Malakis 4
4
Vaajtswv Nub Tub Lug Yuav Txug
1Tug TSWV kws muaj Fwjchim Luj kawg nkaus has tas, “Thaus txug nub ntawd cov tuabneeg khaavtheeb hab cov tuabneeg ua phem ua qas yuav kub nyab ib yaam le tej quavnyaab. Nub ntawd puab yuav kub nyab taag, hab puab yuav tsi tshuav ib yaam dlaabtsi seem le. 2Tabsis kuv lub fwjchim yuav tawm tuaj cawm mej cov kws noog kuv lug ib yaam le lub nub tawm tuaj, hab coj kev khu mob lug rua mej ib yaam le tej dluab nub tuaj zab. Mej yuav nyob ywj sab hab muaj kev kaaj sab ib yaam le tej mivnyuas nyuj kws tso tawm huv nkuaj lug. 3Thaus txug nub kws kuv lug ua kuv teg num, mej yuav tawmtsaam yeej cov tuabneeg ua phem, hab mej yuav tsuj puab ib yaam le tsuj tej moov aav.
4“Mej ncu ntsoov kuv tug tubkhai Mauxes tej lug qha, yog tej kevcai hab tej lug saamfwm kws kuv muab rua nwg sau Roob Xinais, kuas cov Yixalayees txhua tug yuavtsum coj hab ua lawv le ntawd.
5“Tabsis ua ntej nub tseemceeb hab nub kws tug TSWV lug txav txim, kuv yuav khaiv Eliyas kws yog tug cev Vaajtswv lug, lug qha mej.#Mat 11.14; 17.10-13; Mak 9.11-13; Luk 1.17; Yhs 1.21 6Nwg yuav coj cov kws ua nam ua txiv hab tej mivnyuas rov lug nyob ua ke sis raug zoo dlua; yog tsi ua le ntawd, kuv yuav lug hab rhuav mej lub tebchaws kuas puamtsuaj.”
Currently Selected:
Malakis 4: HNJ2000
Highlight
Share
Copy
Want to have your highlights saved across all your devices? Sign up or sign in
© 2000 United Bible Societies. All rights reserved.