Mateo 5
PPSNT

Mateo 5

5
Ndo Jesús nichja ndo ngataꞌa ijna̱
1Ndo Jesús bikon ndo ixi xejo kueya chujni, meꞌe kuajinꞌin ndo ngataꞌa ijna̱ ko ntiꞌa bakeꞌe ndo nunte. Ko kaxon sen teyuu kuarueꞌe ndo, konchjiñeꞌe sen ngajin ndo. 2Tjumeꞌe ndo Jesús kuaxi nichja ndo ko jaꞌin ndachro ndo:
Sen chaxro tsakeꞌe
(Lc. 6:20-23)
3―Juaxruxin tsakeꞌe sen xraxaon ixi nduaxin xrokondeꞌe sen ndo Dio ixi sen meꞌe tsayéꞌe sen juachaxin tsintee sen ti tetuanꞌan ndo Dio.
4’Juaxruxin tsakeꞌe kain sen stechíín ixi xrojan ngeꞌe ti ndakoꞌa konꞌen sen, ko jeꞌe ndo Dio tsajon ndo juachaxin ixi juaxruxin tsintee sen.
5’Juaxruxin tsakeꞌe sen nchejiéꞌa aséen ixi jeꞌe sen tsayéꞌe sen nunte ti ó ndachro ndo Dio tsajon ndo.
6’Juaxruxin tsakeꞌe kain sen tjaun xranchi xrojuine o̱ xrokuiꞌi chijnie ndo Dio ixi jeꞌe ndo Dio tsajon ndo ti jian ngaya aséen sen.
7’Juaxruxin tsakeꞌe sen tingijna sen kichuu, jaña ndo Dio kaxon tsikonóeꞌe ndo sen.
8’Juaxruxin tsakeꞌe sen kuitikaon ko juinchetjúá aséen ixi jeꞌe sen nduaxin tsikon sen ndo Dio.
9’Juaxruxin tsakeꞌe kain sen stetingijna ixi tsinteke̱to̱ꞌa chujni ko ndo Dio sinchekinꞌin ndo sen chjenꞌen ndo.
10 # 1Pe. 3:14. *’Juaxruxin tsakeꞌe sen chinga nchekao na̱ ixi titikaon sen ngeꞌe tjaun ndo Dio, meꞌe jeꞌe sen tikinixinꞌen sen ngajní ti tetuanꞌan ndo Dio.
11 # 1Pe. 4:14. *’Juaxruxin takeꞌé jaꞌanta ti chinga tuyakuꞌanta na̱ ko ningakonꞌannta na̱ ko tjangiꞌanta na̱ ixi kondanaxin janꞌan. 12#Hch. 7:52.*Cháꞌanta ko juaxruxin takeꞌénta ixi jaꞌanta tsayeꞌenta naa ngeꞌe ícha jian jii ngajní. Ixi jaña juinchekao na̱ sen saꞌó, sen kuanichja chijnie ndo Dio.
Jaꞌanta xranchi xíjnta, ko xranchi xroꞌi tingasáña
(Mr. 9:50; Lc. 14:34-35)
13 # Mr. 9:50; Lc. 14:34, 35. *’Xranchi xíjnteꞌe nunte xasintajni meꞌe jaꞌanta, ko siá xíjnta ijníꞌa xíjnta, ¿xranchi tsojníxin xíjnta íjngo?, ko jaña íxroꞌan tsonda xíjnta, tsintji xíjnta, ko tsingatjangi na̱ xíjnta.
14 # Jn. 8:12; 9:5. *’Xroꞌi tingasáñaxin nunte xasintajni meꞌe jaꞌanta. Naa tjajna jii ngataꞌa naa ijna̱ juaꞌi tsemá tjajna. 15#Mr. 4:21; Lc. 8:16; 11:33.*Xroꞌan ngisen sinchekakiin naa xroꞌi ko tsakeꞌe sen xroꞌi ngangi naa chikute. Naꞌi, xroꞌi takeꞌe xroꞌi noi ngataꞌa naa nta̱a̱ ixi sinchengasáña xroꞌi kain chujni ste nchia. 16#1Pe. 2:12.*Jaña jaꞌanta kaxon nchengasáñeꞌenta kain chujni jii ngandajinnta, meꞌe tsikon chujni ti jian ncheꞌenta, jaña jeꞌe na̱ tsajon na̱ juasaya ngajin Ndotáina jii ngajní.
