Zakaráya 3
3
Ọwhulenya, Zakaráya whụru l'ẹhu Jóshuwa, bụ onye ishi ndu l'agbajẹ ẹja nụ Chileke
1Tọ dụ iya bụ, Onye-Nwe-Ọha bya egoshi mu Jóshuwa bụ onye ishi ndu l'agbajẹ ẹja nụ Chileke g'ọ kfụru l'iwhu Ojozhi imigwe, shi l'ẹka Onye-Nwe-Ọha; Sétanu kfụru iya l'ụzo ẹka-ụtara atukobe iya okfu l'ishi. 2Onye-Nwe-Ọha bya asụ Sétanu: “Sétanu! Tẹ Onye-Nwe-Ọha bakwaarụ ghu mba. Tẹ Onye-Nwe-Ọha ono, bụ iya họtaru Jerúsalẹmu bakwaarụ ghu mba! Tị madụ lẹ nwoke-e ya nụ bẹ bụ otsebere-nkụ, a lọfutaru l'ọku.”
3Uwe Jóshuwa ye l'ẹhu kfụru l'iwhu Ojozhi-imigwe ono bẹ inyi sọkoru nnanụ. 4Ojozhi-imigwe ono sụ ndu kfụru iya l'iwhu: “T'unu yefu iya uwe ono, inyi sọkoru nnanụ ono.” Ọ ghachi sụ Jóshuwa: “Leduwho, mu wofuakwaru ghu ejo-iwhe, i metagbaberu l'ẹhu; ntaa bẹ mu bya l'eye ghu uwe, l'egbu temutemu.”
5O noo ya, mu sụ ndu mu l'ezhije ozhi tẹ whẹ wota okpu-ẹkwa, l'ama ụma kpube Jóshuwa l'ishi. Ọo ya bụ, whẹ bya ekpube iya okpu-ẹkwa, l'ama ụma woru uwe, l'ama ụma yee ya. Ojozhi-imigwe ono shi l'ẹka Onye-Nwe-Ọha kfụruwho l'ẹka ono.
6Ojozhi-imigwe ono shi l'ẹka Onye-Nwe-Ọha ono bya ekfuru yeru Jóshuwa sụ iya: 7“Ọ waa iwhe Onye-Nwe-Ọha bụ Onye-ishi-igwe-ọgu l'ekfu ndọwa: ‘Ọ -bụru l'ii-tsoru ụzo mbẹdua, l'edobe nsọ mu, bẹ l'ịi-bụkwa onye ishi l'ụlo mu; ọma ogboduwhu ụlo mu adụ ghu l'ẹka, mu anụ ghu mgbahẹka t'i tsojeru ndu Ojozhi-imigwe-e, kfụru l'ẹka-a byajẹ l'iwhu mu. 8Ngabẹ nchị Jóshuwa, bụ onye ishi ndu l'agbajẹ ẹja nụ Chileke, gụ lẹ ndu l'agbajẹ ẹja nụ Chileke ibe ghu ono, nọdu ghu l'iwhu, mbụ ndu ono, l'egoshi iwhe dụ ree l'e-me lẹ mgbe l'iwhu: Sụ-a, mu l'e-me t'onye ozhi mu ono ẹwha iya bụ Ẹkali-oshi fụta iwhe. 9Lekwa ẹwhuru, mu tọgboru l'iwhu Jóshuwa, mbụ ẹwhuru lanụ, moru ẹnya ẹsaa. Mu l'e-de iya iwhe l'eli, o nokwa iwhe Onye-Nwe-Ọha bụ Onye-ishi-igwe-ọgu l'ekfu ndono. Ujiku lanụ bẹ mu l'e-wofu iwhe-dụ-ẹji, ndu alị-a megbaberu. 10Mbọku ono bẹ onyenọnu l'ime unu l'e-ku ibe iya oku t'ọ bya t'unu yọkobe onwunu lẹ mkpula vayịnu unu yẹle mkpula figu unu. O nokwa iwhe Onye-Nwe-Ọha bụ Onye-ishi-igwe-ọgu l'ekfu ndono.’ ”
Currently Selected:
Zakaráya 3: Ezaa
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust
