Masmur 76
76
Allah Taala ti Pemenang#76.0 TAJUK DALAM HEBREW: Masmur ulih Asap. Pantun
1Orang di menua Judah endang nemu Allah Taala.
Nama Iya endang dikemesaika orang di menua Israel.
2Iya bisi rumah di Jerusalem.
Iya diau ba Bukit Sion.
3Dia meh endur alai Iya ke matahka panah munsuh,
terabai, enggau pedang, enggau semua senyata sida.
4Naka meh pemesai mulia Nuan, O Allah Taala!
Naka meh pemesai kuasa Nuan lebuh Nuan pulai ari bukit
alai Nuan ti udah ngalahka bala munsuh Nuan.
5Semua utai bala soldadu sida ke berani udah abis dirampas
lalu sida diatu tinduk baka orang ke mati.
Semua pengering enggau pengelandik sida nadai guna agi.
6Lebuh Nuan ngemba sida, O Allah Taala Jakop,
kuda enggau orang ke nepan kuda mati.
7Nuan, O TUHAN, endang diketakutka semua mensia.
Nadai orang tan bediri di mua Nuan
lebuh Nuan ringat.
8Nuan meri pemutus pechara ari serega.
Dunya takut lalu enda engkeretik,
9lebuh Nuan angkat lalu madahka pemutus pechara,
kena Nuan ngelepaska semua orang ke kena tekan di dunya tu.
10Pengeringat mensia semina ngasuh Nuan balat agi dipuji.
Orang ke enda mati beperang deka ngintu gawai Nuan.#76.10 Ayat 10 enda terang dalam Hebrew
11Beri ngagai TUHAN Allah Taala kita utai ti udah disemaya kita.
Bai meh pemeri ngagai Iya, semua kita bansa ti semak.
Allah Taala ngenakutka semua mensia.
12Iya ngemaruhka raja ti sumbung
lalu ngemba raja ti besai.
Currently Selected:
Masmur 76: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
