PONGINTABAN 27
27
I Tangaanak di Silapihad do Tongoondu'
1I Silapihad nopo om kianak do limo o tondu', i Mala, i Noa, i Hogla, i Milka, om i Tirsa. I Silapihad nopo om tanak di Hipir, om i Hipir no om tanak di Giliad, om i Giliad no om tanak di Makir, om i Makir no om tanak di Manasi, om i Manasi no om tanak di Yusup. 2Om ongoi no i limo tanak di Silapihad do tondu'ddi solowot di Musa om i Iliasar, it Imam diri, om i piro-piro boyoon om koinsanai di tulun do pointimung do hiri'd toning di Kiim do Tuhan. Om boro-boros no iyolo' do poingkaa, 3“Napatai no i tapa' dahai do hilo'd tana' do kowotuan om aiso' i' o tanak dau'd kusai. Iyau nopo om okon i' ko' id pialatan di tulun di suminokodung di Kora, tu' suminaap do Tuhan; iri i dau'd dusa o nakapatai-patai dau. 4Nga' nokuro tuu tu' iri no it aiso' o tanak dau'd kusai o katanus-tanus do ngaran do tapa' dahai do mantad hiti'd bansa' dot Israil? Onuwai no iyahai do tana' do tungkusan dot id pogialatan di koobpinayan do tapa' dahai,” ka.
5Om posunudo' nod Musa i boros diyolo'ddi dot id Tuhan, 6om boros kad Tuhan dot id di Musa, 7“Koontok#Png. 36.2 i' ilo pokionuon di tangaanak di Silapihad do tongoondu'; onuan nopo iyolo'd tana' do tungkusan dot id pogialatan dilo koobpinayan di tapa' diyolo'. Om pologoson nopo dot otungkusan diyolo' it apatut dot aanu di tapa' diyolo'. 8Om sunudan no ilo tulun dot Israil dot ondung haro o kusai dot apatai om aiso' i' o tanak dau'd kusai om iri no i tanak dau'd tondu' o tumungkus do nunu nopo i dau'd songonuon. 9Ondung aiso' o tanak dau'd tondu', om iri no i koobpinayan dau'd tongokusai o kotungkus diri. 10Ondung aiso' o tobpinai dau'd kusai om iri no tobpinai di tapa' dau do kusai o kotungkus diri. 11Ondung aiso' o tobpinai dau'd kusai om aiso' o tamanon dau, om iri no i waris dau dit id somok po o kopiobpinayan o kotungkus diri om kaanu'ddi dot osiliu do dau'd songonuon. Om mositi' nod tonudon di tulun dot Israil iti do silihon dot oturan dit ogirot, do miagal di pinonuhuan ku, iyoho' i Tuhan, dot id diya',” ka dau.
Nopili' i Yosua do Sumowoli di Musa
(Pnu. 31.1-8)
12Om#Pnu. 3.23-27, 32.48-52 boros kad Tuhan dot id di Musa, “Ongoi takad dilo Nuluhon dot Abarim om mimpa' i' di tana' do patahakon ku dot id tulun dot Israil. 13Om kokito ko pondo'ddi, om matai ko no do miagal di Harun, i tobpinai nu, 14tu' suminurilog goduwo kou i' di pinonuhuan ku di hilo' kou id tana' do kowotuan do Sin. Tontok di sontogod-togod ngai' doho' i tulun di hilo'd Moriba, om minada' ko i' do pinopointalang di sinundu ku dit olidang dot id diyolo',” ka dau. (Moriba nopo nga' ngaran di tudan do waig do hilo'd Kadis, i hilo'd tana' do kowotuan do Sin.)
15Om sambayang no i Musa do poingkaa, 16“Oi Tuhan i Kinorohingan, i tadon do koposion do koinsanai di songimpasi, pokionuon ku no kopio do momili' ko'd tulun di milo do momoyo' diti tulun dot ogumu', 17om#1Ra. 22.17, Ykl. 34.5, Mat. 9.36, Mar. 6.34 i milo do momoyo' diyolo' do mongoi sangod, om a' i' iyolo' osiliu'd tulun do miagal di baanan do dumba' dit aiso' o gompomogompi',” ka.
