کٛلٛسِّعٜنْ 2

1مِيِطِ عٛنْ ݠَامَ حَࢡْرٜ سَاتُندٜ ندٜ مِطٛنْ حَࢡَ نغَمْ مٛوطٛنْ عٜ نغَمْ يِمْࢡٜ لَوْدِکِيَ؞ مِطٛنْ حُووَ طُمْ بٛو نغَمْ يِمْࢡٜ ࢡٜمٜىٰطَايْ يِعُغٛ يَمْ 2نغَمْ حَا ࢡٜرْطٜ مَࢡّٜ شٜمْبِطَ، ࢡٜکَوْتَ ندٜرْ يِيدٜ عٜ ندٜرْ عَنْدَلْ غٛونغَوَلْ ڢُو، ࢡٜݠَامَ سِرِّ اَللَّه، وَاتٛ اَلْمَسِيحُ؞ 3حَا مَاکٛ حِکْمَ عٜ عَنْدَلْ ڢُو طٛنْ شُوطِ؞

4مِطٛنْ وِعَ طُمْ نغَمْ تَا غٛطّٛ عٜسْتَ عٛنْ بٜى بٛلّٜ ࢨٛيْطٜ؞ 5کٛو ندٜ مِوَلَاطٛنْ شَکَ مٛوطٛنْ بٛو، حَکِّيلٛ عَمْ کَمْ طٛنْ وٛنْدِ بٜى مٛوطٛنْ؞ مِطٛنْ سٜيٛرٛ نَنُغٛ نٛ عٛنْ طٛنْ نغٜىٰطَ بَنَ کٛ حَانِ عٜ نٛ نُطِّنْکِ مٛوطٛنْ طٛنْ تَبِتِ ندٜرْ اَلْمَسِيحُ؞

6ندٜ نِي عٛنْ نجَࢡِ جَوْمِرَاوٛ عِيسَى اَلْمَسِيحُ، تٛکّٜ يٜىٰطُغٛ ندٜرْ کَوْتَلْ بٜى مَاکٛ؞ 7تَبِتٜ ندٜرْ مَاکٛ بَنَ نٛ لٜکِّ دَرٛرْتٛ ندٜرْ لٜسْدِ بٜى طَطِ مَاکِ، ندَرْنٜ يٛنغْکِيجِ مٛوطٛنْ دٛوْ مَاکٛ، شٜمْبِطِنٜ نُطِّنْکِ مٛنْ ڢٛدّٜ عٜکِّتِنٛلْ نغٛلْ کٜࢡْطٛنْ، نغٜتّٜ اَللَّه بٜى غٜتّٛوجٜ طُوطّٜ؞

8کَکِّلٜ نغَمْ تَا غٛطّٛ نَنغَ عٛنْ ندٜرْ تُوڢٛرْغٛلْ بٜى بٛلّٜ عٜسْتٛوجٜ، شٛوکٜ عِوْطٜ حَا رُوحُوجِ لَامَنِيطِ دُنِيَارُ، طِ عِوَايْ حَا اَلْمَسِيحُ؞ 9کٛ وٛنِ ندٜرْ اَللَّه ڢُو طٛنْ ڢٛرٛيْ ندٜرْ اَلْمَسِيحُ مَرْطٛ ࢡَنْدُ نٜطّٛ؞ 10تٛ عٛنْ کَوْتِ بٜى اَلْمَسِيحُ، کٛ وٛنِ ندٜرْ مَاکٛ ڢُو طٛنْ ندٜرْ مٛوطٛنْ بٛو؞ عٛ حٛورٜىٰجٛ دٛوْ مَوْࢡٜ عَسَمَ عٜ مَرْࢡٜ لَامُ ڢُو؞

11ندٜرْ کَوْتَلْ بٜى مَاکٛ، عٛنْ کٜࢡِ جُولْنٛلْ#2‏:11 جُولْنٛلْ مَلَّ ندٜمْنٛلْ نغٛلْ جُنغٛ غٛطّٛ وَاوَتَا وَطُغٛ؞ جُولْنٛلْ عِتُّنغٛلْ بَاوْطٜ حَکّٜ ندٜرْ نٜطّٛ، طُمْ جُولْنٛلْ اَلْمَسِيحُ؞ 12عٛنْ عُوْدَاࢡٜ بٜى مَاکٛ ندٜرْ بَݠْتِسْمَ؞ عٛنْ عُمِّتِنَاࢡٜ بٛو حَوْتَادٜ بٜى مَاکٛ، نغَمْ عٛنْ نُطِّنِ بَاوْطٜ اَللَّه عُمِّتِنْطٛ مٛ دِغَ مَايْدٜ#رٛمَعٜنْ 6‏:4؞؞ 13نَانٜ، اَللَّه طٛنّٛ لَارَ عٛنْ بَنَ مَايْࢡٜ نغَمْ دَلِيلَ حَکّٜىٰجِ مٛوطٛنْ عٜ سَادٛنِيکُ مٛنْ؞ عَمَّا جٛنْتَ عٛيٜىٰطِتِنِ عٛنْ حَوْتَادٜ بٜى اَلْمَسِيحُ؞ عٛيَاڢِ حَکّٜىٰجِ مٜىٰطٜنْ ڢُو#عٜڢٜسُعٜنْ 2‏:1‏-5؞؞ 14عٛسٜىٰکِ طٜرٜىٰوٛلْ ࢩَمَاندٜ مٜىٰطٜنْ طُوطْندٜ، عَيْبِنَنْنغٛلْ عٜنْ بٜى عُمْرٛوجٜ مَاغٛلْ؞ عٛنَتِّنِ نغٛلْ بٜى تِغُّغٛ نغٛلْ حَا غَاڢَانغَلْ#عٜڢٜسُعٜنْ 2‏:15؞؞ 15بٜى مَاغَلْ، عٛࢡٛرْتِرِ مَوْࢡٜ عَسَمَ عٜ مَرْࢡٜ لَامُ ڢُو، عٛسٜمْتِنِ ࢡٜ يٜىٰسٛ يِمْࢡٜ ڢُو، عٛيَحْرِ ࢡٜ، ࢡٜ حَࢡَّاࢡٜ ندٜرْ جُولْدٜ جَالٛرْغَلْ مَاکٛ؞

