لِمْلٜ 13
13
مُوسَى نٜلِ حٛرٛوࢡٜ
(تٛوکْتَاکِ تَوْرٜىٰتَ 1:19-33)
1جَوْمِرَاوٛ وِعِ مُوسَى: 2«نٜلْ وٛرْࢡٜ سَݠّٛ عٜ طِطٛ، غٛوتٛ حَا لٜࢩٛلْ کٛو نغٛلٜ، حَا ࢡٜکٛرَ لٜسْدِ کَنَانَ ندِ ندٛکَّنْمِ إِسْرَاءِيلَعٜنْ؞» نٜلَاطٛ ڢُو لَاتٛ عَرْدِيطٛ ندٜرْ لٜࢩٛلْ مُمْ؞ 3ڢٛدّٜ عُمْرٛورٜ جَوْمِرَاوٛ، مُوسَى نٜلِ ࢡٜ دِغَ لَدّٜ ݠَرَنْ، ࢡٜ ڢُو ࢡٜ عَرْدِيࢡٜ إِسْرَاءِيلَعٜنْ؞ 4ندَا عِنْطٜ مَࢡّٜ: حَا لٜࢩٛلْ رُبٜنْ، سَمُّعَ ࢡِي زَکُّرْ؞ 5حَا لٜࢩٛلْ سِمٜيٛنْ، سَڢَتْ ࢡِي حٛرِ؞ 6حَا لٜࢩٛلْ يَحُودَ، کَالٜبْ ࢡِي يٜڢُنَّ؞ 7حَا لٜࢩٛلْ عِسَّکَرْ، يِغَلْ ࢡِي يُوسُڢُ؞ 8حَا لٜࢩٛلْ عٜڢْرَيِمْ، حٛسٜعَ ࢡِي نُونَ؞ 9حَا لٜࢩٛلْ بٜنْيَمِنْ، ݠَلْتِ ࢡِي رَڢُ؞ 10حَا لٜࢩٛلْ زَبُلٛنْ، غَدِّيٜلْ ࢡِي سٛودِ؞ 11حَا لٜࢩٛلْ مَنَسَّ ࢡِي يُوسُڢُ، غَدِّ ࢡِي سُسِ؞ 12حَا لٜࢩٛلْ دَنْ، عَمِّيٜلْ ࢡِي غٜمَلِّ؞ 13حَا لٜࢩٛلْ عَسٜرْ، سٜتُرُ ࢡِي مِيکَاعِيلَ؞ 14حَا لٜࢩٛلْ نٜڢْتَلِ، نَحَبِ ࢡِي وٛڢْسِ 15عٜ حَا لٜࢩٛلْ غَدَ بٛو غٜوٜلْ ࢡِي مَکِ؞ 16کَنْجٜ نغٛنِ عِنْطٜ وٛرْࢡٜ ࢡٜ مُوسَى نٜلِ حٛرٛيْغٛ کَنَانَ؞ عَمَّا حٛسٜعَ ࢡِي نُونَ، مُوسَى عِنْدِمٛ يٛسُوَ؞
17مُوسَى نٜلِ ࢡٜ حٛرُغٛ لٜسْدِ کَنَانَ، وِعِ ࢡٜ: «نَسْتِرٜ ڢٛمْبِنَ لٜسْدِ ندِعِ، ندٜنْ مبَعّٜ کٛوسٜىٰجٜ؞ 18ندَارٜ نٛ لٜسْدِ ندِعِ وَعِ، ندَارٜ يِمْࢡٜ تٛنْ بٛو، ࢡٜ سٜمْبِطْࢡٜ نَا مَلَّ تَمْݠُࢡٜ؟ ࢡٜ طُوطْࢡٜ نَا مَلَّ ࢡٜطُوطَايْ؟ 19ندَارٜ بٛو لٜسْدِ حَا ࢡٜنجٛوطِ، ندِ مبٛوندِ نَا مَلَّ ندِ وٛوطَايْ؟ نٛنْ بٛو بٜرْنِيجِ حَا ࢡٜنجٛوطِ، طِ شٜمْبِطِّ نَا مَلَّ ࢡٜطٛنْ نجٛوطِ ندٜرْ شَنغٜىٰجٜ؟ 20غٜسٜ مَࢡّٜ بٛو، طٜ ࢨَامْنَنْ نَا مَلَّ طٜ ࢨَامْنَتَا؟ لٜطّٜ طُوطِ تٛنْ نَا مَلَّ طُوطَايْ؟ شُوسْطِنٜ کٛعٜ مٛنْ، کٛوعٜ ࢡِࢡّٜ لٜطّٜ لٜسْدِ مَنْ؞» نٜلَاࢡٜ نجٜحِ سَاعِ عِتُّغٛ عِنَبٛوجٜ عَارْتُطٜ؞
21ندٜنْ ࢡٜندِلِّ، ࢡٜکٛرِ لٜسْدِ مَنْ دِغَ لَدّٜ شِينْ حَا يٛتِّ رٜحٛبْ حَا نَسْتِرْدٜ حَمَتْ؞ 22ࢡٜمبَعِّرِ ڢٛمْبِنَ، ࢡٜنجٛتِّ حٜبُرُونْ؞ عَحِمَنْ عٜ سٜسَيْ عٜ تَلْمَيْ نغٛنّٛ تٛنْ، ࢡٜ دَࢩْغٛلْ عَنَکِعٜنْ؞ بٜرْنِوٛلْ حٜبُرُونْ عَارْتِ شٛعَنْ ندٜرْ لٜسْدِ مِصْرَ جٛعِّنٜىٰغٛ دُوࢡِ جٛوٜىٰطِطِ؞ 23ࢡٜنجٛتِّ وَادِوٛلْ عٜسْکٛلْ؞ تٛنْ ࢡٜتَعِ لِسَلْ بٜى وُکُّرُ عِنَبٛوجٜ، وٛرْࢡٜ طِطٛ ندٛونْدِ نغَلْ بٜى سَوْرُ؞ ࢡٜکٛوعِ بٛو رُمَّانٛوجٜ عٜ عِبّٜ؞ 24ࢡٜعِنْدِ نٛکُّورٜ مَنْ وَادِوٛلْ عٜسْکٛلْ#13:24 عٜسْکٛلْ يِطِ وِعْغٛ وُکُّرُ عِنَبٛوجٜ؞، دَلِيلَ وُکُّرُ عِنَبٛوجٜ ندُ إِسْرَاءِيلَعٜنْ تَعِ طُمْ تٛنْ؞
25ࢡٜکٛرِ لٜسْدِ ࢩَلْطٜ شَݠَّنْطٜ نَيِ، ندٜنْ ࢡٜلٛرْتِ؞ 26ࢡٜنجٜحِ حَا مُوسَى عٜ هَـٰرُونَ عٜ جَمَعَارٜ إِسْرَاءِيلَ ڢُو حَا کَادٜسْ ندٜرْ لَدّٜ ݠَرَنْ؞ ࢡٜنغٜشِّ ࢡٜ ڢُو کٛ ࢡٜنغِعِ، ࢡٜکٛلِّ ࢡٜ بٛو ࢡِࢡّٜ لٜطّٜ لٜسْدِ مَنْ؞ 27ࢡٜمبِعِ مُوسَى: «مِنْ ندَارِ لٜسْدِ ندِ نٜلْطَ مِنْ تٛنْ؞ ڢَکَتْ ندِ حٜىٰوِ کٛسَمْ عٜ نجُمْرِ؞ ندَا ࢡِࢡّٜ لٜطّٜ مَارِ بٛو؞ 28عَمَّا عُمَّاتٛورٜ وٛنْدٜ تٛنْ ندٜ سٜمْبِطْندٜ، بٜرْنِيجِ مَارٜ بٛو طِ مَوْطِ مَسِنْ، طِ شٜمْبِطِّ؞ مِنْ نغِعِ عَنَکِعٜنْ تٛنْ بٛو؞ 29عَمَلٜکِعٜنْ طٛنْ نجٛوطِ حَا ڢٛمْبِنَ لٜسْدِ؞ حٜتِعٜنْ عٜ يٜبُسِعٜنْ عٜ عَمٛورِعٜنْ طٛنْ نجٛوطِ دٛوْ کٛوسٜىٰجٜ، کَنَانِعٜنْ بٛو طٛنْ نجٛوطِ کٛمْبِ مبٜىٰلَ عٜ دٛوْ ݠٛمٛولٜ مَايٛ عُرْدُنْ#لَاتَانٛوجِ 15:18-20؞؞»
30کَالٜبْ جٜعِّنِ يِمْࢡٜ عُمَّاتٛورٜ تُورْتُندٜ دٛوْ مُوسَى، عٛوِعِ ࢡٜ: «عٜنْ نجَحْ ࢩَامُغٛ لٜسْدِ ندِعِ، نغَمْ ڢَکَتْ عٜنْ مبَاوَنْ جَالَاغٛ ندِ!» 31عَمَّا يَحْدُنٛوࢡٜ بٜى مَاکٛ مبِعِ: «عَاعَ عٜنْ مبَاوَتَا حَࢡُغٛ بٜى عُمَّاتٛورٜ ندٜعٜ نغَمْ ندٜ ࢡُرِ عٜنْ سٜمْبٜ؞» 32ࢡٜکَلِّنِ لٜسْدِ مَنْ يٜىٰسٛ إِسْرَاءِيلَعٜنْ، ࢡٜمبِعِ: «لٜسْدِ ندِ مِنْ کٛرِ طُمْ، طٛنْ مٛطَ يِمْࢡٜ مَارِ؞ مِنْ نغِعِ جٛوطِيࢡٜ تٛنْ، ࢡٜ ڢُو ࢡٜ جُوتَ-دَرْطٜعٜنْ؞ 33مِنْ نغِعِ تٛنْ مَاݠِنْدِعٜنْ، ࢡِࢡّٜ عَنَکْ، مِنْ ندَارِ کٛعٜ عَمِنْ بَنَ بَࢡَّتِّ؞ کَمْࢡٜ بٛو ࢡٜندَارِ مِنْ بَنَ نٛنْ؞»
Currently Selected:
لِمْلٜ 13: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
