Masmur 74
74
Sampi Minta Pengelepas Ke Bansa#74.0 TAJUK DALAM HEBREW: Puisi ulih Asap
1Nama kebuah Nuan ninggalka kami baka tu, O Allah Taala?
Kati Nuan deka ringat belama iya ngagai bala nembiak Nuan?
2Kingatka bala nembiak Nuan, ti udah dipilih Nuan Empu dulu kelia,
ti udah dibai Nuan pansut ari pengidup sida ke nyadi ulun, lalu nyadi raban bansa Nuan Empu.
Kingatka Bukit Sion, ti udah alai Nuan diau dulu kelia.
3Bejalai meh Nuan nengah semua tembawai tu.
Bala munsuh kami udah ngerusak semua utai dalam Rumah Sembiang.
4Bala munsuh Nuan udah manjung dalam Rumah Nuan madahka pemenang diri.
Sida udah nuatka menira kena sida nandaka diri menang.
5Gamal sida baka orang ke kereja batang
ke betebangka kayu ngena kapak.#74.5 Ayat 5 enda terang dalam Hebrew
6Sida mechahka semua papan ukir
ngena kapak enggau tukul sida.
7Sida ngerusak lalu nunu Rumah Nuan.
Sida ngamahka endur alai Nuan disembah.
8Sida endang deka ngalahka kami abis.
Sida nunu semua endur ti kudus di menua tu.
9Semua tanda ti kudus udah abis magang.
Bala nabi nadai agi tinggal,
lalu nadai orang nemu pengelama utai tu deka nyadi.
10Ni pengelama bala munsuh kami deka ketawaka Nuan, O Allah Taala?
Kati sida deka mechat nama Nuan belama iya?
11Nama kebuah Nuan enggai nulung kami?
Nama kebuah Nuan diau jenuh lalu melawikka jari?#74.11 Nama kebuah Nuan diau jenuh lalu melawikka jari; Enda terang dalam Hebrew
12Tang Nuan endang Raja kami kenyau ari pun, O Allah Taala.
Nuan suah udah ngelepaska kami.
13 #
P-sut 14.21. Ngena pengering kuasa Nuan, Nuan udah melah tasik
lalu mechahka pala naga tasik.
14 #
Jop 41.1; Mas 104.26; Isa 27.1. Nuan udah ngeredakka pala naga tasik#74.14 naga tasik; Jelu kelulu, kena nandaka kuasa penyarut enggau kuasa penyai
lalu ngasuh bangkai iya diempa jelu#74.14 jelu; Tauka: mensia di menua puang.
15Nuan ngasuh ai pansut ari mata ai, lalu ngasuh ai engkeching.
Nuan udah ngerangkaika sungai ti besai.
16Nuan udah ngaga siang enggau malam.
Nuan udah ngengkahka mata hari enggau bulan ba endur sida.
17Nuan ngeletak pemesai dunya.
Nuan ngeletak musin panas enggau musin chelap.
18Tang ingat, O TUHAN, bala munsuh Nuan ketawaka Nuan.
Sida nya orang ke enda arapka Nuan, sereta ngeleseka Nuan.
19Anang ninggalka bala nembiak Nuan ti nadai daya tu ba jari munsuh sida ke jai.
Anang enda ingatka bala nembiak Nuan ke diperinsaka orang!
20Kingatka sempekat ti udah digaga Nuan enggau kami.
Utai ti kasar bisi ba semua teluk ti petang di menua tu.
21Anang nejuka orang ngemaluka sida ke kena tekan.
Awakka orang ke seranta enggau suntuk muji Nuan.
22Angkat meh Nuan, Allah Taala, lalu bejaku ngarika Nuan Empu!
Kingatka orang bansa bukai ke ketawaka Nuan sepemanjai hari.
23Anang enda ingatka panjung munsuh Nuan,
penginggar bala munsuh Nuan ti enda nemu badu.
Currently Selected:
Masmur 74: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