18Om#Ksn. 24.13 boros kaddi do Tuhan dot id di Musa, “Lohowon no i Yosua i tanak di Nun, i tulun dit oilo kopio'ddi, om pakabayon no o longon nu dot id tulu dau. 19Poingkokoton no iyau dot id toguang di Iliasar it Imam diri om id toguang do toinsanan di tulun dot Israil, om poboroson nondo dot id toguang ngai' diyolo' dot iyau no i sumowoli diya'. 20Onuan no iyau do wookon di kuasa' nu om mumboyo' ngai' i' dau i tulun dot Israil. 21Om#Ksn. 28.30, 1So. 14.41, 28.6 mokituduk indo iyau di Iliasar it Imam diri, tu' koilo do korohian ku do mamakai dit Urim om i Tumim.#27.21 Urim om Tumim: Duwo konunuan do pakayon dit imam do mongilo'd korohian do Kinorohingan; amu' i' oilaan kopio ondung poingkuro o pamakai diti. Om iyo noddi o ralan di Iliasar do monuduk di Yosua om koinsanai di tulun dot Israil dit apatut diyolo'd wonsoyon,” ka dau. 22Om wonsoyo' nod Musa o miagal di pinonuhuan do Tuhan dot id dau. Om poingkakato' no dau i Yosua do hiri'd toguang di Iliasar, it Imam diri, om id toguang do koinsanai di tulun. 23Om#Pnu. 31.23 pakabayo' nod Musa o longon dau dot id tulu di Yosua, om poboroso' no dau dot id tulun dot ogumu' dot i Yosua no o sumowoli dau; tu' iyo noddi o pinonuhuan do Tuhan.
Currently Selected:
PONGINTABAN 27: BDK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2007, Pertubuhan Bible Malaysia Copyright © 2007, Bible Society of Malaysia
PONGINTABAN 27
27
I Tangaanak di Silapihad do Tongoondu'
1I Silapihad nopo om kianak do limo o tondu', i Mala, i Noa, i Hogla, i Milka, om i Tirsa. I Silapihad nopo om tanak di Hipir, om i Hipir no om tanak di Giliad, om i Giliad no om tanak di Makir, om i Makir no om tanak di Manasi, om i Manasi no om tanak di Yusup. 2Om ongoi no i limo tanak di Silapihad do tondu'ddi solowot di Musa om i Iliasar, it Imam diri, om i piro-piro boyoon om koinsanai di tulun do pointimung do hiri'd toning di Kiim do Tuhan. Om boro-boros no iyolo' do poingkaa, 3“Napatai no i tapa' dahai do hilo'd tana' do kowotuan om aiso' i' o tanak dau'd kusai. Iyau nopo om okon i' ko' id pialatan di tulun di suminokodung di Kora, tu' suminaap do Tuhan; iri i dau'd dusa o nakapatai-patai dau. 4Nga' nokuro tuu tu' iri no it aiso' o tanak dau'd kusai o katanus-tanus do ngaran do tapa' dahai do mantad hiti'd bansa' dot Israil? Onuwai no iyahai do tana' do tungkusan dot id pogialatan di koobpinayan do tapa' dahai,” ka.
