حٛسٜعَ 9
9
سٜيٛ جِنِّ، کِيتَ ࢡَدِتَکٜ
1حٛسٜعَ وِعِ: «عَنْ إِسْرَاءِيلَ، تَا سٜيَ، تَا وٜلْوٜلْتُ بَنَ عُمَّاتٛوجٜ غٛطّٜ؞ نغَمْ عَعَشِّ اَللَّه مَاطَ، عَلَاتِ دٜبّٛ دَاکَارٜىٰجٛ#9:1 … عَلَاتِ دٜبّٛ دَاکَارٜىٰجٛ؞ حٛسٜعَ نَنْدِنِ دٜوْکِ لَبِّ بٜى نجٜىٰنُ؞؞ عَيِطِ نغٜىٰنَارِ دَاکَارٜىٰکُ حَا لَارْطٜ عَلْکَمَارِ ڢُو؞ 2نغَمْ مَاجُمْ لَارْطٜ عٜ ࢡِطِّرْطٜ ࢩَامْنَتَا يِمْࢡٜ إِسْرَاءِيلَ، عِنَبٛوجَمْ کٜسَمْ طَمْ ࢡٜنغِطْنٛ بٛو حٜࢡَتَاکٛ؞ 3ࢡٜنجٛوطَتَاکٛ ندٜرْ لٜسْدِ جَوْمِرَاوٛ، عٜڢْرَيِمْ لٛرٛتٛ حَا مِصْرَ، حَا عَسُّورَ بٛو ࢡٜࢩَامَنْ ࢩَامْدُوجِ شٛࢡْطِ؞ 4حَا تٛنْ ࢡٜندُڢَنْتَا جَوْمِرَاوٛ دٛکّٜ عِنَبٛوجَمْ، کِرْسٜتٜىٰطِ مَࢡّٜ بٛو ݠٛتَّنْتَا مٛ؞ ࢩَامْدُ مَࢡّٜ لَاتٛتٛ ࢩَامْدُ مَيِتِ، کٛو مٛيْ ࢩَامِ ندُ، سٛࢡَنْ؞ ࢩَامْدُ مَࢡّٜ لَاتٛتٛ نغَمْ کٛعٜ مَࢡّٜ تَنْ، وَلَا کٛ نَسْتَتَ حَيْکَلِيرُ جَوْمِرَاوٛ؞ 5طُمٜ مبَطٛتٛنْ ࢩَلَادٜ ڢٛتِّرْدٜ، ࢩَلَادٜ جُولْدٜ جَوْمِرَاوٛ؟ 6ندَا، ࢡٜ ڢُو ࢡٜندِلِّ نغَمْ لٜسْدِ مَࢡّٜ وٛنَّکٜ؞ ڢَکَتْ مِصْرَ جَࢡّٛتٛ ࢡٜ، مٜمْڢِسْ بٛو عُوَنْ ࢡٜ؞ غِنغِلّٜ نجَࢡْتَنْ ݠٜلّٜلْ شَرْدِ مَࢡّٜ مَرْندِ سَمَنْ، غِعٜ بٛو کٜىٰوَنْ شُوطِ مَࢡّٜ؞
7«ࢩَلْطٜ کِيتَ نجٛتَّکٜ، سَاعِ وَاتَاغٛ وَطِ؞ سٜيْ إِسْرَاءِيلَ عَنْدَ طُمْ! عٛنْ مبِعِ: اَلنَّبِيجٛ عٜلِّتَکٜ، مَرْطٛ رُوحُ يِنَّکٜ نغَمْ عَيْبٜ مٛوطٛنْ مَوْنِ، کٛنَّاغُ مٛوطٛنْ طُوطِ#لُکَ 21:22؞؞ 8عَيْنٛووٛ عٜڢْرَيِمْ طٛنْ وٛنْدِ بٜى اَللَّه عَمْ، ࢡٜمبَلِّنِ تُوڢٛرْلِ تُوڢٛووٛ شٛلِّ دٛوْ لَابِ اَلنَّبِيجٛ مَاکٛ ڢُو، ࢡٜطٛنْ تٛوࢩٛ مٛ کٛو ندٜرْ سُودُ اَللَّه مَاکٛ؞ 9ࢡٜمبٛنِّ مَسِنْ بَنَ يِمْࢡٜ غِبِيَ#عَلْکَالِعٜنْ 19؞؞ اَللَّه سِڢْتٛرَنْ عَيْبٜىٰجِ مَࢡّٜ، حِيتٛتٛ حَکّٜىٰجِ مَࢡّٜ#عَلْکَالِعٜنْ 19:1-30؞؞»
