me? 8Nu kɔ́ nə kee ndɔ̀ fɨ ghɔ Nwi faŋ ŋwə nə shòꞌ viŋ, laa viŋ luu mbii vɨɨ nə me. 9Maa vɨɨ gisə laa wee-fədɨꞌ fənsɨŋ nee, yaa kɨ mwasə bee, ŋkə kwalə. 10Maa yizii Nwi mə kɨɨ nə viŋ, kɨɨ laa viŋ kee ndɔ kwiinə me, laa viŋ vɨ Kristo gòꞌ fa kəmuꞌ. Luu nə, Nwi ndɔ kwaŋ wə ntɨə faŋ ŋwə bwèꞌsə viŋ nə, taa nsɔꞌ. Ŋwə kɔlə luu ndə, Nwi ndɔ kwaŋ ŋwə taa nsɔꞌ.
11Gə fɨ maa mə, vaŋ-nshwi vaŋ, ŋkə lùu kəley laa mə kee baa fɨꞌtə nu Nwi, gisə laa vɨ sɨɨtə wə ntɨə faŋ ŋwə bìŋ Kristo me. Ŋkə nii toꞌ lùu nɨniŋ, buu vɨɨ kee kɨ kəə mə nə nsɔꞌ me, faŋ vəŋ yɨsə ndwə nə. Nu ŋkɨə faŋ ŋkə yaa kɨ bɨ tɨ́ vɨɨ, lùu faŋ mə fɨꞌtə kɔ̀ŋ yiku Yeso fuu fəŋkɔꞌ fə ŋkɨꞌsə, faŋ ŋwə nə kù tɔ nsiŋ nə, kee naysə laa vɨ sɨɨtə vɨɨ me. Mə nəə toꞌ kɨ naysə laa vɨ sɨɨtə vɨɨ, buu vɨ kee baa kɨ kɔ ŋɨꞌ shee buꞌ fəŋkɔꞌ fə ŋkɨꞌsə fɔ́ me. 12Gə fɨ maa vɨɨ mbɨə faŋ vəŋ bweꞌsə̀ viŋ, gisə laa vɨ sɨɨtə viŋ nə, bàw vəŋ gə yɔ̀ꞌ yiŋwaa vəŋ.
Faŋ ŋkə bàw laa kɨ ŋkitə yiŋ sɔꞌ viŋ me. Bàw viŋ biŋ laa Zwitə Ley Nwi shiinə viŋ
13Vaŋ-nshwi vaŋ, gə fɨ maa viŋ, Nwi nə shòꞌ viŋ laa kɨ viŋ baa luu yaa vəbuꞌ tɨ́ ntɨsə vɨɨ Jus me. Luu nə, faŋ viŋ kee lùu vəbuꞌ tɨ́ ntɨsə sɔ́ nə me, kɨ viŋ bɨꞌtə laa kaꞌ viŋ taa kɨ yɨsə vənu vənshə faŋ mbasə ŋwaa wiŋ kàw me. Viŋ kii ŋkawnə tɨ́ wə nə wə, baa gaŋtə wə nə wə. 14Nɨniŋ buꞌ laa vɨ fàynə ntɨsə sənshə maa vaŋ təgi tə̀ laa, «Kaw weenshu wə yaa nshɨ-tɔ wə.» #Levitikɔs 19.18. 15Sii yɨ̀ kə viŋ yɨsə vənu yaa nyaasə taa gay faŋ nsə ndɔŋmə vəliŋ vəvəŋ, baa kɔ̀ vəndɨə maa vəliŋ vəvəŋ? Viŋ kɨ luu kɨ yɨsə nɨniŋ, buu viŋ taa bɨsə yiŋwaa yiŋ yinshə.
16Viŋ zɔ! Mə gì tɨ́ viŋ laa, bàw Zwitə Ley Nwi kɨ shiinə viŋ maa vənu vənshə faŋ viŋ yɨsə, laa kɨ ŋkitə yiŋ kɨ sɔꞌ viŋ me. 17Ŋkitə vɨɨ kee lùu yaa njyə faŋ nyə kìi Zwitə Nwi me; ŋkitə Zwitə Nwi kee lùu yaa njyə vɨɨ me. Ŋkitə wə nywenə ghɔ Zwitə Ley Nwi. Lùu ŋiꞌ nu ŋkɨə faŋ ŋkə yɨsə laa viŋ kee yuu kɨ yɨsə nu ŋkɨə faŋ viŋ kəə kɨ yɨsə me. 18Faŋ shiinə Zwitə Nwi shiinə viŋ, buu kaꞌ ntɨ yimɔ́ꞌ kee baa kà viŋ me.
19Nsiŋ kɔꞌ kɨɨ nə vənu mbɨə faŋ mbə ndɔ̀ fɨ taa ŋkitə vɨɨ, faŋ lùu vənu vəbwəvə vənshə, yaa nu vəki vəsakə, nə nu mətii vəki, nə nshinə yibwə, 20nə məfeꞌ vənwi vədayday, nə mfisə, nə mbeenə, nə ntaysə, nə ŋkəŋsə, nə fwi yishəsə, nə vəŋwiŋ, nə məgaasə yiŋwaa vəway vəway, 21nə məsəsə vətɔ və vɨɨ, nə məzwi wə, nə mənu məluꞌ məyaŋmə, nə maa mətia yiŋwaa, nə kəŋ vənu vɔ́ vəyaŋ. Mə gì tɨ́ viŋ faŋ mə nə duꞌtə mə gi tɨ́ viŋ laa, vɨɨ faŋ vəŋ yɨsə kəŋ vənu vɔ́, kee ndɔ ŋii məbwey vəlwaŋ taa yifwàŋ Nwi me.
22Gə fɨ maa vənu mbɨə faŋ mbə ndɔ̀ fɨ taa Zwitə Nwi, mə kəə naysə vənu vɔ́ tɨ́ viŋ nɨzi. Vənu vɔ́ luu ŋkawnə, nə məŋaytə, nə məduꞌ bwaŋnə, nə məjia fwi, nə məsaylə jəə, nə məgaŋtə vɨɨ, nə məzɔnə, 23nə məbwasə ŋwaa, nə məshiinə ŋwaa. Ntɨ kee lùu shɔ faŋ nyə twey kəŋ vənu vɔ́ me. 24Vɨɨ mbɨə faŋ lùu vɨɨ Yeso Kristo, mèꞌ vənu vəbwəvə vəvəŋ vənshə, nə mbɨꞌtə yibwə yinshə laylay. Ŋkə lùu yaa vəŋ ndi vənu vɔ́, bèy fuu fəŋkɔꞌ fə ŋkɨꞌsə fə Yeso Kristo. 25Zwitə Nwi kɨ luu ŋìi taa ŋwaa nsiŋ, bàw nsiŋ shi nə nshinə njyə faŋ Zwitə Nwi kɔ́ də̀ tɨ́ nsiŋ. 26Kɨ nsiŋ kɨ koꞌsə yiŋwaa nyaa-nsiŋ me. Kɨ nsiŋ yɨsə njyoꞌ wə lia me, tɨꞌnə me sə wə me!
Currently Selected:
Galatia 5: bav
Highlight
Copy
Compare
Share
Want to have your highlights saved across all your devices? Sign up or sign in
© 1993, Wycliffe Bible Translators, Inc. All rights reserved.
Galatia 5
5
Faŋ ŋkə bàw laa kɨ viŋ kɨ gu vəbuꞌ tɨ́ nuŋsə vɨɨ me
1Kristo nə shùꞌ nsiŋ fɨ ghɔ ntɨsə vɨɨ Jus, laa kɨ nsiŋ baa lùu vəbuꞌ me. Nɨniŋ, viŋ tɨŋnə weꞌ yaa vɨɨ faŋ vəŋ duꞌtə vəŋ nyɨŋ nu. Kɨ viŋ baa biŋ vɨɨ yɨsə viŋ baa gu vəbuꞌ me. 2Viŋ zɔ! Mə Pɔɔl, mə naysə tɨ́ viŋ laa, viŋ taa kɨ luu biŋ laa vɨ kɨ sɨɨtə viŋ, buu ŋkə də̀ laa, nu Kristo gù nu dayday tɨ́ viŋ. 3Bàw ŋkə luu ŋkee kəley tɨ́ viŋ laa, wə fɨ taa ŋwaa viŋ faŋ ŋwə meꞌtə ŋwaa wi, laa vɨ sɨɨtə ŋwə, buu ŋkə də̀ laa ntɨsə vɨɨ Jus taa kɨ sɔꞌ wə ghɔ́. Ŋwə taa ghaa nuŋsə ntɨsə sɔ́ sənshə laylay. 4Viŋ kɨ luu kɨ bɨꞌtə laa, Nwi taa ndi viŋ yaa vɨɨ loomə vɨsɨ ŋwə, buꞌ faŋ viŋ nuŋ ntɨsə sɔ́, buu viŋ gàasə ŋwaa wiŋ fɨ maa Kristo. Gəŋsə Nwi, faŋ Nwi kèe gəŋsə vɨɨ buꞌ Kristo nə, kee baa lùu shɔ tɨ́ viŋ me. Kaꞌ ŋkə kee baa gàŋtə viŋ me.
