Xekhaliyas 1
1
Tug TSWV Hu Nwg Tsaav Tuabneeg Rov Lug Cuag Nwg
1Xyoo thib ob thaus lub yim hli ntuj kws Dali-us ua fuabtais kaav tebchaws Pawxias, tug TSWV tau has cov lug nuav rua Xekhaliyas, kws yog tug cev Vaajtswv lug, kws yog Npelekhiyas tug tub hab yog Idaus tug xeebntxwv. #Exala 4:24—5:1; 6:14 2Tug TSWV kws muaj Fwjchim Luj Kawg Nkaus has rua Xekhaliyas kuas moog has rua cov tuabneeg tas, “Kuv kws yog tug TSWV, npautawg heev rua mej cov yawmkoob, 3tabsis nwgnuav Kuv has rua mej tas, ‘Mej cale rov lug cuag Kuv, Kuv txhaj yuav rov lug cuag mej. 4Tsi xob ua le mej cov yawmkoob ua taag lug lawm. Yaav thaus u cov xwbfwb cev Vaajtswv lug tau muab Kuv tej lug coj moog qha puab, kuas puab tsi xob ua kev phem kev qas ntxiv lawm. Tabsis puab tsi noog lossis tsi quavntsej Kuv tej lug le. 5Mej cov yawmkoob hab cov xwbfwb cev Vaajtswv lug ntawd tub tsi muaj sa nyob taag lawm. 6Lug ntawm Kuv cov tubkhai kws yog cov xwbfwb cev Vaajtswv lug ntawd, Kuv tub muab Kuv tej kevcai rua puab qha rua mej cov yawmkoob taag lawm, tabsis puab tsi quavntsej tej ntawd le, puab txhaj raug kev nyuajsab. Tomqaab ntawd puab txhaj leegtxim hab leeg paub tas Kuv, kws yog tug TSWV kws muaj Fwjchim Luj Kawg Nkaus, tau txavtxim rua puab lawvle tej kws puab tsimnyog tau txais, hab lawvle qhov kws Kuv tau npaajsab yuav ua lawm.’ ”
Tug Xwbfwb Cev Vaajtswv Lug Kev Ua Ywgtoog Pum Ib Cov Neeg
7Xyoo thib ob thaus lub kaum-ib hlis ntuj (yog lub hli Senpas), nub neegnkaum-plaub kws Dali-us ua fuabtais kaav tebchaws ntawd, muaj ib mos tug TSWV tau has ib cov lug rua kuv huv kev ua ywgtoog. 8Kuv pum ib tug txivneej caij rawv ib tug txivneeg lab. Nwg txawm lug nreg rua ntawm ib koog ntoo tswqaab kws nyob huv ib lub haav, hab nyob tom nwg qaab muaj ib cov caij cov neeg lab, neeg dlaaj-dloog, hab neeg dlawb. #Tshwm 6:4; Tshwm 6:2
9Kuv nug tug timtswv kws nrug kuv thaam ntawd tas, “Tug tswv, lub ntsablug ntawm cov kws caij neeg nuav yog dlaabtsi?”
Nwg teb tas, “Kuv yuav qha lub ntsablug ntawd rua koj.” 10Tes tug timtswv ceebtsheej kws sawv ntawm cov ntoo tswqaab txawm has tas, “Cov caij neeg ntawd yog cov kws tug TSWV tso moog tshuaj lub nplajteb.”
11Tes cov caij neeg ntawd txawm rov lug tshaabxu rua tug TSWV tug timtswv ceebtsheej kws sawv ntawm cov ntoo tswqaab has tas, “Peb tau moog ncig thoobplawg lub nplajteb lawm, mas peb pum lub nplajteb nyob ntshaus ntsho hab tsi muaj leejtwg paab le.”
12Tes tug timtswv ceebtsheej has tas, “Tug TSWV kws muaj Fwjchim Luj Kawg Nkaus, Koj chim rua lub nroog Yeluxalees hab tej nroog huv tebchaws Yudas lug tau xyaacaum xyoo nuav lawm. Tseem tshuav ntev lecaag Koj txhajle yuav taabncuab puab?”