10جَوْمِرَاوٛ وِعِ: «مِتَوِ إِسْرَاءِيلَ بَنَ عِنَبٛوجٜ ندٜرْ لَدّٜ حَمَادَارٜ؞ مِيِعِ کَاکِرَاࢡٜ مٛوطٛنْ بَنَ ࢡِࢡّٜ عِبِّ عَارْتُطٜ ࢡٜنْدُغٛ؞ عَمَّا ندٜ ࢡٜنجٛتِّ حَا بَعَلْ-ݠٜعٛرْ، ࢡٜلِيعِ کٛعٜ مَࢡّٜ حَا لَوْرُ سٜمْتِنِيندُ؞ بَنَ نٛنْ ࢡٜلَاتٛرِ ࢩِدُّࢡٜ بَنَ غِطَاطٛ مَࢡّٜ مَنْ#لِمْلٜ 25:1-5؞#9:10 غِطَاطٛ مَࢡّٜ طُمْ بَعَلْ، لَوْرُ مَࢡّٜ؞؞ 11تٜدُّنغَلْ عٜڢْرَيِمْ ڢِيرَنْ بَنَ سٛنْدُ؞ وَلَا دَࢩُغٛ، وَلَا رٜىٰدُوجٛ، وَلَا رٜىٰدُغٛ! 12کٛو تٛ ࢡٜمَوْنِنِ ࢡِࢡّٜ مَࢡّٜ، مِمبَرَنْ ࢡٜ دِغَ ࢡٜلَاتَاکِ مَوْࢡٜ؞ تٛ مِدَايَکٜ ࢡٜ، ࢡٜنجَرَنْ بٛنٜ بٛو؞ 13مِ طٛنّٛ يِعَ عٜڢْرَيِمْ بَنَ لٜسْدِ تِرُسْ، نجٛعِّنَاندِ حَا نٛکُّورٜ وِلِتَاندٜ، عَمَّا عٜڢْرَيِمْ طٛنْ يَحْرَ ࢡِࢡّٜ مُمْ حَا کِرْسٛووٛ؞»
14حٛسٜعَ تٛرِ: «يَا جَوْمِرَاوٛ، تٛ دٛولٜ عَحِيتٛ ࢡٜ، ندٜنْ کَمْ حٛکُّ رٜوْࢡٜ مَࢡّٜ دٜىٰطِ دِمَرِ عٜ عٜنْطِ جٛورْطِ!»
15جَوْمِرَاوٛ وِعِ: «حَلّٜىٰندٜ مَࢡّٜ ڢُو وَنغِ حَا غِلْغَلْ؞ تٛنْ نغَࢩْمِ ࢡٜ؞ نغَمْ دَلِيلَ کُوطٜ مَࢡّٜ کَلُّطٜ ندِيوَنْمِ ࢡٜ دِغَ سَارٜ عَمْ؞ مِمٜىٰتَتَا يِطُغٛ ࢡٜ، نغَمْ عَرْدِيࢡٜ مَࢡّٜ ڢُو ࢡٜ تُورْتُࢡٜ؞ 16عٜڢْرَيِمْ ڢِيَامَ، طَطِ مَاکٛ نجٛورِ، عٛحٜࢡَتَا ࢡِࢡّٜ ڢَحِنْ؞ کٛو تٛ ࢡٜندَࢩِ بٛو، مِمبَرَنْ ࢡِࢡّٜ مَاکٛ مَرْࢡٜ سَمَنْ؞» 17حٛسٜعَ وِعِ: «اَللَّه عَمْ وُدِنَنْ ࢡٜ، نغَمْ ࢡٜنَنَنَايْ مٛ؞ ࢡٜنغِيلٛتٛ شَکَ عُمَّاتٛوجٜ؞»
Currently Selected:
حٛسٜعَ 9: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
