Masmur 72
72
Sampi Ke Raja#72.0 TAJUK DALAM HEBREW: Ulih Solomon
1Ajar raja ngambika iya ngakim ngena pengelurus Nuan, O Allah Taala.
Bagi ngagai iya atur Nuan ti lurus,
2ngambika iya megai bala nembiak Nuan enggau pengelurus
lalu merintah orang ke seranta ngena atur ti lurus.
3Awakka menua kami nyadi kaya-raja.
Awakka menua kami ngasaika pengelurus.
4Awakka raja ngakim orang ke seranta ngena ati ti betul.
Awakka iya nulung orang ke suntuk
lalu ngalahka orang ke nekanka pengidup sida.
5Awakka bala nembiak Nuan nyembah Nuan seagi mata hari manchar,
seagi bulan meri penampak belama iya.
6Awakka raja nyadi baka ujan ti labuh ninggang umai,
baka ujan ti beberis ninggang tanah.
7Awakka pengelurus ngerembai ngagai semua endur seumur raja,
lalu awakka pengaya tan, seagi bulan meri penampak.
8 #
Sek 9.10; [2]
Sir 44.21. Perintah iya deka ngerembai ari tasik siti ngagai tasik siti,
ari Eupratis di serata dunya.
9Semua bansa ti nguan menua puang deka meremi di mua iya.
Bala munsuh iya deka nyungkurka diri ke tanah.
10Bala raja menua Spain enggau raja mayuh bengkah pulau deka meri iya pemeri.
Raja menua Sheba enggau Seba#72.10 Sheba enggau Seba; Menua Sheba nya ari selatan menua Arabia, lalu menua Seba nya di seberai Tasik Mirah deka mai pemeri ngagai iya.
11Semua raja deka meremi di mua iya.
Semua bansa deka bekereja ke iya.
12Iya ngelepaska orang ke seranta, ke ngangauka iya,
enggau sida ke suntuk sereta enda dikibuhka orang.
13Iya sinu ati ke orang ke lemi sereta seranta.
Iya ngidupka nyawa sida ke suntuk.
14Iya ngelepaska sida ari orang ke nekanka pengidup sida, enggau ari orang ke mangah.
Iya amat balat sayauka sida.
15Gayu-guru meh raja!
Awakka iya diberi emas ari Sheba.#72.15 Sheba: Peda 72.10
Awakka orang besampika iya belama.
Awakka Allah Taala seruran merekatka iya!
16Awakka gandum seruran mayuh di menua.
Awakka bukit penuh laban utai ti ditanam,
ngelebat sida ke di menua Lebanon.
Awakka nengeri penuh laban mensia,
baka padang ti penuh laban rumput.
17Awakka nama raja seruran dikingatka.
Awakka penampak nama iya meruan baka mata hari.
Awakka semua bansa minta Allah Taala merekatka sida
baka Iya ti udah merekatka raja.#72.17 baka Iya ti udah merekatka raja; Tauka: awakka sida ngajihka raja lantang senang
18Pujika TUHAN Allah Taala ke disembah orang Israel!
Semina Iya siku aja ti ngereja utai ti badas nya.
19Pujika nama Iya ti bemulia belama iya!
Awakka mulia Iya ngemenuhka dunya.
Amin! Amin!
20Nya meh naka sampi David anak Jesi.
Currently Selected:
Masmur 72: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