5Gə fɨ maa yia, yia nùŋ fwi sia maa wutə Zwitə Nwi, kɨꞌ laa Nwi ndi yia yaa vɨɨ loomə vɨsɨ ŋwə, buꞌ laa yia nùŋ fwi sia maa Kristo. 6Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.
7Nə luu yighee vɨsɨ, viŋ nəə yɨ jəə. Sii bwèꞌsə ndə bwèꞌsə viŋ, laa viŋ kee baa kɨ zɔnə nu Nwi me? 8Nu kɔ́ nə kee ndɔ̀ fɨ ghɔ Nwi faŋ ŋwə nə shòꞌ viŋ, laa viŋ luu mbii vɨɨ nə me. 9Maa vɨɨ gisə laa wee-fədɨꞌ fənsɨŋ nee, yaa kɨ mwasə bee, ŋkə kwalə. 10Maa yizii Nwi mə kɨɨ nə viŋ, kɨɨ laa viŋ kee ndɔ kwiinə me, laa viŋ vɨ Kristo gòꞌ fa kəmuꞌ. Luu nə, Nwi ndɔ kwaŋ wə ntɨə faŋ ŋwə bwèꞌsə viŋ nə, taa nsɔꞌ. Ŋwə kɔlə luu ndə, Nwi ndɔ kwaŋ ŋwə taa nsɔꞌ.
11Gə fɨ maa mə, vaŋ-nshwi vaŋ, ŋkə lùu kəley laa mə kee baa fɨꞌtə nu Nwi, gisə laa vɨ sɨɨtə wə ntɨə faŋ ŋwə bìŋ Kristo me. Ŋkə nii toꞌ lùu nɨniŋ, buu vɨɨ kee kɨ kəə mə nə nsɔꞌ me, faŋ vəŋ yɨsə ndwə nə. Nu ŋkɨə faŋ ŋkə yaa kɨ bɨ tɨ́ vɨɨ, lùu faŋ mə fɨꞌtə kɔ̀ŋ yiku Yeso fuu fəŋkɔꞌ fə ŋkɨꞌsə, faŋ ŋwə nə kù tɔ nsiŋ nə, kee naysə laa vɨ sɨɨtə vɨɨ me. Mə nəə toꞌ kɨ naysə laa vɨ sɨɨtə vɨɨ, buu vɨ kee baa kɨ kɔ ŋɨꞌ shee buꞌ fəŋkɔꞌ fə ŋkɨꞌsə fɔ́ me. 12Gə fɨ maa vɨɨ mbɨə faŋ vəŋ bweꞌsə̀ viŋ, gisə laa vɨ sɨɨtə viŋ nə, bàw vəŋ gə yɔ̀ꞌ yiŋwaa vəŋ.
Faŋ ŋkə bàw laa kɨ ŋkitə yiŋ sɔꞌ viŋ me. Bàw viŋ biŋ laa Zwitə Ley Nwi shiinə viŋ
13Vaŋ-nshwi vaŋ, gə fɨ maa viŋ, Nwi nə shòꞌ viŋ laa kɨ viŋ baa luu yaa vəbuꞌ tɨ́ ntɨsə vɨɨ Jus me. Luu nə, faŋ viŋ kee lùu vəbuꞌ tɨ́ ntɨsə sɔ́ nə me, kɨ viŋ bɨꞌtə laa kaꞌ viŋ taa kɨ yɨsə vənu vənshə faŋ mbasə ŋwaa wiŋ kàw me. Viŋ kii ŋkawnə tɨ́ wə nə wə, baa gaŋtə wə nə wə. 14Nɨniŋ buꞌ laa vɨ fàynə ntɨsə sənshə maa vaŋ təgi tə̀ laa, «Kaw weenshu wə yaa nshɨ-tɔ wə.» #Levitikɔs 19.18. 15Sii yɨ̀ kə viŋ yɨsə vənu yaa nyaasə taa gay faŋ nsə ndɔŋmə vəliŋ vəvəŋ, baa kɔ̀ vəndɨə maa vəliŋ vəvəŋ? Viŋ kɨ luu kɨ yɨsə nɨniŋ, buu viŋ taa bɨsə yiŋwaa yiŋ yinshə.
