ཡེ་ཤ་ཡཱ 42
TOT11

ཡེ་ཤ་ཡཱ 42

42
གཙོ་བོ་དཀོན་མཆོག་གི་ཞབས་ཕྱི།
1གཙོ་བོ་དཀོན་མཆོག་ཁོང་གིས་བཀའ་གནང་བ། ང་ཡིས་ནུས་སྟོབས་བྱིན་པའི་ངའི་ཞབས་ཕྱི་འདིར།
ང་ཡིས་དེ་ལ་འདམས་ཡོད། ཁོ་མཉམ་ང་ནི་དགའ།
ང་ཡི་ཐུགས་ཉིད་ཁོའི་ནང་བཀང་ཡོད་པས། མི་རིགས་ཡོངས་ལ་ཁྲིམས་དྲང་སྤེལ་ཡོང་ངོ།
2ཁོ་ནི་སྐད་ཤུགས་མཐོ་པོར་མི་སྨྲའོ། རྒྱ་ལམ་ཁག་ཏུ་སྐད་ཤུགས་གཏམ་མི་གླེང།
3རྨད་པའི་འདམ་རྩྭ་དེ་ལ་ཁོ་ཡིས་མི་ཆག་གོ། ཞུ་མར་ཤི་གྲབ་ཡོད་ཀྱང་མ་བསད་དོ།
ཁོང་གིས་ཚང་མར་གཏན་གྱི་ཁྲིམས་དྲང་འཁྱེར་ཡོང་ངོ།
4ཁོང་གི་རེ་བ་དང་ནི་སྙིང་སྟོབས་དེ་མི་རླག། ཁོང་གིིས་ས་གཞིར་ཁྲིམས་དྲང་འཇུག་པར་བྱ།
གླིང་ཕྲན་ཚོས་ཁོང་གི་སློབ་སྟོན་སྒུག།
5དཀོན་མཆོག་ཁོང་གིས་མཐོ་རིས་བཀོད་ནས་དེ་བརྐྱངས་སོ།
ཁོང་གིས་ས་གཞི་དང་དེར་གནས་རྣམས་ལ་བཀོད་གནང་ངོ་།
ཚང་མར་སྲོག་དང་དབུགས་ནི་གནང་བར་མཛད།
ད་ནི་དཀོན་མཆོག་གཙོ་བོ་དཀོན་མཆོག ཁོང་གིས་རང་གི་ཞབས་ཕྱིར་བཀའ་གནང་བ།
6ས་གཞིར་ཁྲིམས་དྲང་བྱེད་པའི་ཕྱིར་ང་གཙོ་བོ་དཀོན་མཆོག། ཁྱོད་ལ་བོས་ནས་ནུས་མཐུ་འབྱིན།
ཁྱོད་རང་བརྒྱུད་ནས་ང་མི་མང་ཚང་མ། མཉམ་དུ་དམ་བཅའ་འཇོག་རྒྱུ་ཡིན།
ཁྱོད་བརྒྱུད་མི་རིགས་ཡོངས་ལ་འོད་གསལ་འབྱིན།
7ཁྱོད་ཀྱིས་ལོང་བའི་མིག་ནི་འབྱེད་པར་འགྱུར། མུན་པའི་བཙོན་ནས་བཙོན་པ་རྣམས་སྒྲོལ་ལོ།
8གཙོ་བོ་དཀོན་མཆོག་ཁྱོད་ཀྱི་དཀོན་མཆོག་ང་རང་གཅིག་པུ་ཡིན།
ང་ཡི་གཟི་བརྗིད་ལྷ་གཞན་ཚོར་མི་སྤྲད་དོ། ང་ཡི་བསྟོད་པར་འདྲ་སྐུར་ཚོ་ལ་མི་སྤྲོད་དོ།
9ང་ཡིས་ལུང་བསྟན་བདེན་པར་བྱུང་ཡོད་དོ། ད་ངས་བྱ་བ་གསར་པ་མ་བྱུང་སྔོན།
དེ་ཚོའི་སྐོར་དེ་ཁྱོད་ལ་ཤོད་རྒྱུ་ཡིན༎
བསྟོད་པའི་མགུར་མ།
10གཙོ་བོ་དཀོན་མཆོག་ཁོང་ལ་མགུར་མ་གསར་པ་ཞིག་ལེན་ཞིག།
འཛམ་གླིང་ཡོངས་ཀྱི་ཁོང་ལ་བསྟོད་དབྱངས་ལེན། ཁྱོད་རྣམས་རྒྱ་མཚོར་འགྲུལ་མཁན་ཁོང་ལ་བསྟོད།
རྒྱ་མཚོའི་སེམས་ཅན་ཡོངས་ཀྱི་ཁོང་ལ་བསྟོད། གླིང་ཕྲན་རྣམས་དང་དེར་གནས་གཞས་ཐོང་ཞིག།
11བྱེ་ཐང་དང་དེ་ཡི་གྲོང་རྣམས་དཀོན་མཆོག་ཁོང་ལ་བསྟོད།
ཀེ་དར་མི་མང་ཁོང་ལ་བསྟོད་དུ་བཅུག། སེ་ལའི་གྲོང་ཁྱེར་ནང་དུ་སྡོད་མཁན་ཚོས།
རི་བོའི་རྩེ་ནས་དགའ་བའི་སྐད་འབོད་ཅིག།
12གླིང་ཕྲན་རྣམས་སུ་གནས་མཁན་མི་མང་རྣམས།
གཙོ་བོ་དཀོན་མཆོག་ཁོང་ལ་གཟི་བརྗིད་དང་བསྟོད་པ་ཕུལ་ཞིག།
13གཙོ་བོ་དཀོན་མཆོག་ཁོང་ནི་དཔའ་བོ་ལྟ་བུ་དམག་འདྲེན་ཕེབས།
ཁོང་ནི་གཡུལ་དུ་གྲ་སྒྲིགས་ཐུགས་འདོད་ཡོད། ཁོང་གིས་དམག་སྐད་གཡུལ་གྱི་འབོད་སྒྲ་སྒྲོགས།
ཁོང་གིས་དགྲ་བོའི་ཐོག་ཏུ་རང་ནུས་སྟོབས་སྟོན།
དཀོན་མཆོག་གིས་ཁོང་གི་མི་མང་ལ་རོགས་གནང་རྒྱུའི་ཞལ་བཞེས།
14དཀོན་མཆོག་ཁོང་གིས་བཀའ་གནང་བ། དུས་ཡུན་རིང་པོར་ང་ཡི་ཁ་རོག་བསྡད།
ང་ཡིས་མི་མང་རྣམས་ལ་ལན་འདེབས་མེད། ད་ཆ་ལས་འགུལ་བྱེད་པའི་དུས་ལ་སླེབས་ནས་ཡོད།
བུད་མེད་སྐྱེ་གཟེར་རྒྱབ་འདྲ་ངས་སྐད་འདོན།
15ང་ཡིས་རི་དང་རི་ཕྲན་རྣམས་ནི་མེད་པར་བཟོ། རྩ་དངཤིང་སྡོང་རྣམས་ནི་སྐམ་པར་བྱེད།
ང་ཡིས་ལུང་གཤོང་རྒྱུག་ཆུ་བྱེ་ཐང་བཟོ། ཆུ་ཡི་རྫིང་བུ་རྣམས་ནི་སྐམ་པར་བྱས།
16ང་ཡིས་ང་ཡི་མི་མང་ལོང་བ་རྣམས། འགྲོ་མ་མྱོང་བའི་ལམ་དུ་སྣེ་འཁྲིད་བྱད།
ང་ཡིས་དེ་ཚོའི་མུན་པར་འོད་དུ་འགྱུར། དེ་ཚོའི་མདུན་གྱི་ལམ་རྩུབ་འཇམ་པོར་བཟོ།
དེ་ཚོ་རྣམས་ནི་ང་ཡི་ཞལ་བཞེས་ཡིན། ང་ཡིས་འགལ་མེད་དེ་རྣམས་སྲུང་རྒྱུ་ཡིན།
17འདྲ་སྐུར་ཡིད་ཆེས་བློས་འགེལ་བྱ་མཁན་རྣམས།
འདྲ་སྐུར་དེ་ཚོའི་དཀོན་མཆོག་བརྗོད་མཁན་ཚོར།
དམའ་འབེབས་དང་ནི་ཞབས་འདྲེན་གཏོང་རྒྱུ་ཡིན༎
ཨིསི་རཱཨེལ་གྱིས་སྦྱོངས་མི་ཐུབ་པ།