5Om posunudo' nod Musa i boros diyolo'ddi dot id Tuhan, 6om boros kad Tuhan dot id di Musa, 7“Koontok#Png. 36.2 i' ilo pokionuon di tangaanak di Silapihad do tongoondu'; onuan nopo iyolo'd tana' do tungkusan dot id pogialatan dilo koobpinayan di tapa' diyolo'. Om pologoson nopo dot otungkusan diyolo' it apatut dot aanu di tapa' diyolo'. 8Om sunudan no ilo tulun dot Israil dot ondung haro o kusai dot apatai om aiso' i' o tanak dau'd kusai om iri no i tanak dau'd tondu' o tumungkus do nunu nopo i dau'd songonuon. 9Ondung aiso' o tanak dau'd tondu', om iri no i koobpinayan dau'd tongokusai o kotungkus diri. 10Ondung aiso' o tobpinai dau'd kusai om iri no tobpinai di tapa' dau do kusai o kotungkus diri. 11Ondung aiso' o tobpinai dau'd kusai om aiso' o tamanon dau, om iri no i waris dau dit id somok po o kopiobpinayan o kotungkus diri om kaanu'ddi dot osiliu do dau'd songonuon. Om mositi' nod tonudon di tulun dot Israil iti do silihon dot oturan dit ogirot, do miagal di pinonuhuan ku, iyoho' i Tuhan, dot id diya',” ka dau.
Nopili' i Yosua do Sumowoli di Musa
(Pnu. 31.1-8)
12Om#Pnu. 3.23-27, 32.48-52 boros kad Tuhan dot id di Musa, “Ongoi takad dilo Nuluhon dot Abarim om mimpa' i' di tana' do patahakon ku dot id tulun dot Israil. 13Om kokito ko pondo'ddi, om matai ko no do miagal di Harun, i tobpinai nu, 14tu' suminurilog goduwo kou i' di pinonuhuan ku di hilo' kou id tana' do kowotuan do Sin. Tontok di sontogod-togod ngai' doho' i tulun di hilo'd Moriba, om minada' ko i' do pinopointalang di sinundu ku dit olidang dot id diyolo',” ka dau. (Moriba nopo nga' ngaran di tudan do waig do hilo'd Kadis, i hilo'd tana' do kowotuan do Sin.)
15Om sambayang no i Musa do poingkaa, 16“Oi Tuhan i Kinorohingan, i tadon do koposion do koinsanai di songimpasi, pokionuon ku no kopio do momili' ko'd tulun di milo do momoyo' diti tulun dot ogumu', 17om#1Ra. 22.17, Ykl. 34.5, Mat. 9.36, Mar. 6.34 i milo do momoyo' diyolo' do mongoi sangod, om a' i' iyolo' osiliu'd tulun do miagal di baanan do dumba' dit aiso' o gompomogompi',” ka.
18Om#Ksn. 24.13 boros kaddi do Tuhan dot id di Musa, “Lohowon no i Yosua i tanak di Nun, i tulun dit oilo kopio'ddi, om pakabayon no o longon nu dot id tulu dau. 19Poingkokoton no iyau dot id toguang di Iliasar it Imam diri om id toguang do toinsanan di tulun dot Israil, om poboroson nondo dot id toguang ngai' diyolo' dot iyau no i sumowoli diya'. 20Onuan no iyau do wookon di kuasa' nu om mumboyo' ngai' i' dau i tulun dot Israil. 21Om#Ksn. 28.30, 1So. 14.41, 28.6 mokituduk indo iyau di Iliasar it Imam diri, tu' koilo do korohian ku do mamakai dit Urim om i Tumim.#27.21 Urim om Tumim: Duwo konunuan do pakayon dit imam do mongilo'd korohian do Kinorohingan; amu' i' oilaan kopio ondung poingkuro o pamakai diti. Om iyo noddi o ralan di Iliasar do monuduk di Yosua om koinsanai di tulun dot Israil dit apatut diyolo'd wonsoyon,” ka dau. 22Om wonsoyo' nod Musa o miagal di pinonuhuan do Tuhan dot id dau. Om poingkakato' no dau i Yosua do hiri'd toguang di Iliasar, it Imam diri, om id toguang do koinsanai di tulun. 23Om#Pnu. 31.23 pakabayo' nod Musa o longon dau dot id tulu di Yosua, om poboroso' no dau dot id tulun dot ogumu' dot i Yosua no o sumowoli dau; tu' iyo noddi o pinonuhuan do Tuhan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2007, Pertubuhan Bible Malaysia Copyright © 2007, Bible Society of Malaysia