Ndo Jesús tjako ndo ley kuetuanꞌan Ncháina
17’Jaꞌanta xraxaonꞌanta ixi janꞌan juiꞌi ixi sintamaꞌa ley kuajon ndo Moisés ko ti ngeꞌe ndachro ikaxin sen nichja chijnie ndo Dio. Naꞌi. Janꞌan juiꞌi ixi tsitikaꞌon kain ti kuetuanꞌan ndo Dio ko sintakuanꞌannta ngeꞌe xrondachro chijni meꞌe. 18#Lc. 16:17.*Ko nduaxin xrontatjunta ixi xratsatsingaꞌi ngajní ko nunte xasintajni, xroꞌan ley kuetuanꞌan ndo Dio tsoméꞌe, ko ní naa letra tsachrjendeꞌa. Naꞌi, kain ti ndachro chijni, meꞌe xrokonda tsonꞌen. 19Ko ngisen tsitikaonꞌa ko sincheꞌa ti ndachro ley kuetuanꞌan ndo Dio, maski naa ley nchíín tsitikaonꞌa sen, ko jaña sinchekuenꞌen sen chujni, kaxon nchion juasie ndo Dio tsayéꞌe sen ti jii ngajní tetuanꞌan ndo Dio. Ko siá ndako tsitikaon sen ley kuetuanꞌan ndo Dio ko jaña sinchekuenꞌen sen chujni, ijié juasie ndo Dio tsayéꞌe sen ntiꞌa ti jitetuanꞌan ndo Dio, 20Méxin, janꞌan ntatjunta xrokonda tsango jian tsitikaonnta ndo Dio ícha ixi ni fariseo ko ni tjako ley kuetuanꞌan ndo Dio, ko siá sincheꞌanta ícha jian juaꞌi tsixinꞌinnta ti tetuanꞌan ndo Dio.
Ndo Jesús juako ndo kondee juañao
(Lc. 12:57-59)
21’Jaꞌanta ó kuinꞌennta ti kuituenꞌen sen saꞌó: “Juaꞌi naatsóñaxónnta ni kichuunta, ixi ngisen sincheꞌe jaña tsitsingataꞌa sen ijie̱.” 22Ko janꞌan ndachrja̱n siá xrojan ngisen xraningakonꞌen sen sen kichuu, sen meꞌe tsitsingataꞌa sen ijie̱. Ko ngisen tsengeꞌe kichuu teka, sen meꞌe, ni tetuanꞌan tsjankataꞌa na̱ sen ijie̱. Ko ngisen xrondache sen kichuu ixi tsinchetjáña jaa sen, sen ndachro meꞌe satsji sen ngangi xroꞌi kain nchakon. 23Méxin siá tsikuꞌunta naa ngeꞌe tsajonxinnta juasianta ngajin ndo Dio ngaxinꞌin niꞌngo ko ntiꞌa xroxraxaonnta ixi xrojan sen kichuunta toñaoꞌanta sen, 24ntiꞌao tintuꞌenta ngeꞌe ritikuunta ngataꞌa altar, ko itjinta, tjaunnta sen ko tjancheꞌenta sen juatitjáña kondeexin ngeꞌe kue̱to̱nta. Tjumeꞌe ikjannta ko tájonnta ti bikuunta ngajin ndo Dio.
