Tsiv Dlim 23
23
Has Txug Kev Ua Ncaajnceeg Rua Txhua Tug
1“Tsi xob xyaav tej zaaj kws tsi tseeb rua nrau toj nrau peg, hab tsi xob ua timkhawv cuav paab tug tuabneeg txhum. #Tsiv 20:16; Levi 19:11-12; 2Kev 5:20 2Tsi xob moog nrug cov tuabneeg feem coob ua phem, lossis nrug puab ntxeev txuj kev ncaajnceeg. 3Tsi xob laam tuaj tug tuabneeg pluag tog thaus moog has nwg rooj plaub. #Levi 19:15
4“Yog koj moog pum koj tug yeebncuab tug nyuj lossis tug neegluav kws pluj lawm, koj cale caab kag rovqaab lug rua nwg. 5Yog koj moog pum tug tuabneeg kws ntxub koj tug neegluav qaug vim thauj nraa nyaav, koj cale moog paab nwg tsaa tug neegluav ntawd sawv, tsi xob dlhau moog. #2Kev 22:1-4
6“Tsi xob txavtxim tsi ncaaj rua tug tuabneeg pluag thaus nwg tuaj rua huv tsev tu plaub. 7Tsi xob lam tej yaam tsi tseeb rua lwmtug, hab tsi xob muab tug tuabneeg dlawbhuv tua povtseg, ruaqhov Kuv yuav rautxim rua txhua tug kws ua phem le ntawd. 8Tsi xob txais luas tej nyaj xab, ruaqhov tej nyaj xab ntawd ua rua tuabneeg qhovmuag dlig, tes cale tsi pum qhov kws yog hab ntxeev cov tuabneeg ncaajnceeg txujcai. #Levi 19:15; 2Kev 16:19
9“Tsi xob caijtsuj cov tuabneeg poob tebchaws; mej yeej paub tas ua tuabneeg txawv tebchaws zoo lecaag, ruaqhov mej tub ua tuabneeg txawv tebchaws nyob rua huv tebchaws Iziv lug lawm. #Tsiv 22:21; Levi 19:33-34; 2Kev 24:17-18; 27:19
Xyoo Thib Xyaa Hab Nub Thib Xyaa
10“Mej muab rau xyoo lug cog qoob cog loo hab sau mej tej qoobloo huv mej tej teb. 11Tabsis xyoo thib xyaa ca tej teb tau su, hab tsi xob sau ib yaam dlaabtsi kws tuaj huv mej tej teb ntawd le. Cov tuabneeg pluag yuav noj tej kws tuaj huv tej teb ntawd, hab tej tsaj qus yuav noj tej kws seem nyob rua huv. Mej tej vaaj txivmaab hab mej tej txiv ntoo-roj los ua ib yaam le ntawd. #Levi 25:1-7
12“Mej ua mej tej num rau nub, tabsis mej tsi xob ua num rua nub thib xyaa, sub mej tej tubqhe hab cov tuabneeg txawv tebchaws kws ua num rua mej hab mej tej tsaj txhaj tau su lugsav. #Tsiv 20:9-11; 31:15; 34:21; 35:2; Levi 23:3; 2Kev 5:13-14
13“Ncuntsoov txhua yaam kws Kuv, kws yog tug TSWV, has rua mej lawm. Tsi xob thov txug lwmtug nyuas vaajtswv le; hab tsi xob has txug puab tej npe hlo le.
Ib Xyoos Ua Peb Zag Kevcai
(Tsiv Dlim 34:18-26; 2 Kevcai 16:1-17)
14“Yuavtsum ua kevcai uatsaug rua Kuv ib xyoos twg peb zag. 15Lub hli Anpis, yog lub hli kws mej tawm huv tebchaws Iziv lug, yogle ntawd, mej cale ua Kevcai noj Ncuav Tsi Xyaw Keeb lawvle Kuv tau xaaj tseg rua mej lawm. Xyaa nub kws mej ua kevcai ntawd mej tsi xob noj tej ncuav xyaw keeb hlo le. Mej tsi xob tuaj pehawm Kuv teg dlawb teg nplag. #Tsiv 12:14-20; Levi 23:6-8; Teev 28:17-25
16“Ua Kevcai Sau Qoobloo rua thaus lub caij kws mej pib sau mej tej qoob.
“Ua Kevcai Nyob Tsev Pheebsuab rua lub caij nplooj ntoos zeeg, kws yog thaus mej sau mej tej txivmaab txivntoo huv mej tej vaaj. #Levi 23:15-21; Teev 28:26-31; Levi 23:39-43
17“Txhua xyoo nyob rua peb zag kws mej ua cov kevcai nuav, mej cov txivneej yuavtsum tuaj pehawm Kuv, kws yog tug TSWV, mej tug Vaajtswv.
18“Thaus mej muab tsaj tua hlawv fij rua Kuv ntawd, tsi xob muab cov ncuav kws xyaw keeb fij rua Kuv. Cov npluag roj ntawm cov tsaj kws muab tua fij rua Kuv thaus mej ua cov kevcai nuav, tsi pub seem moog txug taagkig sawvntxuv le.
19“Txhua xyoo mej yuavtsum coj tej qoobloo kws mej xub sau tau lug tuaj fij rua huv tug TSWV, kws yog mej tug Vaajtswv lub tuamtsev.
“Tsi xob muab mivnyuas yaaj lossis mivnyuas tshis cov nqaj hau rua huv nwg nam cov kua mig. #2Kev 26:2; Tsiv 34:26; 2Kev 14:21
Tej Lug Cogtseg Hab Tej Lug Pav Qha
20“Kuv yuav khaiv ib tug timtswv ua mej ntej, tsomkwm mej thaus mej taabtom taug kev hab nwg yuav coj mej moog kuas txug qhov chaw kws Kuv tub tau npaaj tseg rua mej lawm. 21Mej yuavtsum noog nwg lug hab fwm nwg. Tsi xob ntxeevsab tawmtsaam nwg, ruaqhov Kuv yog tug tso nwg lug, mas nwg yuav tsi zaamtxim rua txuj kev ntxeevsab ntawd. 22Tabsis yog mej fwm nwg hab ua lawvle Kuv xaaj, Kuv yuav tawmtsaam mej tej yeebncuab. 23Kuv tug timtswv yuav moog ua mej ntej hab coj mej moog kuas txug huv lub tebchaws kws cov Amaules, cov Hitis, cov Pelixes, cov Kana-aas, cov Hivis, hab cov Yenpus nyob, hab Kuv yuav ua kuas puab puamtsuaj taag.
24“Mej tsi xob pehawm puab tej nyuas vaajtswv hlo le, hab tsi xob moog xyum coj puab tej kevcai, tabsis cale muab puab tej nyuas vaajtswv ntawd rhuav povtseg hab muab puab tej ncej zeb kws muaj fwjchim tsoo kuas ntsoog taag povtseg. 25Yog mej pehawm Kuv, kws yog tug TSWV, mej tug Vaajtswv, Kuv yuav foom koobmoov kuas mej muaj noj muaj haus nplua-mag hab yuav tshem mej tej kaab mob kev nkeeg moog huv tuabsi. 26Nyob huv mej lub tebchaws, mej cov quaspuj yuav tsi pob mivnyuas lossis laam cale mooj tsi muaj tub muaj ki le. Kuv yuav pub kuas mej muaj sa nyob ntev.
27“Kuv yuav ua rua cov tuabneeg kws tawmtsaam mej ntshai Kuv; Kuv yuav coj kev ntxhuvsab lug rua cov tuabneeg kws mej yuav moog tawmtsaam, hab Kuv yuav ua kuas mej cov yeebncuab tsiv tawm ntawm mej moog. 28Kuv yuav ua kuas mej cov yeebncuab yoob taag;#23:28: Kuv yuav … yoob taag; lossis Kuv yuav tso nkawj lug plev mej cov yeebncuab. Kuv yuav lawv cov Hivis, cov Kana-aas, hab cov Hitis kuas tsiv uantej mej moog txug. 29Kuv yuav tsi lawv puab tsiv kuas taag huv ib lub xyoos. Yog Kuv ua le ntawd, lub tebchaws yuav caj nrojtsuag hab yuav muaj tsaj qus coob heev. 30Kuv yuav lawv puab tawm zujzug moog txug thaus mej fuamvaam coob, maamle muab hlo lub tebchaws rua mej.
31“Kuv yuav tu nrim rua mej lub tebchaws pib kag ntawm ceg Havtxwv Lab moog txug ncua ntawm Havtxwv Meditelanees, hab pib kag ntawm taj suabpuam moog txug ncua ntawm tug Dlej Yufatis. Kuv yuav muab fwjchim rua mej lawv cov tuabneeg kws nyob huv lub tebchaws ntawd kuas tsiv uantej kws mej moog nyob. 32Mej tsi xob moog nrug puab coglug rua ib yaam dlaabtsi lossis coglug rua puab tej nyuas vaajtswv hlo le. 33Tsi xob ca cov tuabneeg ntawd nrug mej nyob huv mej lub tebchaws; yog mej ca puab nrug mej nyob, puab yuav coj mej moog ua txhum tawmtsaam Kuv. Yog mej moog pehawm puab tej nyuas vaajtswv, qhov ntawd yuav yog ib rooj ntxab kws tais mej ntaag.”
Currently Selected:
Tsiv Dlim 23: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Tsiv Dlim 23
23
Has Txug Kev Ua Ncaajnceeg Rua Txhua Tug
1“Tsi xob xyaav tej zaaj kws tsi tseeb rua nrau toj nrau peg, hab tsi xob ua timkhawv cuav paab tug tuabneeg txhum. #Tsiv 20:16; Levi 19:11-12; 2Kev 5:20 2Tsi xob moog nrug cov tuabneeg feem coob ua phem, lossis nrug puab ntxeev txuj kev ncaajnceeg. 3Tsi xob laam tuaj tug tuabneeg pluag tog thaus moog has nwg rooj plaub. #Levi 19:15
4“Yog koj moog pum koj tug yeebncuab tug nyuj lossis tug neegluav kws pluj lawm, koj cale caab kag rovqaab lug rua nwg. 5Yog koj moog pum tug tuabneeg kws ntxub koj tug neegluav qaug vim thauj nraa nyaav, koj cale moog paab nwg tsaa tug neegluav ntawd sawv, tsi xob dlhau moog. #2Kev 22:1-4
6“Tsi xob txavtxim tsi ncaaj rua tug tuabneeg pluag thaus nwg tuaj rua huv tsev tu plaub. 7Tsi xob lam tej yaam tsi tseeb rua lwmtug, hab tsi xob muab tug tuabneeg dlawbhuv tua povtseg, ruaqhov Kuv yuav rautxim rua txhua tug kws ua phem le ntawd. 8Tsi xob txais luas tej nyaj xab, ruaqhov tej nyaj xab ntawd ua rua tuabneeg qhovmuag dlig, tes cale tsi pum qhov kws yog hab ntxeev cov tuabneeg ncaajnceeg txujcai. #Levi 19:15; 2Kev 16:19
9“Tsi xob caijtsuj cov tuabneeg poob tebchaws; mej yeej paub tas ua tuabneeg txawv tebchaws zoo lecaag, ruaqhov mej tub ua tuabneeg txawv tebchaws nyob rua huv tebchaws Iziv lug lawm. #Tsiv 22:21; Levi 19:33-34; 2Kev 24:17-18; 27:19
Xyoo Thib Xyaa Hab Nub Thib Xyaa
10“Mej muab rau xyoo lug cog qoob cog loo hab sau mej tej qoobloo huv mej tej teb. 11Tabsis xyoo thib xyaa ca tej teb tau su, hab tsi xob sau ib yaam dlaabtsi kws tuaj huv mej tej teb ntawd le. Cov tuabneeg pluag yuav noj tej kws tuaj huv tej teb ntawd, hab tej tsaj qus yuav noj tej kws seem nyob rua huv. Mej tej vaaj txivmaab hab mej tej txiv ntoo-roj los ua ib yaam le ntawd. #Levi 25:1-7
12“Mej ua mej tej num rau nub, tabsis mej tsi xob ua num rua nub thib xyaa, sub mej tej tubqhe hab cov tuabneeg txawv tebchaws kws ua num rua mej hab mej tej tsaj txhaj tau su lugsav. #Tsiv 20:9-11; 31:15; 34:21; 35:2; Levi 23:3; 2Kev 5:13-14
13“Ncuntsoov txhua yaam kws Kuv, kws yog tug TSWV, has rua mej lawm. Tsi xob thov txug lwmtug nyuas vaajtswv le; hab tsi xob has txug puab tej npe hlo le.
Ib Xyoos Ua Peb Zag Kevcai
(Tsiv Dlim 34:18-26; 2 Kevcai 16:1-17)
14“Yuavtsum ua kevcai uatsaug rua Kuv ib xyoos twg peb zag. 15Lub hli Anpis, yog lub hli kws mej tawm huv tebchaws Iziv lug, yogle ntawd, mej cale ua Kevcai noj Ncuav Tsi Xyaw Keeb lawvle Kuv tau xaaj tseg rua mej lawm. Xyaa nub kws mej ua kevcai ntawd mej tsi xob noj tej ncuav xyaw keeb hlo le. Mej tsi xob tuaj pehawm Kuv teg dlawb teg nplag. #Tsiv 12:14-20; Levi 23:6-8; Teev 28:17-25
16“Ua Kevcai Sau Qoobloo rua thaus lub caij kws mej pib sau mej tej qoob.
“Ua Kevcai Nyob Tsev Pheebsuab rua lub caij nplooj ntoos zeeg, kws yog thaus mej sau mej tej txivmaab txivntoo huv mej tej vaaj. #Levi 23:15-21; Teev 28:26-31; Levi 23:39-43
17“Txhua xyoo nyob rua peb zag kws mej ua cov kevcai nuav, mej cov txivneej yuavtsum tuaj pehawm Kuv, kws yog tug TSWV, mej tug Vaajtswv.
