Egvu-ọma 24
24
Egvu-ọma, Dévidi deru
1Mgboko yẹle iwhe dụkota iya nụ
bụkotakwa nke Onye-Nwe-Ọha,
mbụ eliwhe l'owhu mẹe ndu, bu iya nụ.
2Nkele ọo l'eli eze-ẹnyimu b'ọ tụru ukfu iya, bya emee ya,
ọ kpọru akpọru l'eli ẹnyimu ime-alị.
3?Oo onye l'a-dụ ike nyihu ugvu Onye-Nwe-Ọha?
?Oo onye l'a-dụ ike kfụru l'ẹka o doberu nsọ?
4Ọo onye ẹka iya dụ ọcha,
bụru onye obu gụru iwhoro,
onye l'ete ewojeru obu iya zhiberu
iwhe-eswe, to gudeje ụgho gụa ẹnwa.
5Onye ono bẹ Onye-Nwe-Ọha l'a-gọru ọnu-ọma nụ,
Chileke ono, bụ onye l'adzọje iya nụ ahaaru iya enge.
6O noo g'ọgbo, l'achọ ghu nụ
l'adụje ndonoya, mbụ ndu l'achọ tẹ
whẹ whụ iwhu gụbe Chileke nke Jékọpu.
7Unu gụhashia ọnoguzo ono t'o gheru ọnu.
Unu gụhashia mgbo ndụ-ichee ono
t'o gheru ọnu, nke ọwhu eze, dụ biribiri l'a-bata.
8?Oo onye bụ-zhia eze, dụ biribiri ọbu?
Ọo Onye-Nwe-Ọha, bu onye nwe ike mẹe ọkpehu,
mbụ Onye-Nwe-Ọha onye ike dụ l'ọgu.
9Unu gụhashia ọnoguzo ono t'o gheru ọnu.
Unu gụhashia mgbo ndụ-ichee ono
t'o gheru ọnu, nke ọwhu eze, dụ biribiri l'a-bata.
10?Oo onye bụ-zhia eze, dụ biribiri ọbu?
Ọo Onye-Nwe-Ọha, bụ iya bụ
Onye-ishi-igwe-ọgu bụ eze, dụ biribiri ọbu.
Currently Selected:
Egvu-ọma 24: Ezaa
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust
