१ कोरिन्थी 13
13
प्रेम
1कादेये मीयूदे क्यमब मेस्ये स्वर्गदूतदे क्यमब केने ङ क्यम्लीने, ङैजे सेम्ने प्रेम त्वोदे यली, ङैदे क्यमब पो सीत्तीने तेरब छील्लीङ् मेस्ये झ्याइ झ्याइ चेब छ्योलोम्प्रत्या क्यूक्क्य। 2#मत्ती 17:20; 21:21; मर्कूस 11:23ङैप्रे अगमवाणी क्यम ख्वब शक्ति ख्यङ्स्ये, मेस्ये क्व अङ्ख्वब नङ्सू पोयू, साप्ता थर्जे ज्ञानयूये क्व खूस्ये, होर्दे केन् गङ्यूने हर्दे ख्वबसेमेजे पूरा विश्वास ङैप्रे ख्यङ्लीने, ङैजे सेम्ने प्रेम त्वोदेयलो ङ चैत्याये दी। 3कादेये ङैजे सम्पत्ति क्वाने दूख्प्रेयूने कोम्मीदे, मेस्ये मी भोप्प्रोने होम्बैने ङैजे ङ्व पीन्दे यलीने, ङैने प्रेम त्वोदेयलो ङैने चैये फाइदा अङ्क्यूर्।
4प्रेम चेब मीदे सैदीय मेस्ये ङ्येम्क्य, प्रेम चेब मीदे ठेनब व्यवहार अन्तन्, होर्दे केन् अन्-त्वे। 5प्रेम चेब मीदे अन्ज्य व्यवहार अन्तन् रङ्सेजे फाइदात्या अन्ले, रङ्से पोनेत्या अन्ट्या, झेचेर् अम्मन्दी, अन्ज्य पोयूजे हिसाब चीस्से त्वो। 6अन्ज्य पो चीन्न तङ्ब प्रेम चेब मी सूग्स्ये त्वो, तर ज्य पोने सूग्क्य। 7प्रेम चेब मीदे साप्ताने सैदीय, साप्ता पोने पत्तीय, साप्ता पोने ज्य क्यूरब आशा चीक्क्य, होर्दे साप्ता पोने धेरेन् टूङ्क्य।
8अगमवाणीयू मल्बीय, सूजो-केयू अन्क्यम क्यूप्पीय, ज्ञानजे पोयू क्वाने मल्बीय, तर प्रेम कलङ्बेये मल्बस्ये त्वो। 9ङीनदे तेतेत्या स्ये ख्यङ्, ङीन्जे अगमवाणी पूरा त्व ख्यङ्। 10तर कन्छ्वाब सिद्धता फ्योरीय, हन्छ्वाब पूरा त्वब क्वाने मल्बीय।
11कन्छ्वाब ङ पीच ख्य हन्छ्वाब पीचप्र क्यम ख्य, पीचजेप्र सेम् ख्य, पीचदेप्र ल्वे ख्य, तर कन्छ्वाब ङ स्योर्ब क्यूत्दे हन्छ्वाब पीचजे बनी क्यापीदे। 12ङीङ् ऐनने ज्य अन्तङप्र चूजो ङीन तङ्क्य, तर हम्ब बीलनेब सोरो ज्य छाङ्लाङ्गे तङ्क्य। ङैदे चूजो तेतेत्यामे क्व-ख्यङ्, हम्ब बीलने पोयू क्वाने पूरा क्व खूइय। परमेश्वरदे ङैने चेलाबे स्येप्रने हम्ब बीलने ङैदेये पो क्वाने चेलाबे स्येखूइय।
13होर्दे अम्ब पो सोम्-विश्वास, आशा मेस्ये प्रेम, येतार्ने टूनीय। तर अम्ब नङ्ने पाता केन्ब प्रेम ख्यङ्।
Currently Selected:
१ कोरिन्थी 13: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