13Tug TSWV teb ib cov lug npligsab rua tug timtswv ceebtsheej kws nrug kuv thaam ntawd, 14tes tug timtswv ntawd txhaj has kuas kuv cale qha lawvle tug TSWV kws muaj Fwjchim Luj Kawg Nkaus tej lug kws has tas, “Kuv txuj kev hlub hab kev tshua mas tub heev rua lub nroog Yeluxalees, kws yog Kuv lub nroog dlawbhuv, 15hab Kuv chim kawg nkaus rua txhua tsaav tuabneeg kws muaj kev zoosab nyob ntsagtu hab muaj kev nyaabxeeb ntawd. Kuv tsuas yog chim mivntsiv rua Kuv tsaav tuabneeg xwb, tabsis txhua tsaav tuabneeg cale ua rua Kuv tsaav tuabneeg raug txomnyem dlhau qhov Kuv npaaj tseg lawm. 16Yogle ntawd, Kuv txhaj rov lug rua huv lub nroog Yeluxalees hab qha Kuv txuj kev taabncuab rua lub nroog ntawd. Kuv lub Tuamtsev yuav raug txhimkhu dlua tshab, hab lub nroog yuav raug txhimkhu kuas zoo.”
17Tug timtswv ceebtsheej tseem kuas kuv qha ntxiv has tas, “Tug TSWV kws muaj Fwjchim Luj Kawg Nkaus has tas Nwg tej nroog yuav rov vaammeej dlua, hab Nwg yuav paab lub nroog Yeluxalees dlua ib zag ntxiv hab suav has tas lub nroog ntawd yog Nwg lub.”
Zaaj Ywgtoog Kws Pum Cov Kub Nyuj
18Muaj dlua ib zaaj ywgtoog kws kuv pum plaub tug kub nyuj. 19Kuv txawm nug tug timtswv ceebtsheej kws nrug kuv thaam ntawd tas, “Lub ntsablug ntawm cov kub nyuj nuav yog dlaabtsi?”
Nwg teb kuv tas, “Cov kub nyuj nuav pev txug tej tebchaws huv lub nplajteb kws muaj fwjchim, kws tau muab cov tuabneeg Yudais, cov Yixalayees, hab cov tuabneeg huv Yeluxalees lawv tsiv ri sua rua nuav rua u.”
20Tes tug TSWV txawm qha plaub tug tuabneeg ua num kws ib leeg tuav rawv ib raab rauj rua kuv. 21Kuv nug tas, “Cov txivneej nuav taabtom tuaj ua dlaabtsi?”
Nwg teb tas, “Puab yog cov kws tuaj hem hab ntaus txhua tsaav tuabneeg kws tuaj muab lub tebchaws Yudas tsuj puamtsuaj taag, hab muab cov Yudais lawv tsiv moog nyob uasaab uasua lawm.”
Currently Selected:
Xekhaliyas 1: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Xekhaliyas 1
1
Tug TSWV Hu Nwg Tsaav Tuabneeg Rov Lug Cuag Nwg
1Xyoo thib ob thaus lub yim hli ntuj kws Dali-us ua fuabtais kaav tebchaws Pawxias, tug TSWV tau has cov lug nuav rua Xekhaliyas, kws yog tug cev Vaajtswv lug, kws yog Npelekhiyas tug tub hab yog Idaus tug xeebntxwv. #Exala 4:24—5:1; 6:14 2Tug TSWV kws muaj Fwjchim Luj Kawg Nkaus has rua Xekhaliyas kuas moog has rua cov tuabneeg tas, “Kuv kws yog tug TSWV, npautawg heev rua mej cov yawmkoob, 3tabsis nwgnuav Kuv has rua mej tas, ‘Mej cale rov lug cuag Kuv, Kuv txhaj yuav rov lug cuag mej. 4Tsi xob ua le mej cov yawmkoob ua taag lug lawm. Yaav thaus u cov xwbfwb cev Vaajtswv lug tau muab Kuv tej lug coj moog qha puab, kuas puab tsi xob ua kev phem kev qas ntxiv lawm. Tabsis puab tsi noog lossis tsi quavntsej Kuv tej lug le. 5Mej cov yawmkoob hab cov xwbfwb cev Vaajtswv lug ntawd tub tsi muaj sa nyob taag lawm. 6Lug ntawm Kuv cov tubkhai kws yog cov xwbfwb cev Vaajtswv lug ntawd, Kuv tub muab Kuv tej kevcai rua puab qha rua mej cov yawmkoob taag lawm, tabsis puab tsi quavntsej tej ntawd le, puab txhaj raug kev nyuajsab. Tomqaab ntawd puab txhaj leegtxim hab leeg paub tas Kuv, kws yog tug TSWV kws muaj Fwjchim Luj Kawg Nkaus, tau txavtxim rua puab lawvle tej kws puab tsimnyog tau txais, hab lawvle qhov kws Kuv tau npaajsab yuav ua lawm.’ ”
Tug Xwbfwb Cev Vaajtswv Lug Kev Ua Ywgtoog Pum Ib Cov Neeg
7Xyoo thib ob thaus lub kaum-ib hlis ntuj (yog lub hli Senpas), nub neegnkaum-plaub kws Dali-us ua fuabtais kaav tebchaws ntawd, muaj ib mos tug TSWV tau has ib cov lug rua kuv huv kev ua ywgtoog. 8Kuv pum ib tug txivneej caij rawv ib tug txivneeg lab. Nwg txawm lug nreg rua ntawm ib koog ntoo tswqaab kws nyob huv ib lub haav, hab nyob tom nwg qaab muaj ib cov caij cov neeg lab, neeg dlaaj-dloog, hab neeg dlawb. #Tshwm 6:4; Tshwm 6:2
9Kuv nug tug timtswv kws nrug kuv thaam ntawd tas, “Tug tswv, lub ntsablug ntawm cov kws caij neeg nuav yog dlaabtsi?”
Nwg teb tas, “Kuv yuav qha lub ntsablug ntawd rua koj.” 10Tes tug timtswv ceebtsheej kws sawv ntawm cov ntoo tswqaab txawm has tas, “Cov caij neeg ntawd yog cov kws tug TSWV tso moog tshuaj lub nplajteb.”
11Tes cov caij neeg ntawd txawm rov lug tshaabxu rua tug TSWV tug timtswv ceebtsheej kws sawv ntawm cov ntoo tswqaab has tas, “Peb tau moog ncig thoobplawg lub nplajteb lawm, mas peb pum lub nplajteb nyob ntshaus ntsho hab tsi muaj leejtwg paab le.”
12Tes tug timtswv ceebtsheej has tas, “Tug TSWV kws muaj Fwjchim Luj Kawg Nkaus, Koj chim rua lub nroog Yeluxalees hab tej nroog huv tebchaws Yudas lug tau xyaacaum xyoo nuav lawm. Tseem tshuav ntev lecaag Koj txhajle yuav taabncuab puab?”
13Tug TSWV teb ib cov lug npligsab rua tug timtswv ceebtsheej kws nrug kuv thaam ntawd, 14tes tug timtswv ntawd txhaj has kuas kuv cale qha lawvle tug TSWV kws muaj Fwjchim Luj Kawg Nkaus tej lug kws has tas, “Kuv txuj kev hlub hab kev tshua mas tub heev rua lub nroog Yeluxalees, kws yog Kuv lub nroog dlawbhuv, 15hab Kuv chim kawg nkaus rua txhua tsaav tuabneeg kws muaj kev zoosab nyob ntsagtu hab muaj kev nyaabxeeb ntawd. Kuv tsuas yog chim mivntsiv rua Kuv tsaav tuabneeg xwb, tabsis txhua tsaav tuabneeg cale ua rua Kuv tsaav tuabneeg raug txomnyem dlhau qhov Kuv npaaj tseg lawm. 16Yogle ntawd, Kuv txhaj rov lug rua huv lub nroog Yeluxalees hab qha Kuv txuj kev taabncuab rua lub nroog ntawd. Kuv lub Tuamtsev yuav raug txhimkhu dlua tshab, hab lub nroog yuav raug txhimkhu kuas zoo.”
17Tug timtswv ceebtsheej tseem kuas kuv qha ntxiv has tas, “Tug TSWV kws muaj Fwjchim Luj Kawg Nkaus has tas Nwg tej nroog yuav rov vaammeej dlua, hab Nwg yuav paab lub nroog Yeluxalees dlua ib zag ntxiv hab suav has tas lub nroog ntawd yog Nwg lub.”
Zaaj Ywgtoog Kws Pum Cov Kub Nyuj
18Muaj dlua ib zaaj ywgtoog kws kuv pum plaub tug kub nyuj. 19Kuv txawm nug tug timtswv ceebtsheej kws nrug kuv thaam ntawd tas, “Lub ntsablug ntawm cov kub nyuj nuav yog dlaabtsi?”
Nwg teb kuv tas, “Cov kub nyuj nuav pev txug tej tebchaws huv lub nplajteb kws muaj fwjchim, kws tau muab cov tuabneeg Yudais, cov Yixalayees, hab cov tuabneeg huv Yeluxalees lawv tsiv ri sua rua nuav rua u.”
20Tes tug TSWV txawm qha plaub tug tuabneeg ua num kws ib leeg tuav rawv ib raab rauj rua kuv. 21Kuv nug tas, “Cov txivneej nuav taabtom tuaj ua dlaabtsi?”
Nwg teb tas, “Puab yog cov kws tuaj hem hab ntaus txhua tsaav tuabneeg kws tuaj muab lub tebchaws Yudas tsuj puamtsuaj taag, hab muab cov Yudais lawv tsiv moog nyob uasaab uasua lawm.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.