16Viŋ zɔ! Mə gì tɨ́ viŋ laa, bàw Zwitə Ley Nwi kɨ shiinə viŋ maa vənu vənshə faŋ viŋ yɨsə, laa kɨ ŋkitə yiŋ kɨ sɔꞌ viŋ me. 17Ŋkitə vɨɨ kee lùu yaa njyə faŋ nyə kìi Zwitə Nwi me; ŋkitə Zwitə Nwi kee lùu yaa njyə vɨɨ me. Ŋkitə wə nywenə ghɔ Zwitə Ley Nwi. Lùu ŋiꞌ nu ŋkɨə faŋ ŋkə yɨsə laa viŋ kee yuu kɨ yɨsə nu ŋkɨə faŋ viŋ kəə kɨ yɨsə me. 18Faŋ shiinə Zwitə Nwi shiinə viŋ, buu kaꞌ ntɨ yimɔ́ꞌ kee baa kà viŋ me.
19Nsiŋ kɔꞌ kɨɨ nə vənu mbɨə faŋ mbə ndɔ̀ fɨ taa ŋkitə vɨɨ, faŋ lùu vənu vəbwəvə vənshə, yaa nu vəki vəsakə, nə nu mətii vəki, nə nshinə yibwə, 20nə məfeꞌ vənwi vədayday, nə mfisə, nə mbeenə, nə ntaysə, nə ŋkəŋsə, nə fwi yishəsə, nə vəŋwiŋ, nə məgaasə yiŋwaa vəway vəway, 21nə məsəsə vətɔ və vɨɨ, nə məzwi wə, nə mənu məluꞌ məyaŋmə, nə maa mətia yiŋwaa, nə kəŋ vənu vɔ́ vəyaŋ. Mə gì tɨ́ viŋ faŋ mə nə duꞌtə mə gi tɨ́ viŋ laa, vɨɨ faŋ vəŋ yɨsə kəŋ vənu vɔ́, kee ndɔ ŋii məbwey vəlwaŋ taa yifwàŋ Nwi me.
22Gə fɨ maa vənu mbɨə faŋ mbə ndɔ̀ fɨ taa Zwitə Nwi, mə kəə naysə vənu vɔ́ tɨ́ viŋ nɨzi. Vənu vɔ́ luu ŋkawnə, nə məŋaytə, nə məduꞌ bwaŋnə, nə məjia fwi, nə məsaylə jəə, nə məgaŋtə vɨɨ, nə məzɔnə, 23nə məbwasə ŋwaa, nə məshiinə ŋwaa. Ntɨ kee lùu shɔ faŋ nyə twey kəŋ vənu vɔ́ me. 24Vɨɨ mbɨə faŋ lùu vɨɨ Yeso Kristo, mèꞌ vənu vəbwəvə vəvəŋ vənshə, nə mbɨꞌtə yibwə yinshə laylay. Ŋkə lùu yaa vəŋ ndi vənu vɔ́, bèy fuu fəŋkɔꞌ fə ŋkɨꞌsə fə Yeso Kristo. 25Zwitə Nwi kɨ luu ŋìi taa ŋwaa nsiŋ, bàw nsiŋ shi nə nshinə njyə faŋ Zwitə Nwi kɔ́ də̀ tɨ́ nsiŋ. 26Kɨ nsiŋ kɨ koꞌsə yiŋwaa nyaa-nsiŋ me. Kɨ nsiŋ yɨsə njyoꞌ wə lia me, tɨꞌnə me sə wə me!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1993, Wycliffe Bible Translators, Inc. All rights reserved.