سٜڢَنِيَ 1
1
ࢩَلَادٜ تِکّٜرٜ جَوْمِرَاوٛ
1جَوْمِرَاوٛ وٛلْوَنِ سٜڢَنِيَ ࢡِي کُسِ ࢡِي غٜدَلِيَ ࢡِي عَمَرِيَ ࢡِي حٜزٜکِيَ، ندٜرْ زَمَنُ يُسِيَ ࢡِي عَمٛنْ، لَامِيطٛ يَحُودَ، وِعِ#2 لَامِيࢡٜ 22:1–23:30؛ 2 حَبَرُوجِ ࢩَلَاطٜ 34:1–35:27؞:
2«مِنَتِّنَنْ کٛ وٛنِ دٛوْ لٜسْدِ ڢُو؞ 3مِنَتِّنَنْ يِمْࢡٜ عٜ دَبَّاجِ، مِنَتِّنَنْ شٛلِّ نٛنْ بٛو لِطِّ ندٜرْ مَايٛ؞ مِنَتِّنَنْ حَلُّࢡٜ عٜ کٛ ڢٜرْغَتَ ࢡٜ، مِنَتِّنَنْ بٛو يِمْࢡٜ دٛوْ لٜسْدِ؞ 4مِڢٛرْتَنْ جُنغٛ عَمْ نغَمْ حٛنُغٛ يَحُودَ عٜ جٛوطِيࢡٜ حَا عُرُسَلِيمَ؞ مِنَتِّنَنْ لُتُّطُمْ دِينَ بَعَلْ حَا نٛکُّورٜ ندٜعٜ، مِحَلْکَنْ عِنْطٜ لِمَنْعٜنْ لَوْرُ ندُعُ؞ 5مِحَلْکَنْ وَعّٛتٛوࢡٜ دٛوْ سٛورٛوٛلْ نغَمْ سُجِدَنْغٛ جَيْلِ عَسَمَنْجِ عٜ سُجِدَنٛوࢡٜ حُنٛرْتٛوࢡٜ ندٜغٛ بٜى عِنْدٜ جَوْمِرَاوٛ عٜ ندٜغٛ بٛو بٜى عِنْدٜ لَوْرُ مِلْکٛمْ؞ 6مِحَلْکَنْ لٛرِيࢡٜ، عَشُّࢡٜ يَمْ، نغَمْ ࢡٜنغِطَا طَکّٛتِرْغٛ بٜى عَمْ، ࢡٜنغِطَا سَرْوَاغٛ يَمْ سَمْ؞»
7شِرْوٜ يٜىٰسٛ جَوْمِرَاوٛ اَللَّه! نغَمْ ࢩَلَادٜ مَاکٛ ࢡَدِتَکٜ؞ عٛتَاسْکِتِنِ کِرْسٜتٜىٰنغَ، عٛسٜنِ عٜوْنَاࢡٜ مَاکٛ؞ 8جَوْمِرَاوٛ وِعِ: «ࢩَلَادٜ ندٜ لِيعٛتٛومِ کِرْسٜتٜىٰنغَ، مِحِيتٛتٛ سَرَاکِعٜنْ عٜ يٜرِمَعٜنْ عٜ ࢡٛرْنِيࢡٜ لِمْشٜ جَنَنّٜ ڢُو؞ 9ࢩَلَادٜ مَنْ کِيتٛتٛومِ دِوَنْࢡٜ لٜسْ دَمُّغَلْ#1:9 … لٜسْ دَمُّغَلْ؞ تٛ غٛطّٛ طٛنْ نَسْتَ سُودُ لَامِيطٛ، عٛحَکِّلَنَ لٜسْ دَمُّغَلْ نغَمْ تَا عٛمٜىٰمَ طُمْ؞ عَلْعَادَ کَعَ عِوِ حَا لٜسْدِ ڢٜىٰرٜ؞، حٜبِّنَنْࢡٜ سَارٜ جَاغٛرْطٛ مُوطُمْعٜنْ بٜى کُوجٜ تٛوࢩَارٜ عٜ رِکِشِ؞»