18“Thaus mej muab tsaj tua hlawv fij rua Kuv ntawd, tsi xob muab cov ncuav kws xyaw keeb fij rua Kuv. Cov npluag roj ntawm cov tsaj kws muab tua fij rua Kuv thaus mej ua cov kevcai nuav, tsi pub seem moog txug taagkig sawvntxuv le.
19“Txhua xyoo mej yuavtsum coj tej qoobloo kws mej xub sau tau lug tuaj fij rua huv tug TSWV, kws yog mej tug Vaajtswv lub tuamtsev.
“Tsi xob muab mivnyuas yaaj lossis mivnyuas tshis cov nqaj hau rua huv nwg nam cov kua mig. #2Kev 26:2; Tsiv 34:26; 2Kev 14:21
Tej Lug Cogtseg Hab Tej Lug Pav Qha
20“Kuv yuav khaiv ib tug timtswv ua mej ntej, tsomkwm mej thaus mej taabtom taug kev hab nwg yuav coj mej moog kuas txug qhov chaw kws Kuv tub tau npaaj tseg rua mej lawm. 21Mej yuavtsum noog nwg lug hab fwm nwg. Tsi xob ntxeevsab tawmtsaam nwg, ruaqhov Kuv yog tug tso nwg lug, mas nwg yuav tsi zaamtxim rua txuj kev ntxeevsab ntawd. 22Tabsis yog mej fwm nwg hab ua lawvle Kuv xaaj, Kuv yuav tawmtsaam mej tej yeebncuab. 23Kuv tug timtswv yuav moog ua mej ntej hab coj mej moog kuas txug huv lub tebchaws kws cov Amaules, cov Hitis, cov Pelixes, cov Kana-aas, cov Hivis, hab cov Yenpus nyob, hab Kuv yuav ua kuas puab puamtsuaj taag.
24“Mej tsi xob pehawm puab tej nyuas vaajtswv hlo le, hab tsi xob moog xyum coj puab tej kevcai, tabsis cale muab puab tej nyuas vaajtswv ntawd rhuav povtseg hab muab puab tej ncej zeb kws muaj fwjchim tsoo kuas ntsoog taag povtseg. 25Yog mej pehawm Kuv, kws yog tug TSWV, mej tug Vaajtswv, Kuv yuav foom koobmoov kuas mej muaj noj muaj haus nplua-mag hab yuav tshem mej tej kaab mob kev nkeeg moog huv tuabsi. 26Nyob huv mej lub tebchaws, mej cov quaspuj yuav tsi pob mivnyuas lossis laam cale mooj tsi muaj tub muaj ki le. Kuv yuav pub kuas mej muaj sa nyob ntev.
27“Kuv yuav ua rua cov tuabneeg kws tawmtsaam mej ntshai Kuv; Kuv yuav coj kev ntxhuvsab lug rua cov tuabneeg kws mej yuav moog tawmtsaam, hab Kuv yuav ua kuas mej cov yeebncuab tsiv tawm ntawm mej moog. 28Kuv yuav ua kuas mej cov yeebncuab yoob taag;#23:28: Kuv yuav … yoob taag; lossis Kuv yuav tso nkawj lug plev mej cov yeebncuab. Kuv yuav lawv cov Hivis, cov Kana-aas, hab cov Hitis kuas tsiv uantej mej moog txug. 29Kuv yuav tsi lawv puab tsiv kuas taag huv ib lub xyoos. Yog Kuv ua le ntawd, lub tebchaws yuav caj nrojtsuag hab yuav muaj tsaj qus coob heev. 30Kuv yuav lawv puab tawm zujzug moog txug thaus mej fuamvaam coob, maamle muab hlo lub tebchaws rua mej.
31“Kuv yuav tu nrim rua mej lub tebchaws pib kag ntawm ceg Havtxwv Lab moog txug ncua ntawm Havtxwv Meditelanees, hab pib kag ntawm taj suabpuam moog txug ncua ntawm tug Dlej Yufatis. Kuv yuav muab fwjchim rua mej lawv cov tuabneeg kws nyob huv lub tebchaws ntawd kuas tsiv uantej kws mej moog nyob. 32Mej tsi xob moog nrug puab coglug rua ib yaam dlaabtsi lossis coglug rua puab tej nyuas vaajtswv hlo le. 33Tsi xob ca cov tuabneeg ntawd nrug mej nyob huv mej lub tebchaws; yog mej ca puab nrug mej nyob, puab yuav coj mej moog ua txhum tawmtsaam Kuv. Yog mej moog pehawm puab tej nyuas vaajtswv, qhov ntawd yuav yog ib rooj ntxab kws tais mej ntaag.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.