25’Siá xrojan ngisen kuichro ijie̱ kontraanta, cháña tuinxin tjaunnta sen ko nchekonchjiannta ti stetoñaoxinnta ixi xrayaꞌonta chaꞌo, ko xratjasoꞌanta ti jii xi nchéña ijie̱ ba̱ tsituanꞌan xa xi policía xroxraxinꞌinnta xa ndoꞌachjiso. 26Ko nduaxin ntatjunta ixi tsachrjexinꞌanta ndoꞌachjiso tsjengajanta ꞌna̱ kain ti tasinkanta.
Ndo Jesús juako ndo ijie̱ tama ni chónda inaa nchri o̱ inaa xi
27’Jaꞌanta kuinꞌennta chijni tsikitueꞌen sen saꞌó jaꞌin ndachro: “Chondaꞌinta inaa nchri, nchri jeꞌa nchrinchriꞌanta o̱ jeꞌa xixiꞌanta.” 28Ko janꞌan ndachrja̱n ngixeꞌi naa xi xrotsjeꞌe xa inaa nchri ko tsingakuenxin xa nchra, meꞌe ó juincheꞌe xa ti ndakoꞌa ngaya aséen xa.
29 # Mt. 18:9; Mr. 9:47. *’Méxin siá ikuan ndatsjonxin jian sintekateya ixi sincheꞌe ti ndakoꞌa, cháña tantsjengia ko ndáꞌa tjanka, ixi cháña tsitjáña tuꞌo cuerpoa ko jeꞌa tsitjáña nchijíi jaꞌa ti jii xroꞌi naiꞌa tsanga. 30#Mt. 18:8; Mr. 9:43.*Ko siá tjáa ndatsjonxin jian sintekateya ixi sincheꞌe ti ndakoꞌa, cháña tonchrijian tjáa ko ndáꞌa tjanka ixi cháña tsitjáña tuꞌo cuerpoa ko jeꞌa tsitjáña nchijíi jaꞌa ti jii xroꞌi naiꞌa tsanga.
Ndo Jesús ko sen tsikuteꞌe
(Mt. 19:9; Mr. 10:11-12; Lc. 16:18)
31 # Mt. 19:7; Mr. 10:4. *’Kaxon kuituenꞌen sen saꞌó ixi ngisen ítjaunꞌa janchriꞌe, chao tsonchjian naa xroon tsintuexin kichuu sen. 32#Mt. 19:9; Mr. 10:11, 12; Lc. 16:18; 1Co. 7:10, 11.*Ko janꞌan ndachrja̱n ixi ngixeꞌi xi ítjaunꞌa nchrinchriꞌe xa, ko tjaun xa tsintuꞌe xa nchra, chao, jeꞌo siá nchrinchriꞌe xa juincheyeꞌe nchra xa ixi inaa xi. Siá naꞌi, meꞌe jeꞌe xa xranchi xrojuinchekateya xa nchra sincheꞌe nchra ti ndakoꞌa. Ko xi tsuteꞌe naa nchri, nchri tsikintuꞌe xixiꞌe, xi meꞌe tsama xa ijie̱ kaxon, xranchi naa xi kuejuakao inaa nchri.
Ndo Jesús juako ndo ixi juaꞌi sincheyani ixi jeꞌe ndo
33’Kaxon tsikinꞌennta ti kuetuenꞌen sen saꞌó: “Takeꞌanta ndo Dio xranchi nduaxin xrojuincheꞌenta ti ndachronta ko ncheꞌanta; jaꞌanta xrokonda sincheꞌenta ti tsindachronta ngajin Ncháina.” 34#Stg. 5:12; Mt. 23:22.*Ko janꞌan ndachrja̱n ixi juaꞌi tsakéenta ndo Dio ko ncheꞌanta ti ndachronta o̱ ngixeꞌi naa ngeꞌe ti jii ngajní ixi ngajní meꞌe ntaxitueen ndo Dio, ti tetuanxin ndo. 35Ko kaxon juaꞌi tsakéenta nunte xasintajni ko nduaxinꞌa sincheꞌenta ixi ngataꞌa nunte ntiꞌi takeꞌe tutée ndo Dio, ko juaꞌi xronichjaxinnta ixi tjajna Jerusalén ixi tjajna meꞌe tjajnée ndo Dio, ndo Rey tsango tetuanꞌan. 36Ko kaxon juaꞌi tsakéexinnta jáanta ko nduaxinꞌa sincheꞌenta ti ndachronta, ixi jaꞌanta chondaꞌinta juachaxin xrondachronta ixi naa xrajaanta tsontjúá xra o̱ tsontie xra. 37Méxin nchakon xrondachronta jaán, jaán tsonꞌen, o̱ siá xrondachronta naꞌi, naꞌi tsonꞌen ixi kain ti ícha xronichjanta, meꞌe nchekateyanta Xixronꞌanxrée.