10جَوْمِرَاوٛ وِعِ: «ࢩَلَادٜ مَنْ غٛوکَالِ مبَطَنْ حَا دَمُّغَلْ بِعٜتٜىٰنغَلْ دَمُّغَلْ لِطِّ عٜ بٛجِّ حَا ڢَتُّدٜ حٜسْرٜ عٜ حَرَکَ دٛوْ تٛوْندِيجٜ؞ 11مبٛيٜ، عٛنٛنْ جٛوطِيࢡٜ ڢَتُّدٜ لٜىٰسْندٜ نغَمْ ڢِلٛوࢡٜ مَجِّ، عَوْنٛوࢡٜ شَرْدِ نَتِّدِ؞
12«سَاعِ مَنْ مبِطِتِتّٛومِ عُرُسَلِيمَ بٜى ݠِتِّرْلَاجِ، مِحِيتٛ مبَاتٜىٰندَمْعٜنْ حٛولْطِنِيࢡٜ؞ کَمْࢡٜ ࢡٜطٛنْ مبِعَ حَا ࢡٜرْطٜ مَࢡّٜ: جَوْمِرَاوٛ وَطَتَا کٛ وٛوطِ مَلَّ کٛ حَلِّ! 13وٛطْࢡٜ نجَࢡْتَنْ جَوْدِ مَࢡّٜ، مبِلَنْ شُوطِ مَࢡّٜ؞ ندٜنْ ࢡٜࢩِࢡْتٛتٛ شُوطِ، عَمَّا ࢡٜنجٛوطَتَاکٛ تٛنْ؞ ࢡٜنجُبٛتٛ عِنَبٛوجٜ، عَمَّا ࢡٜنجَرَتَا عِنَبٛوجَمْ مَاجٜ؞»
14ࢩَلَادٜ جَوْمِرَاوٛ مَوْندٜ ࢡَدِتَکٜ، طٛنْ وَرَ بٜى جَاوْطُمْ؞ تٛ حٛولٛ مَارٜ وَطِ، کٛو عَنْدُطٛ کٛنُ بٛو وٛوکَنْ؞ 15ندٜ لَاتٛتٛ ࢩَلَادٜ تِکّٜرٜ، ࢩَلَادٜ ࢡِلَّارٜ عٜ بٛنٜ، ࢩَلَادٜ بٛنّٛنْدَ عٜ بٛنُّکِ، ࢩَلَادٜ ࢩِࢡْرٜ عٜ ࢩِࢡُّکِ، ࢩَلَادٜ دُولٜ عٜ ࢩِࢡْرٜ ࢡَلٜىٰرٜ کُرُمْ، 16ࢩَلَادٜ لُوَلْ کٛنُ عٜ حٛولٛ دٛوْ بٜرْنِيجِ شٜمْبِطِّ عٜ کِسْرُطٜ تٛوْطٜ؞ 17جَوْمِرَاوٛ وِعِ: «مِحُلْنَنْ يِمْࢡٜ حَا ࢡٜنجَحَ بَنَ وُمْࢡٜ، نغَمْ ࢡٜمبَطِ حَکّٜ دٛوْ عَمْ؞ ࢨِيࢨَمْ مَࢡّٜ وَانجٜتٜ کٛو تٛيْ بَنَ مبُلْوُلْدِ، تٜتٜکِ مَࢡّٜ بٛو بَنَ مبُووْرِ؞» 18شَرْدِ مَࢡّٜ عٜ کَنغّٜىٰرِ مَࢡّٜ کِسْنَتَا ࢡٜ ࢩَلَادٜ ندٜ تِکّٜرٜ جَوْمِرَاوٛ وَنغَتَ، ندٜ يِيتٜ کَاجَلْ مَاکٛ ࢩَامَتَ دُنِيَارُ؞ نغَمْ عٛتِمِّنَنْ يِمْࢡٜ لٜسْدِ، لَوْ عٛتِمِّنْتَ ࢡٜ؞ طُمْ لَاتٛتٛ کُلْنِيطُمْ مَسِنْ!
Currently Selected:
سٜڢَنِيَ 1: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