18གཙོ་བོ་དཀོན་མཆོག་ཁོང་གིས་བཀའ་གནང་བ།
ཁྱོད་ཚོ་མི་མང་འོན་པ་རྣམས་ཉོན་ཞིག། ཁྱོད་ཚོ་ལོང་བ་རྣམས་ནི་ཞིབ་མོར་ལྟོས།
19ང་ཡི་ཞབས་ཕྱི་ལས་ལྷག་པ། གཞན་དག་ལོང་བ་སུ་ཞིག་ཡོད་རེད་དམ།
ང་ཡིས་བཏང་བའི་བང་ཆེན་ལས། གཞན་དག་འོན་པ་སུ་ཞིག་ཡོད་རེད་དམ།
20ཨིསི་རཱཨེལ་ཁྱོད་ཀྱིས་མང་པོ་མཐོང་ཡོད་དོ། འོན་ཀྱང་དེ་ཡིས་ཁྱོད་ཀྱིས་ཅི་རྟོགས་སམ།
ཁྱོད་ལ་ཉན་པའི་རྣ་བ་ཡོད་ན་ཡང། ཁྱོད་ཀྱིས་དངོས་འབྲེལ་ག་རེ་གོ་བྱུང་ངམ།
21གཙོ་བོ་དཀོན་མཆོག་ཁོང་ནི་སྐྱོབ་པ་གནང་རྒྱུར་ཐུགས་འདོད་ཆེན་པོ་ཡོད།
དེར་བརྟེན་ཁོང་གི་ཁྲིམས་དང་སློབ་སྟོན་རྣམས་ཡར་ལ་བཏེགས།
རང་གི་མི་མང་ནས་དེར་གུས་བརྩི་ཞུ་བར་འདོད།
22འོན་ཀྱང་ཁོང་གི་མི་མང་བཅོམ་ནས་ཡོད། དེ་ཚོ་བཙོན་དོང་ནང་དུ་བཅུག་ནས་ཡོད།
བཙོན་ཁང་ནང་དུ་ཡིབ་པར་གྱིས་བཅུག་ཡོད།
ཇག་བཅོམ་དང་ནི་འཕྲོག་བཅོམ་ནང་ཚུད་ཡོད་པས།
དེ་ཚོར་སྐྱོབ་རོགས་བྱེད་མི་སུ་ཡང་མེད།
23ཁྱོད་ཚོའི་ནང་ནས་སུ་ཞིག་དེ་ལ་ཉན་ནམ། ད་ནས་ཟུང་ཁྱོད་ཚོས་ཟབ་ཟབ་ངང་ནས་ཉོན་ནམ།
24ཡ་ཀོབ་ལ་ཇག་པར་སུས་སྤྲད་དམ། དཀོན་མཆོག་ཉིད་ཀྱིས་གནང་བ་ཡིན།
ཁོང་གི་སྤྱན་སྔར་ང་ཚོས་སྡིག་པ་གྱིས། ང་ཚོ་ཁོང་གི་ཐུགས་འདོད་ལྟར་གནས་མེད།
ཁོང་གིས་སློབ་སྟོན་གནང་བར་ཉན་མེད་དོ།
25དེར་བརྟེན་ཁོང་གི་ཐུགས་ཁྲོའི་ནུས་པ་ང་ཚོར་འཚོར་རུ་འཇུག།
དམག་གི་དཀའ་ངལ་མྱོང་བར་འཇུག་པ་གནང། ཁོང་གི་ཐུགས་ཁྲོ་མེ་ལྟར་འབར་བ་དེས།
ཨིསི་རཱཨེལ་ཡོངས་ལ་འབར་རུ་འཇུག་ན་ཡང། ཇི་ལྟར་བྱུང་བ་ཡིན་པ་ང་ཚོས་མི་ཤེས་སོ།
དེ་ནས་ང་ཚོས་སློབ་སྟོན་གང་ཡང་མ་ལེན་ནོ༎

Tibetan Old Testament © Bible Society of Nepal, 2011.


Learn More About Tibetan Old Testament 2011

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.