16جٛنْتَ کَمْ، تَا غٛطّٛ حِيتٛ عٛنْ دٛوْ ࢩَامْدُ مَلَّ دٛوْ نجَرَمْ، کٛو دٛوْ ࢩَلْطٜ شٜنِيطٜ، کٛو دٛوْ جُولْدٜ لٜوْرُ حٜسْرُ، کٛو دٛوْ ࢩَنْدٜ سِوْتٛرْدٜ#رٛمَعٜنْ 14‏:1‏-6؞؞ 17طُمْ ڢُو طُمْ مِسَالُ کُوجٜ طٜ نغَرَايْنٛ تَوٛنْ، عَمَّا غٛونغَ مَنْ طُمْ اَلْمَسِيحُ؞ 18وٛودِ سٜيٛرْتٛوࢡٜ يَنغْکِنَارٜ مُوطُمْعٜنْ عٜ سُجِدَنٛوࢡٜ مَلَاعِکَعٜنْ، وٛلْوَنْࢡٜ حَالَ کَايٜىٰڢِيجِ طِ ࢡٜنغِعِ؞ تَا عَشّٜ ࢡٜعِتَّ مبَرْجَارِ مٛنْ بٜى حَالَاجِ مَࢡّٜ مٜىٰرٜىٰجِ، ࢡٜ مَوْنِتِيࢡٜ بٜى نُمٛوجِ مَࢡّٜ عِوْطِ حَا سُونٛوجِ نٜطّٛ؞ 19ࢡٜعَشِّ طَکّٛتِرْغٛ بٜى اَلْمَسِيحُ، مٛ لَاتِ حٛورٜ ࢡَنْدُ مُوطُمْ، وَاتٛ جَمَعَارٜ نُطِّنْࢡٜ مٛ؞ نغَمْ دَلِيلَ حٛورٜ مَنْ، ࢡَنْدُ ڢُو طٛنْ حٜࢡَ کٛ ندُ مَرِ حَاجٜ، طٛنْ حَوْتِ بٜى جٛکّٜ عٜ طَطِ، طٛنْ مَوْنَ بَنَ اَللَّه مُويِ#عٜڢٜسُعٜنْ 4‏:16؞؞

مَايْدُغٛ عٜ يٜىٰطِدِدْغٛ بٜى اَلْمَسِيحُ

20ندٜ نِي عٛنْ مَايْدِ بٜى اَلْمَسِيحُ، وَلَا کٛ يَالِ عٛنْ بٜى رُوحُوجِ لَامَنِيطِ دُنِيَارُ؞ کٛنِ نغٜىٰطٛتٛنْ بَنَ يِمْࢡٜ دُنِيَارُ لٜسْ دٛوکَاجِ بَنَ طِعِ‏: 21«تَا حٛوشُ طُعُمْ»، «تَا مٜتَّ طُمَ»، «تَا مٜىٰمْ طُعُمْ بٛو»؟ 22طُمْ ڢُو طُمْ وٛنّٛتٛ تٛ طُمْ حُووْتِنِرَامَ؞ طُمْ عُمْرٛوجٜ عٜ عٜکِّتِنٛلْجِ يِمْࢡٜ؞ 23عُمْرٛوجٜ طٜعٜ، بَنَ طٜ حِکْمَاجٜ نغَمْ طٜ طٛنْ عٜکِّتِنَ حَالَ دٜوَلْ نغَلْ غٛطّٛ وَطَنْتَ حٛورٜ مُمْ عٜ يَنغْکِنَارٜ عٜ عٜلْتٛ ࢡَنْدُ بٜى شَاتَلْ؞ عَمَّا طٜ نغَلَا سَمَنْ نغَمْ طٜ طٛنْ کٜبِّتِنَ سُونٛوجِ ࢡَنْدُ تَنْ؞

Currently Selected:

کٛلٛسِّعٜنْ 2: داَ

Highlight

Copy