Ndo Jesús juako ndo ixi juaꞌi tsjengeꞌeni
(Lc. 6:29-30)
38’Ó kuinꞌennta ixi kuandachro sen saꞌó siá kuandeꞌena ito̱n ikonnta, jaꞌanta kaxon tandeꞌenta ito̱n ikon na̱. Ko siá ito̱n kuantsjexin na̱ nenonta, jaꞌanta kaxon tandeꞌenta ito̱n neno na̱. 39Ko janꞌan ndachrja̱n te̱to̱koꞌinta ni ñaꞌi, ko siá xrojan ni meꞌe tsandeꞌe na̱ itja na̱ ngaya ikonnta, ndatsjonxin jian, takéenta ti ndatsjonxin ikjon kaxon. 40Siá xrojan ni ñaꞌi tsichro na̱ ijie̱ ixi tjaun na̱ tsantsjaꞌanta na̱ camisaanta, tájonnta kaxon chamaranta. 41Ko siá xrojan ni tjaun tsamanta ti iye jitikao na̱ naa kilómetro, jaꞌanta tikuꞌunta yuu kilómetro. 42Siá xrojan ni tsjanchakaꞌa ngajinnta, chje̱ꞌénta na̱, ko siá xrojan ngisen tjaun sinchekjennta na̱ xrojan ngeꞌe, tájonnta.
Ndo Jesús juako ndo ixi xrotjueꞌena chujni ningakoi̱na
(Lc. 6:27-28, 32-36)
43’Ó kuinꞌennta kaxon ti kuandachro sen: “Tjueꞌenta ni tjuaꞌanta ko ningakonꞌennta ni ningakonꞌannta.” 44Ko janꞌan ntatjunta ixi tjueꞌenta ni ningakonꞌannta, ko ndachenta ndo Dio sinchenchaon#5:44 sinchenchaon bendecir ndo ni ndakoꞌa nichjaꞌanta, ko tingijnanta ni ningakonꞌannta, ko ndachenta ndo Dio ixi sincheméꞌe ndo ti ndakoꞌa juintaꞌanta na̱ ko ti chinga nichja na̱ ixi jaꞌanta ko ti benginta na̱. 45Meꞌe jaꞌanta xrokjannta chjenꞌen Ndotáina jii ngajní, ndo tetuanꞌan tsachrje chjiixro ngataꞌa ni titikaon ndo ko ngataꞌa ni ñaꞌi, ko kaxon nchekania ndo ichrin ngataꞌa ni jian ncheꞌe ko ni ndakoꞌa ncheꞌe. 46Siá jaꞌanta jeꞌo tjueꞌenta ngisen tjuaꞌanta, ¿ngeꞌe tsjachanta ixi meꞌe? Ixi ni tjejo tomi neꞌe xi tetuanꞌan jaña ncheꞌe na̱ kaxon. 47Siá jeꞌo jian nichjeꞌenta sen kichuunta, ¿á jian rincheꞌenta, richronta? Jaña ncheꞌe ni chúxinꞌa ndo Dio kaxon. 48Méxin tsango jian ko ndako ncheꞌenta kain ngeꞌe xranchi Ndotánta jii ngajní, jian ncheꞌe jeꞌe ndo ko jian ndo.

© Wycliffe Bible Translators, Inc. All rights reserved.

Learn More About El Nuevo Testamento